Yosua 10
10
’Ba Amoria ’diyi agazu ombasiri
1 #
Yos 6:21; 8:22; 9:15 Te eri nga eca ’dini, Adonizedeki opi Yerusalemuari ka erie’yo Yosuani Aini bizu,eri dri jazu teketeke ’dinileri ’bo (erini ’yele Yeriko vu opiniri berile, ’ye vini trotro Ai vu opiniri be), eri vini e’yo ’ba Gibeonia ’diyini asi anzu a’izu ’ba Israelini vu ovuzu yi eseliari indi; 2#Efu 15:14-16; Azi 11:25; 28:10; Zab 48:4-6; O’be 1:26, 27; Ebra 10:27, 31; Eceza 6:15-17yi ru ani tu a’disiku Gibeonini aku amboruni, eri ovu aku opiniru ’diyi ma azi, azini eri ambo aga Ainiri ra, dika ’ba alenia ’diyi dria okporu. 3#E’do 23:2; Kal 13:22E’yo ’disi Adoni-zedeki opi Yerusalemuari nga e’yo ti pe Hohamu opi Hebironiari pi vu, Piramu opi Yarimutiari pie, Yafia opi Lakisiari pie, Debiri opi Egiloniari pie, ’yozu kini, 4#Yos 9:15Emi etu ma vu ma aza kozu, ama ma ’di a’di Gibeoni be; erini asi anzu a’ile Yosua pi vu anzi Israelini be ’borisi. 5#Yos 9:2E’yo ’disi opi towi ’ba Amorini, yi opi Yerusalemuari pi, opi Hebironiari pi, opi Yarimutiari pi, opi Lakisiari pi, opi Egiloniari pie, yi oku yi tualu, nga tu uru, yi’i, asikari ongulumuru yini ’diyi be dria, yi nga hema yini aso Gibeoni drilialeru, a’di ’dizu eri be. 6#Yos 5:10’Ba Gibeonini ’diyi nga e’yo ti pe Yosua vu pari yini hema asozu Giligaliaria, ’yozu kini, Mi dri ma aka ati’ba mini ’diyisi ku; mi emu ama vu mbele ama pazu, ama aza kozu indi; a’disiku opi ’ba Amorini dria ovupi oni dria ’diyi oku yi tualu a’di ’dizu ama be. 7#Yos 8:1’Dinile Yosua nga enga Giligaliarisi, eri’i tualu ’ba ombani ’diyi be, azini ’ba okporu asi agupiru ’diyi be indi. 8#Azi 7:24; 11:25; Yos 11:6; 23:9; Lip 4:14; Yos 1:5Yehova nga ’yo Yosua tia, Mi ru yi ku, mani yi fele mi dria ’borisi; ’ba yini aluani ngapi pa sopi mi driliani yo. 9Ka’dini Yosua nga emu yi vu rru, erini engale Giligalia ini be rrarisi. 10#Lip 4:15; 1 Sam 7:10; Zab 18:14; Isa 28:21; 2 Sur 14:12; Yos 16:3, 5; 15:35Te Yehova nga fe yi ovu ndezaru ’ba Israelini ma drilia, nga yi ofu dri jata amborusi Gibeonia, nga yi odro geri angu tuza mupi Betihoroniarisi, yi dri jazu kpere Azekaa, azini kpere Makedaa indio 11#Zab 18:13, 14; 77:17; Isa 28:2; 30:30; Eceza 16:21Te eri nga eca ’dini, yini aparia ’ba Israelini ma drilia, azini yini nga esiria angu eluza Beti-horoniaria, Yehova nga oni amboru o’be yi dria ibizu ’bua kpere Azekaa, yi odra ani ra; ’ba odrapi sisi ’diyi aga ’ba Israelinini ofule seisini ’diyi ra.
