Yosua 21

’Ba Levini ’diyi ma aku ambo ambo ’diyi

1 # Kal 34:17; Yos 14:1; 17:4 Vilerisi ’ba ’wara Levini, ori’ba yi ma atapini ma drilia ’diyi, nga emu Eleazari ’ba edeta edepiri pi vu, Yosua Nuni mvi pie, ’ba ’wara suru Israeli anzipini ori’ba yi ma atapini ma drilia ’diyi be; 2#Kal 35:1-8; Yos 18:1; Eze 48:9-18; Mat 10:10; Gal 6:6; 1 Tim 5:17, 18nga ’yo yi tia Siloa angu Kananini ma alia kini, Yehova azi ndra ama dri Musa ma tiarisi aku fezu amani ovuzu alenia, angu ageiniari pie iribiru anyapa amani ocele ’diyi dri indio 3Ka’dinile Israeli anziyi yi nga ’ba Levini dri aku ’diyi fe tualu angu ageiniari be, engazu angu yini a’ile awurusoruri ma alia, Yehovani azile yi dririle.

4 # Yos 24:33 Odrisi ’de enyati ’ba Kohatini ma dria. Aroni ’ba edeta edepiri ma a’bianzi ovupi ’ba Levini eselia ’diyi yi isu odrisisi aku mudri drini na suru Yudani pi ma eselia, suru Simeonini pie, suru Benyaminini be. 5Yini odrisi ’beria, ’ba Kohatini acepi jolokoru ’diyi isu aku mudri enyati suru Efiraimuni pi ma eselia suru Danini pie, suru ali Manaseni pie. 6Yini vini odrisi ’beria, ’ba Gerisonini ’diyi isu aku mudri drini na, enyati suru Isakarini pi ma eselia’i suru Aserini pie, suru Nafutalini pie, suru ali Manaseni pie Basania ’dale.

7Merari anziyi isu yini vini aku mudri drini iri awazu enyati yini vusi suru Rubenini pi ma eselia suru Gadini pie, suru Zebulunini pie. 8#E’do 49:7; Kal 35:2, 3; Yos 18:6; O’be 16:33Aku’diyi Israeli anziyini fele ’ba Levini dri tualu angu ageinia ’diyi be yini odrisi ’beria, ekile Yehovani e’yoni azile yi dri Musa ma tiarisirile. 9Suru Yuda anziyini ma alia suru Simeoni anziyini be, yi fe aku ’bani ecele rusi ’diyi. 10Yi ovu Aroni anziyi enyati Kohatini ovupi Levi anziyi eselia ’diyi dri, a’disizu odrisi ’beza okori ovu yini. 11#1 Sur 6:55; E’do 23:2; Yos 14:15; 15:13; 2 Sam 2:1-3; Luk 1:39Yi nga yi dri Kiriati-ariba fe (Ariba nde ndra Anaki ma ati’i, angu nde bani Hebironi’i), angu nde ovu oni dria Yuda vile angua, fe aku nde ra angu ageini acepi kururi be. 12#Yos 14:14Te aku nderi ma amvu tualu aku nyiri nyiri erini ’diyi be yi fe Kalebu Yefune mvi dri, ma ovu afa eriniru. 13#Kal 35:13-15; Yos 20:7-9; 1 Sur 6:57; Yos 15:54; 10:29; 15:42; Isa 37:8Te Aroni ’ba edeta edepiri ma, a’bianzi dri yi fe aku Hebironi pi angu eri ma ageiari be, eri ndra aku i ’ba ’ba fupi ’diyini apazuri, Libina pie angu eri ma ageiari be, 14#Yos 15:48, 50Yatiri pie angu eri ma ageiari be, Esitemoa pie angu eri ma ageiari be, 15#1 Sur 6:58; Yos 15:49Holoni pie angu eri ma ageiari be, Debiri pie angu eri ma ageiari be, 16#1 Sur 6:59; Yos 15:10, 55Aini pie angu eri ma ageiari be, Yuta pie angu eri ma ageiari be, Beti-semesi pie angu eri ma ageiari be-aku ambo ambo oromi suru iri ’diyi ma eselia; 17#Yos 18:24, 25dika suru Benyaminini ma alia, Gibeoni pi angu eri ma ageiari be, Geba pie angu eri ma ageiari be, 18#1 Sur 6:60Anatoti pie angu eri ma ageiari be, Alimoni pie angu eri ma ageiari be-aku ambo ambo su. 19Aku ambo ambo Aroni ma a’bianzi ’ba edeta edepi ’diyini, dria mudri drini na tualu angu yi ma ageia ’diyi be.

