Yosua 14

Kananini awazu odrisi ’bezasiri

1 # Kal 34:17 Angu anzi Israelinini bile awuruso yinirui angu Kananinia ’diyi yi ’di, angu nde ’ba edeta edepi Eleazari pi, Yosua Nuni mvi pie, ’ba ’wara ori’ba drilia suru anzi Israelinini vusi ’diyini awale yi drini ’diyi. 2#Kal 26:52-56; 33:54; 34:13; Zab 16:5; O’be 16:33; 18:18Awuruso yini ’diyi yi isu odrisi ’bezasi, ekile Yehovani azile geri Musa ma tiarisi suru oromi ali be ’diyi ma e’yosirile. 3#Kal 32:33; 34:14-15; Azi 3:12-17; Yos 13:8Musani awuruso fele suru iri ’diyi pi dri suru aliruri be Yoridani tia ’aa’dasi ’borisi; te ’ba Levini dri eri feni awuruso yini yi ma eselia ku. 4#E’do 48:5; 1 Sur 5:1, 2A’disiku anzi Yusufuni yini ovule suru iri Manase pi Efiraimu berisi; te yi feni ’ba Levini ’diyi dri esele yiniri angu nde ma alia ku, pe lu kiri aku yini adrizu ’diyi’i, angu ageinia’diyi be anyapasi lonyi yini ma ta mbazu. 5#Kal 35:2; Yos 21:2; Eze 45:1-8; 48:8, 22Ekile Yehovani azile Musa tiarile anzi Israelini ’ye bani ’dini; yi awa di angu nde ra.

Hebironini ezu Kalebu driri

6 # Kal 14:24, 30; 32:8, 12; 13:26; Yos 15:17; Azi 1:19, 36 Anzi Yudani nga di si Yosua vu ogogo Gileadia ’dale; Kalebu Yefune mvi ’ba Kenizini ’yo tinia, kini, Mi ni e’yo Yehovani ’yole Musa ’ba Munguni ma tia Kadesibarineaa ama e’yosi mi beri ra. 7#Kal 13:1-30O’du ndra Musa ati’bo Yehovanini ma ti pezo engazu Kadesi-barineaasi emuzu angu ’diri ma orile gazurisi de ndra ma eli ca kali su ’bo; ma’i ma nga eri dri e’yo eji dika erini ovule ma asiarile. 8#Kal 14:24; Azi 1:36; Eceza 14:4Te ti ma adripi amani muzu yi be ’diyi fe ’ba ’diyi ma asi ca ra; te ma ’ba ma asi dria ’dani Yehova Mungu mani ma vuti bizu. 9#Kal 14:24; 13:22; Yos 1:3O’du ’darisi Musa so oyo kini, Ada, angu mi pani tule ’diri nga ovu esele miniru, angu nderi ma ovu mini mi anzipi be ’dani ’dani, mini mi asi ’bale dria Yehova Mungu mani ma vuti bizu ’dani ’danirisi. 10#Kal 14:30; Azi 31:2; Zab 90:10Curu’do mi lu, Yehova mba ma ta idriru ’bo ekile erini ’yolerile, eli ’diyi kali su drini towi engazu o’du Yehovani e’yo ’diyi ’yozu Musa tia, ’ba Israelini yini aciria roko dria ’daarisi; te mi ne, curu’do ma ovu eli be kali aro drini towi andru. 11#Azi 34:7; 31:2Te ti andrerisi ma ovu okpo be andra Musani ma ti eperia ’daarile; okpo manini ndra ovulerile okpo mani curu’dori eri vini ’dini tro tro, omba ’dizu kani fuzu azini emvizu. 12#Kal 21:34; 1 Sam 14:6; 2 Sur 14:11, 12; Zab 18:32; 44:3; Rum 8:31; Fil 4:13; Yos 15:14; Lip 1:10E’yo ’disi mi ma fe mani oni Yehovani e’yo ’yole erisi o’du ’dasi ’diri fo; mi ngulupini erile o’du ’dasi kini ’ba Anakini yi ’daa, azini aku yi amboru azini kali berisi: kani Yehovani nga ovu ma be yani, ma ma dro yi beni, kile Yehovani ’yolerile. 13#Lip 1:20; E’do 47:7-10; Yos 22:6; 10:37; 21:11; 1 Sur 6:55Yosua nga di asi ndriza fe Kalebu Yefune mvi dri ra; nga Hebironini fe esele eriniru. 14Ka’dinile Hebironi nga ovu Kalebu Yefune mvi ’ba Kenizini dri ovuzu angu esele eriniru ecazu o’du ’diria andru, a’disiku erini i asi ’bale dria Yehova Mungu ’ba Israelinini ma vuti bizurisi, 15#E’do 23:2; Yos 15:13; 11:23Andra okorisi Hebironi ma ru Kiriati-ariba’i; Ariba nderi ndra ’ba ambo agapi dria ’ba Anakini ma driliari’i. Te angu nga di ndri a’dini asilerisi ra.

Currently Selected:

Yosua 14: LB66

Highlight

Copy

Compare