Yosua 13

Angu acepi nga awakokoruri

1 # E’do 18:11; Yos 14:10; 24:29; 1 Opi 1:1; Luk 1:7 Yosuani di ovuria dezaru eli be karakarau ’borisi, Yehova ’yo eri ma tia kini, Mi’i, mi de di ’bo, eli be kakau, te angu acepi nyakokoru ’diyi vini kiri karakarau. 2#Efu 23:29, 31; Azi 11:23, 24; Lip 3:1; E’do 10:14; 26:1; Yoe 3:4; 1 Sam 27:8; 2 Sam 3:3Angu nde acepi ’diyi yi ’di: angu ’ba Filisitinini dria ’ba Gesuriniri be 3#Yer 2:18; 1 Sam 6:4, 16; Zef 2:5; Azi 2:23(engazu yi ara Sihori kala Misirialeruria kpere esele Ekironini kala andraleruria, angu ovupi lazaru ’ba Kananini ’diyiniruri; ’ba ’wara ’ba Filisitinini towi ’diyi: ’ba Gazani, ’ba Asidodini, ’ba Asikelonini, ’ba Gitini, azini ’ba Ekironini ’diyi be), ’ba Avini vini indi, 4#Yos 19:30; Lip 1:34kala urulerua angu dria ’ba Kananini, Meara ovupi ’ba Sidonia ’diyiniruri be, kpere Afekia, azini esele ’ba Amoriniri vu indi; 5#1 Opi 5:18; Zab 83:7; Eze 27:9; Yos 12:7angu ’ba Gebaliniri pie, Lebanoni dria be, kala etuni efurialeru engazu Baali-gadi oni Herimonini etiaria, kpere cazu pari ’bani fizu Hamatiaria; 6#Kal 33:54; Yos 11:8; 23:13; Lip 2:21; Yos 14:1, 2’ba dria ovupi oni dria engazu Lebanonia, kpere Misirefoti-maimua, yi ’ba Sidonini ’diyi. Ma nga ’ba ’diyi dro dria anzi Israelini ma driliarisi ra; mi awa lu angu ’diri ’ba Israelini dri awa awa, ma ’be yi odrisisi, ma ovu awuruso yiniru, mani azile mi tiarile. 7Ka’dini mi ma awa angu ’diri awurusoru suru oromi pi dri ali Manaseniri be.

8 # Kal 32:33; Azi 3:12; Yos 22:4 ’Ba Rubenini piyi ’ba Gadini ’diyi pie ’du awuruso yini ’ba Manaseni ma joloko acepi ’diyi pie, Musani ndra fele yi dri Yoridani tia ’aa’dasi kala etuni efurialeruriari, yi bi tro tro ekile Musa ati’bo Yehovanini awale yi dririle; 9#Kal 21:30; Isa 15:2; Yer 48:18, 22engazu Aroeri ovupi a’bu Arinoni ma kalaariasi, aku ovupi a’bu nde ma eselia agaduari pi angu sende Medebani be dria kpere Dibonia; 10aku Sihoni opi ’ba Amorini, ndra angu bipi Hesiboniarini nyale ’diyi be dria kpere esele anzi ’ba Amoniniria; 11#Yos 12:5Gileadi pi kala ’ba Gesuria ’diyi pini ’ba Maakatia ’diyi beri pie, oni dria Herimonini pie, Basani pie dria kpere Salekaa; 12#Azi 3:11; Kal 21:24angu dria opi Ogini nyale Basaniari, Ogi nde nya ndra angu Asitaroti pia Edrei be (eri a’dule ace ’ba Refaini ’diyini); ’ba ’diyi ndra ’ba Musani ofule azini odrole’diyi. 13Te ti, anzi Israelini droni ndra ’ba Gesurini ’ba Maakatini be ku; te ’ba Gesurini piyi ’ba Maakatini be yi adri di ’ba Israelini ma eselia ecazu kpere o’du ’diria andru,