12 #
Azi 4:19; 17:3; Zab 19:4; Isa 28:21; 38:8; Hab 3:11; Lip 12:12 Yosua nga ’yo Yehova ma tia etu Yehovani ’ba Amorini fezu odrazu anzi Israelini ma driliarisi; eri ’yo ’ba Israelini ma milia ’dini kini, Etu, mi’i, mi so pa ’dani Gibeoni ma dria, azini mi’i, Mba, mi so pa a’bu Aiyalonini ma alia. 13#2 Sam 1:18’Dini etu nga di pa so ’dani, mba nga adri vini pari alua ’dani indi, cazu kpere suru yini yi ma arioti oferia juru yini ma ruaa. ’Di ovuni sizaru buku Yasariniri ma alia ku ya? Etu so di pa ’bu agadua, ’deni mbele ku o’du alu pi ani. 14#Isa 38:8; Efu 14:14; Azi 1:30; 3:22; 20:4; 33:26-29; Yos 23:3, 10; Lip 1:19, 22; 2 Sur 20:29; Neh 4:20; Zab 33:8-20; Isa 31:4; 42:13; Zek 14:3O’du azini ndra ’darile drioni yo, ’yeni vini nga i ’dini vutinia ku indi, o’du Yehovani o’duko aguni erizu rari’i; Yehovani omba ’bale ’ba Israelininirisi. 15Yosua nga di mvi ’ba Israelini be dria hema yinia Giligalia. 16Opi towi ’diyi apa ra, nga yi ozi oni gulea Makedaa. 17E’yoni nga ca Yosua bilia kini, Isu opi towi ’diyi ra, ozi yi oni gulea Makedaa. 18Yosua nga ’yo ra, Emi gu oni ambo ambo gule tilia ci, emi ’ba ’ba yi ma agei tezu indi; 19te emi ma te te ku, emi ma dro juru emini ma vuti, emi ofu yi ma azi vileru ’diyi indi, emi ku yi ma fi aku yinia ku; Yehova Mungu eminirini yi fele emi dria ’borisi. 20Eri nga eca ’dini, Yosua pi anzi Israelini be yini deria yi ofuri a dri jata amborusi ’bo, cazu kpere yini yi dri jazu teke teke, de nga yi ma joloko acepi ’diyi fini aku abi kaliru beria ku, 21#Efu 11:7; Isa 54:17’ba dria yi nga mvi hemaa Yosua vu Makedaa asi anzuru be; ’ba aluni zini i ma ti anzi Israelini ma ruaa yi o’dazu ku.
22Yosua nga di ’yo, Emi zi oji tile, emi ofu ani opi amboru towi ’dayi amve ma vu engazu ojiarisi. 23Te yi ’ye ’dini, yi ofu opi amboru towi ’dayi eri vu amve engazu ojiarisi ra, yi opi Yerusalemuari pi, opi Hebironiari pi, opi Yarimutiari pi, opi Lakisiari pi, opi Egiloniari pie dria. 24#Azi 33:29; Zab 2:8-12; 91:13; Isa 26:5, 6; Mal 4:3; Eceza 2:26, 27Te eri nga eca ’dini, yini opi ’dayi ejiria Yosua vu ’boria, Yosua nga di ’ba Israelini omve dria, eri ’yo ’ba amboru ’ba ombani mupi eri be ’diyi ma drilia ’diyi ma tia, Emi esi inyia, emi o’ba emi pa opi ’diyi ma ombelekoa. ’Dinile yi emu inyia, yi o’ba pa yi ma ombelekoa ra, 25#Azi 31:6, 8; Yos 1:9; 1 Sam 17:37; Zab 63:9; 2 Kor 1:10; 2 Tim 4:17; Azi 3:21; 7:19Yosua nga di ’yo yi ma tia, Uri ma bi emi ku, emi ru ku indi; emi ma ovu okporu asi teza be; Yehovani ngale ’yele ’dinile ari’ba emini omba ’bazu yi pie ’diyi vu driarisi. 26#Kal 25:14; Yos 8:29; 2 Sam 21:6, 9; Esi 2:23; 7:9, 10; Zab 149:7, 9Vilerisi Yosua o’di yi, ofu yi ra, eri o’i yi ma avu pati towi ma sia, yi ovu ’izaru pati sia ’daa kpere ondresi, 27#Azi 21:23; Yos 8:29Te eri nga eca etuni ’deria ’dini, Yosua azi e’yoni, otru yi pati siarisi ra, o’be yi ma avu oni oji te yini yi ozizuria, yi gu oni ambo ambo ’diyi, o’ba oji tilia ci, ecazu kpere o’du andru ’dorisi.
28 #
Yos 6:21
Yosua nga di Makedani bi o’du ’dasi, fu eri sei ma sisi opi aleniari be; ja yi ma dri teke teke, ’ba idriru ’daa ’diyi pie dria; eri kuni ’ba alu acepini ku; eri ’ye opi Makedaari vu ekile erini ’yele opi Yerikoni vu ’borile.
