Isaya 64
64
1Mi ka te ’bu asi ra, mi ka te asi ra, oni ka te aka menemeneru mini ovule indirisi, ’yeke--
2ekile acini ti kozu eja a’wisirile azini aci nde fe yi ma a’di a’di’dini fezu mi ru ma ovu nizaru ari’ba mini dri, suru ndu ndu ma rua ma ya mini ovule indirisi ani
3Ewu mini ndra ’yeta uriuriru amani lule ku ’diyi ’yezurisi, mi esi ndra va, oni aka yiru mini ovule indirisi,
4 #
Zab 31:19; Kol 1:26, 27; 1 Tim 3:16; Eceza 21:1-4; 1 Kor 2:9, 10 A’disiku engazu drio ’ba erini ku, ’ba erini vini e’yo nde yi ma bilesi ku, azini mile ’bani ndreni Mungu andini azi ngapi ’ba eri tepi ’diyi driri ku, pe lu kiri mi’i a’dule.
5 #
’Yeta 10:35; Mal 3:6 Mi adri dri fu ’ba ovupi ayikoru onyi ’yepiri be, ’ba e’yo mini egapi geri mini ma alia ’diyi.
Mi ndre, mi ovu ndra aokosi, te ama eza ra; ama adri ezata nde ma alia ewu izuru, te ama nga ama paraya?
6 #
Fil 3:9
A’disiku ama oja ama dria alu alu ekile ’ba alata kokorule, ’yeta amani onyiru ’diyi dria ovu ekile bongo ondirule. Ama dria onyu ekile pati bikole, e’yo onzi amani ’du ama ekile olini afa ’ dulerile.
7 #
Hos 7:7
’Ba aluni yo mi ru omvepiri, kani i ma asi engapi mi bizuri; mini mi mile zile amasirisi, mi ja ama dri ’bo e’yo onzi
8 #
Yer 18:6; Efe 2:10 Te di, Yehova la, mi ovu Ata amani, ama odrini, mi’i, mi ama sipi imvuleri; ama dria dri mini ma azi.
9Yehova la, aoko ma nya mi tu ku fo! Mi ma ega vini e’yo onzi ’dani ’dani ku. Mi ndre, mi lu, ama mare ’ba mi vu, ama dria ovu ’ba mini.
10Aku mini alatararu ’diyi oja yi angu didiru, Zioni oja i angu roko driariru, Yerusalemu ofu golokoru.
11 #
2 Opi 25:9; Zab 74:7; Eze 24:21 Jo amani alatararu ndrizaru tu, ama atapini mi inzizu aleniari, ’ba ve eri acisi ’bo, afa amani ayiko fepi tu ’diyi ja dri dria ra.
12Yehova la, mi nga ovu ndi e’yo ’diyisi ya? Mi nga adri ciri, azini mi nga ama inza onzi tu ya?
Bible in Lugbara © United Bible Societies, 1966.