Angu Musani awale awurusoru ’diyi

14 # Azi 18:1; 10:9; 12:12, 19; Kal 18:20; Yos 14:3, 4 Suru ’ba Levini dri a’dule Musa feni awuruso yini ku; edeta evele acisi Yehova Mungu Israelini dririni ovule ndra awurusoru yinirisi, erini ’yole yi tiarile. 15Musa fe angu suru Rubenini dri enyati yini vusi. 16#Kal 21:28, 30; Azi 3:12; Yos 12:2Lokiri yini e’do Aroeri ovupi a’bu Arinoniaria tualu aku ovupi a’bu nde ma aga-duaria, nga di fi angu senderu ovupi Ogogo Medeba beria; 17Hesiboni pi indi, aku erini dria ovupi angu senderua ’diyi be; Diboni pi, BamotiIbaali pi, Beti-baali-meoni pie, 18#Kal 21:23Yahazi pi, Kedemoti pi, Mefaati pie, 19#Kal 32:37Kiriataimu pi, Sibima pi, zereti-sahari ovupi oni a’bu aliari ma driari pie, 20Beti-peori pi, angu eluza Pisigaari pi, Beti-yesimoti pie, 21#Azi 3:10; Kal 21:24; 31:8aku ambo ambo angu sendea ’diyi pie dria, angu Sihoni opi ’ba Amorini ma driliarini nyale angu Hesiboniari pie dria, opi nde Musani ndra ofule ’ba ’wara Midiaa ’diyi be tualuri, ’ba ’wara nde yi Evi pi, Rekemu pi, Zuri pi, Huri pi, Reba pie, yi bani ’ba ’wara Sihonini ovupi angu ’diri ma alia ’diyi. 22#Kal 22:5; 24:1; 31:8; 2 Pet 2:15; Eceza 2:14Anzi Israelini fu Balamu Beori mvi ’ba e’yo ondripiri seisi indi, ’ba azini yini ofule ’diyi ma eselia. 23Esele anzi Rubenini eri yi ara Yoridanini, kala erini be dria. Awuruso anzi Rubenini enyati yiniri vusi, aku ambo ambo, aku nyiri nyiri be, yi ’di.

24Musa fe awuruso suru Gadini dri, adani anzi Gadini dri enyati yini vusi. 25#Kal 32:35; 21:26-29; Azi 2:19; Lip 11:13; 2 Sam 11:1; 12:26Yi ma esele eri Yazeri azini aku Gileadini ’diyi dria, azini angu ali anzi Amonini kpere Aroeri ovupi Rabaa ma driliaria; 26engazu Hesiboniarisi kpere Ramatimizipe pia, Betonimu be, engazu vini Mahanaimuasi cazu Debiri ma kalatia; 27#E’do 33:17; 1 Opi 7:46; Kal 34:11; Azi 3:17; Yos 11:2; Mat 14:34; Luk 5:1azini a’bu alia, Beti-haramu pi, Beti-nimira pi, Sukoti pi, Zafoni pie, angu Sihoni opi Hesiboniarini ma joloko acepiri, Yoridani pi kala erini be kpere asiza miri Cineretini Yoridani tia ’aa’dasi kala etuni efurialeruria. 28A wuruso anzi Gadini yini isule enyati yini vusi, aku ambo ambo, aku nyiri nyiri ’diyi be, yi’di.

29Musa fe awuruso suru ali Manase vile ’diyi dri; awuruso nde ovu anzi Manaseni ma ali dri enyati yini vusi. 30#Kal 32:41; 1 Sur 2:23Yi ma esele nga e’do Mahanaimuasi Basani dria pi angu Ogi opi Basaniarini dria pie, aku amboru Yairini ovupi Basania ’diyi pie dria, yi aku kali azia; 31#Yos 12:4te Gileadi ma ali pi Asitaroti pie Edrei be, aku opi Ogini nyale Basania ’dale ’diyi, angu nde ndra Manase mvi Makiri ma anzipini, ada anzi Makirini ma esele aluri dri, enyati yini vusi.

32’Diyi angu Musani awale yi dri yi ma awurusoru angu sende Moabunia, Yoridani tia ’aa’dasi Yeriko ma kala etuni efuzurialeru. 33#Kal 18:20; Yos 18:7; Azi 10:9; 12:12; 14:27, 29; 18:1, 2; Eze 44:28Te suru ’ba Levini dri Musa feni awuruso yini ku; Yehova Mungu Israelinirini ovule awuruso yinirisi, ekile erini ’yole yi ma tiarile.

Currently Selected:

Yosua 13: LB66

Highlight

Copy

Compare