29 #
Yos 15:42; 21:13; 2 Opi 8:22; 19:8 Yosua nga aga engazu Makedaarisi ’ba Israelini pie dria, cazu Libinaa, yi ’di a’di Libina be ra 30te Yehova fe eri alu indi opi amboru ’dari be ’ba Israelini ma dria; fu eri sei ma sisi, ’ba idriru alenia ’diyi pie dria; eri kuni ’ba alu acepi aleniani ku; ’ye opi ’dari ekile erini opi Yerikoni ’yelerile.
31 #
2 Opi 14:19; Mik 1:13 Yosua nga di aga ’ba Israelini pie dria engazu Libinaarisi muzu Lakisia, hema yini asozu eri ageia, yi ’di a’di eri be ra: 32te Yehova fe Lakisini Israeli ma dria ra, eri ’du eri o’du iririsi, fu eri sei ma sisi, ’ba idriru alenia ’diyi pie dria, ekile e’yo dria erini ’yele Libina vurile. 33#Yos 16:3, 10; Lip 1:29; 1 Opi 9:16, 17; 1 Sur 20:4Etu ’dasi Horamu opi Gezeriari nga di emu Lakisi ma aza kozu; te Yosua fu eri ra, ’ba erini be dria, de nga eri kuni ’ba aluni acezu ku. 34Yosua nga di vini aga engazu Lakisiarisi ’ba erini pie dria mu hema asozu Egiloni ma ageia, yi ’di a’di eri be ra; 35yi pa eri o’du nde ’dasi, fu eri sei sisi; eri ja ’ba idriru alenia ’diyi ma dri teketeke o’du ’dasi, ekile e’yo dria erini ’yele Lakisi vurile. 36#Kal 13:22; Yos 14:13; 15:13; Lip 1:10; 2 Sam 5:1, 4Yosua nga di enga Egiloniarisi; ’ba Israelini pie dria, mu Hebironia yi ’di a’di eri be ra, 37bi eri ra, fu eri sei ma sisi, opi amboru aleniari pi, aku erini pie dria, ’ba idriru alenia ’diyi pie dria; eri kuni ’ba alu acepini ku, ekile erini ’yele Egiloniarile, te eri ja drini teketeke ’ba idriru alenia ’diyi pie dria.
38 #
Yos 15:15; 21:15; Lip 1:11, 15 Yosua nga di dri atri ’ba Israelini pie dria mu Debiria, yi ’di a’di eri be, 39azini eri pa eri ra, opi alenia ’daari pi, aku amboru ageinia ’diyi pie yi ofu yi sei ma sisi, ja ’ba idriru alenia ’diyi ma dri teketeke ra; kuni ’ba alu acepini ku; ekile erini ’yele Hebironiarile eri ’ye Debiri vu ’dini indi opi erini be, ekile erini ’yele Libinaa opi erini be ’borile. 40#Yos 15:21-63; 19:1-8; Efu 23:31-33; 34:12; Azi 7:2; 20:16, 17’Dini Yosua ofu di ’ba angu ndea ’diyi dria, suru oni ruaa ’diyi pie, ’ba angu Uruleruria ’diyi pie, ’ba angu senderia ’diyi pie, ’ba angu eluzaruria ’diyi pie, opi amboru yini pie dria indi; eri kuni ’ba alu acepini ku, te eri ofu afa idriru ava ’yapi ’diyi dria dria, ekile Yehova Mungu Israelinirini azilerile, 41#Kal 13:17, 26; 32:8; E’do 10:19; Azi 2:23; Lip 16:1; Amo 1:6; Zef 2:4; Zek 9:5; ’Yeta 8:26; Yos 11:16Yo sua ofu yi engazu Kadesi-barineaarisi kpere Gazaa, angu Goseniari be dria, kpere Gibeonia. 42#Zab 44:2; 80:8; Isa 43:4Opi ’diyi dria angu yini pie, Yosua opa yi pale alu o’du nde ’diyisi, a’disiku Yehova Mungu Israeliniri ’di a’di ’ba Israelinisini. 43Te Yosua atri dri ra, ’ba Israelini pie dria eri be, angu yini hema asozu Giligaliaria.
Currently Selected:
Yosua 10: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