20 # 1 Sur 6:66 Enyati Kohati ma a’bianzini ’ba Leviniru ’diyi, yi a’bianzi Kohatini acepi jolokoru ’diyi, yini odrisi yini ’beria yi isu aku yini suru Efiraimuni ma eselia. 21#E’do 33:19; Yos 20:7; Lip 9:1; 1 Opi 12:1Nga yi dri Sekemu pi, ovupi aku ’ba ’ba fupi ’diyini apazuriruri fe angu eri ma ageiari be, angu oni dria Efiraimuniria, Gezeri pie angu ageiniari be, 22Kibizaimu pie angu ageiniari be, Beti-horoni pie angu ageiniari be-yi aku ambo ambo su; 23suru Danini ma eselia yi fe Eliteke pi angu ageiniari be, Gibetoni pie angu ageiniari be, 24Aiyaloni pie angu ageiniari be, Gati-rimoni pie angu ageiniari be-yi aku ambo ambo su; 25suru ali Manaseni ma eselia yi fe Taanaki pi angu ageiniari be, Gatirimoni be angu ageiniari be-aku ambo ambo iri. 26Aku nde ’diyi enyati Kohati anziyi ma joloko acepi ’diyini, yi dria mudri angu ageinia ’diyi be. 27#1 Sur 6:71; Azi 1:4; 4:43; Yos 20:8; 1 Sur 6:71, 76Yi fe Gerisoni anziyi, ovupi ndra ’ba Levini ma enyatiru ’diyi dri, suru ali Manaseni ma alia Golani Basaniari pi, ovupi ndra aku ’ba ’ba fupi ’diyini apazuriruri, angu ageiniari be, Be-esitera be angu ageiniari be-yi aku ambo ambo iri; 28sakari vile sururi eselia, Kisioni pi angu ageiniari be, Daberati pie angu ageiniari be, 29Yarimuti pie angu ageiniari be, Eni-ganimu pie angu ageiniari be-aku ambo ambo su; 30Aseri vile sururi eselia, Misali pi angu ageiniari be, Abidoni pie angu ageiniari be, 31Helikati pie angu ageiniari be, Rehobu pie angu ageiniari be-aku ambo ambo su; 32#Yos 20:7Nafutali vile sururi eselia, Kedesi Galiliari pi angu ageiniari be, ovupi aku ’ba ’ba fupi ’diyini apazuriruri, Hamoti-dori pie angu ageiniari be, Karitani pie angu ageiniari be-aku ambo ambo na. 33Aku ambo ambo Gerisoni anziyini enyati yini vusi ’diyi dria mudri drini na angu ageinia ’diyi be. 34#1 Sur 6:77Enyati Merari anziyini ’ba Levini ma joloko acepi ’diyi dri, yi fe suru Zebulunini ma eselia, Yokineamu pi angu ageiniari be, Karita pie angu ageiniari be, 35Dimina pie angu ageiniari pie, Nahalali pie angu ageiniari be-aku ambo ambo su; 36suru Rubeni vileri ma eselia, Bezeri pi angu ageiniari be, Yahazi pie angu ageiniari be, 37Kedemoti pie angu ageiniari be, Mefaati pie angu ageiniari be-aku ambo ambo su; 38#Azi 4:43; 1 Opi 4:13; E’do 32:1; 2 Sam 2:8; 17:27Suru Gadini ma eselia yi fe Ramoti Gileadiari pi angu ageiniari be, ovupi aku ’ba ’ba fupi ’diyini apazuriruri, Mahanaimu pie angu ageiniari be, 39Hesiboni pie angu ageiniari be, Yazeri pie angu ageiniari be-dria aku ambo ambo su. 40Aku ’diyi dria Merari anziyi acepi ’ba Levini ma enyatiru ’diyini, yini isule enyati vusi ’diyi, odrisi ’beza yini ndra aku ambo ambo mudri drini iri. 41#E’do 49:7; Kal 35:7; Azi 33:10Aku ambo ambo dria ’ba Levini a’ile awuruso Israeli anziyini ma eselia ’diyi, yi dria kali su drini aro angu yi ma ageia ’diyi be. 42Aku ambo ambo ’diyi ovu alu alu angu yi ma agei acepi kururi be tualu; aku ambo ambo ’diyi dria ndra ’dini.

Israelini angu nyazu yiniruri

43 # E’do 13:15; 15:18; 26:3 ’Dini Yehova fe di ’ba Israelini dri angu dria erini oyo sole yi ma a’bipi tia fezu yi driri ra; yi nga eri ’du yiniru, nga ovu alenia. 44#Yos 11:23; 22:4; Azi 7:24Yehova nga di ava liza fe yi dri kala vusi dria, ekile e’yo dria erini oyo sole yi a’bipi tiarile; ari’ba yini dria ma eselia ’ba aluni ecopi pa sozaru yi driliani yo, Yehova fe juru yini dria yi ma dria ra. 45#Yos 23:14; Efu 3:7, 8; 23:23, 31; 1 Opi 8:56; Isa 49:7, 8, 15, 16; Mat 24:35; Luk 21:33E’yo onyiru dria Yehovani azile suru Israelini dri ’bori aluni avini yi dri ku; e’yo dria ’ye yi tro.

Currently Selected:

Yosua 21: LB66

Highlight

Copy

Compare