Isaya 63
63
0’du Yehovani arioti ofezuri
1 #
Isa 34:5-17; Yer 49:7-22; Eze 25:12-14; 35:1-15; Amo 1:11-12; Oba 1-14; Mal 1:2-5 ’Ba engapi Edomua bongo edele wura ekarusi Boziraa ’diyi supiri, eri a’di’i ya?
Eri’i ovupi dizaru afa suza inisi, acipi agupiru okpo ini amborurisiri ya?
Eri ma’i, e’yo ’yopi onyi ma alia, ovupi okpo be ’ba pazuri yo ya?
2 #
Eceza 19:13
Bongo mini ovu ekaru a’disi ya? Afa suza mini ovu ekaru ekile ’ba pari zabibu ma efi ma su nzizuri tupirile a’disi ya?
3 #
Imv 1:15; Mal 4:3; Eceza 14:20; 19:13, 15 Ma tu pari zabibu ma efi ma su nzizuri ma’i a’dule, azini engazu suru ndu ndu ma eselia ’ba azini tupi ma beni yo;
ada, ma otu yi aoko manisi, ma otu yi ma dria adra mani acirurisi; idri yini ma ari da i bongo mani ma ruaa, tro afa suza mani dria.
4A’disiku o’du arioti ofezuri ovu ma asia, azini ’ba mani onzele ’diyi ma eli eca ’bo.
5 #
Yoh 16:32; Zab 44:3; 98:1; Isa 40:10; 51:9; Isa 59:16 Ma ndre ra, te ’ba ’ba aza kopiri yo; te ma osu tu ’ba ’ba edrepi ururini ovule yorisi; e’yo ’disi ma ngulupi ma wu eji pata ma drini, azini asi veza mani edre ma uruni,
6 #
Eceza 16:6
Ma otu ’ba suru ndu ndu ’diyi va aoko manisi, ma fe yi ati adra mani acirurisi ewani ’ba fulerile, ma osu di yi ma idri ma ari va nyakua.
Asi ba Yehovani Israeli vuri
7Ma nga asi ndriza ale be Yehovani i pi ma e’yo olu, inzita Yehovani ’diyi be,
afa dria Yehovani fele ama dri avasiri vusi, ma nga vini asi ndriza erini amboru tu ori’ba Israelini vuri erini fele yi dri avasi yiki
erini vusi, azini asi ndriza erini ale beri vusiri ma e’yo olu indio
8A’disiku eri ’yo ra, Yi ovu suru mani ada, anzi ngapi ’yepi lokirisi ku ’diyi; ’dini eri ovu di ’ba yi Papiri’i.
9 #
’Yeta 9:4; 12:11; Efu 14:19; Hos 12:4, 5; Mal 3:1; Azi 7:7 Inzata yini ma alia dria, eri ovu inzazaru alu indi, azini erini ovule indirisi malaika erini pa yi ra;
leta erini ma alia yiki erini be, eri onze yi ra; te eri o’du yi uru, eri ji yi ewu drio ’diyi ma alia dria.
10 #
Zab 78:8, 40; ’Yeta 7:51; Efe 4:30; Ebra 10:29 Te yi mbu ruaniasi amve, yi ecandi Orindi erini Alatararuri;
e’yo ’disi eri oja i ovuzu ari’bo yiniru, eri ma ngulupi ’ba omba yi beni,
11’Ba erini nga di o’du drio Musani ’diyi ma e’yo ega.
Eri’i ndra yi ofupi engazu miri ma aliasi ’ba kabilo o’biru erini ocepi ’diyi beri, eri ngoa ya?
Eri’i ndra i ma Orindi Alatararu ’bapi yi ma eseliari eri ngoa ya?
12 #
Efu 14:21
Eri’i fepi wu ini dizaru ma efu Musa ma dri ndiriari; eri’i ndra yi mirini ma esele awapi yi ma drilia eri ma ’ba i dri ru ’dani ’daniruri aniri;
13eri’i ndra yi ma dri cepi miri aliru ma aliari ekile akanya angu roko driarile, yi ma aba ku ani.
14Ekile tini esile va e’bu ma aliarile, ’dinile Orindi Yehovani fe yini ava lizu ani; ’dinile mi ce ndra suru mini ma dri, ru mini ’bazu dizaru aniri’i.
Yiki pi zizu Mungu tia aza koza be
15Mi lu engazu ’bua, mi ndre engazu pari mi alatarani ovuzu alenia diza mini beria.
Ava mini ngoa ya, ’yeta mini okporu ’diyi be? Ava mi asiari, yiki miniri be oga yi ma dri si.
16 #
Gal 3:28
Te mi ovu Ata amani, ka tro Iburahimu nini ama ku, ka tro Israeli a’ini ama ku ti;
Yehova la, mi ovu Ata amani, Mungu ama Onzepi engazu driori ovu ru mini.
17 #
Zab 119:10; Isa 6:10; Mat 13:15 Yehova la, mi fe ama avi geri mini kuzu a’disi ya?
Mi fe asi amanini mba mi ruzu ku ’dini a’disi ya? Mi emvi, ati’ba mini enyati mi yilani ’diyi ma e’yosi.
18 #
Dan 8:24
’Ba mini alatararu nya awita nde o’du were a’dule; ari’ba amani ’diyi otu pari mini alatararuri yi pasi va ’bo.
19Ama oja ama ekile suru mini adrile nga opiru drilenia kurile, ekile ’ba ’bani omvele nga ru minisi kurile indi.
Bible in Lugbara © United Bible Societies, 1966.