Isaya 45
45
Azi fezu Kuro dri
1 #
Zab 73:23; Isa 41:13 Yehova ’yo ’dinile Kuro ’ba erini odu osule driniari ma tia; eri ’ba mani eri ma dri ndiri bile, mani ani suru ’bazu va eri ma drilia azini opi ma opile ayuzu kolokoloru, jotile zizu eri ma drilia ’dini ’ba ngani kalitile opi ku-ri’i, kini:
2Ma nga mu mi drilia angu otukoturu ’bazu senderu, ma nga kalitile molaru ’diyi onyo nyingiriki, ma nga ringili ayaru ’diyi li mgbiri,
3 #
Efu 33:12
ma nga lonyi angu iniruni fe mini, azini lonyi zizaru pari nile kurini indi, mi ma ni ani kini ma Yehova’i, mi omvepi rusiri, ma Mungu Israeliniri’i.
4 #
Isa 44:1; ’Yeta 17:23; Gal 1:8, 9; Efe 2:12; 1 Tes 4:5 Yakobo ati’bo mani ma e’yosi, azini Israeli mani peleri ma e’yosi indi, ma omve mi rusi ’bo, ma fe mini ru azini o’diru, mi ka tro ma ni nga ku ti.
5 #
Azi 4:35; Zab 18:32 Ma Yehova’i, andini yo, Mungu azini yo, kiri ma’i; ma nga mi opile a’di ra, mi ka tro ma ni nga ku ti,
6 #
Zab 102:15; Mal 1:11 ’ba ma ni ani, engazu woko etuni efuzuria azini woko etuni ’dezuria indi, kini, Mungu azini yo pe lu ma’i; ma Yehova’i, te ’ba andini yo.
7 #
Amo 3:6
Ma diza ’ba ma’i, ma angu bizaru ’ba ma’i, ma asi anzuru ede, ma ’eyo onzi ede indi, ma Yehova, afa ’dini ’diyi ’yepi driari’i. Yehova ’ba ’bu nyaku beni
8 #
Zab 85:11
Emi ’bu la, emi fe onyi engapi ’buari ma oti va, ’bu iriti beri ma osu onyi ozoole; nyaku ma zi i tile, ma ofu pata ani, eri ma fe onyi ma enga tualu; Ma’i Yehova, ma ’ba eri ma’i.
9 #
Rum 9:20; Isa 64:8; Yer 18:6 Awayo! E’yoni nga ’ba agata gapi Mungu eri ’Bapiri beri ma vu isu, ajiko ajiko nyakua ’diyi ma eselia!
Odrini nga ’yo ’ba sipiri dri, Mi a’di si ya? kani azi mini nga ’yo, Drini: yo, ’dinini ya?
10Awayo! E’yoni nga ’ba ’yopi ata ria, Mi a’di ti ya?-ri ma vu isu, kani oku ma tia, Afa supi mi ruaa mva osiriari a’dini ya?
11 #
Yer 31:9; Isa 29:23 Yehova, Mungu Alatararu Israeliniri, azini Mungu eri ’Bapiri ’yo ’dini:
Emi ma zi ma tia e’yo ngapi ecapi’diyisi, emi azi ma agianzi mani ma e’yosi, azi ma drini ’yeleri ma e’yosi indio
12 #
Yer 27:5
Ma ’ba nyaku ’bo, ma ’ba ’ba drinia; ma’i, adani dri mani aja ’buni, ma azi ongulumu ovupi alenia ’diyi pie dria.
13 #
Ezr 1:1; Rum 3:24 Ma fe eri enga onyi ma alia, ma nga geri erini dria ’ba kilili;
eri nga aku amboru mani si ra, azini eri nga ’ba mani ’bani bile ati’baru jile angu azinia ’diyi otru ra, te ajesi kani orodrisi ku, Yehova asikari ongulumuruni ’yo ra.
14 #
Zab 68:31; Isa 49:23; Zek 8:22; 1 Kor 14:25 Yehova’yo’dini: Azi Misirini, afa oziza Etiopiani pie nga aga kpere mi vu, ’ba Sabeani zopi izuru ’diyi be, yi nga mu mi votia, yi nga aga mi vu o’izaru anzirikusi, yi nga yi eco va mi drilia.
Yi nga matu ’ba mi vu kini: Mungu ovu mi alia -da, andini yo, Mungu azini yo.
15 #
Azi 29:29; Zab 36:6; Isa 8:17; Rum 11:33, 3 Adaru, mi ovu Mungu mi zipiri, Mungu Israelini, ’ba Papiri la!
16Yi nga ovu drinzasi, ada yi nga aba aba, yi dria, ’ba wura onzi papi ’diyi dria nga dri ja tualu.
17 #
2 Sam 23:5; Zab 103:17; Hos 1:7; Rum 11:26 Te Yehovani nga Israelini pa pata ’dani ’danirisi; emi ngani ovu drinzasi ku, kani asi otizasi ku ’dani ’dani.
18A’disiku Yehova ’bu ’bapiri ’yo ’dini, (eri Mungu) nyaku ’bapiri, edepiri indi (eri fe eri ma so pa ra;
eri ’ba eri ovuzu toko ko, eri ede eri ’ba ma adri alenia ani): Ma ma Yehova’i, Mungu azini yo.
19 #
Azi 30:11; Neh 9:13; Zab 19:8; Rum 7:12 Ma ’yoni ndra e’yo oyokolosi, kani pari angu iniruari ma alia ku; ma ’yoni ndra ori Yakoboni ma tia ku kini, Emi ma nda ma ti.
Ma Yehova’i, ma e’yo onyini ’yo’i, ma e’yo kililiru ’diyi olu’i. Adrou inzie inzi Babulonia ’diyi o’bizu Yehova be
20 #
Yer 44:28; Rum 1:22 Emi oku emi, emi emu, emi esi emi ogogo tualu, emi apapi ’bo ’ba jururu ma eselia ’diyi! ’Ba pati wura onzi ’diyi ’dupi ’diyi, ’ba e’yo zipi adrou ecopi yi opapi kuri tia ’diyi, yi ma nita yo.
21Emi olu, emi ofu e’yoni amve; ada, yi ma ega e’yoni tualu! A’di ece e’yo ’diri engazu o’du driorisini ya?
A’di olu e’yoni drioni ya? Ma Yehova, ma eceni erini ma’i ku ya? Azini Mungu azini yo, kiri ma’i a’dule, Mungu e’yo lipi kililiruri, Mungu ’ba papiri indi; andini yo pe kiri ma’i a’dule.
22Emi angu wudrikuru ma kala dria, emi lu ma vu, emi pa di emi ani! Mani ovule Mungu’irisi, andini yo pe kiri ma’i a’dule.
23 #
E’do 22:16; Yer 22:5; Ebra 6:13; E’do 31:53; Azi 6:13; Zab 63:11; Rum 14:11; Fil 2:10-11 Ma so oyo ma ngulupisi ’bo, e’yoni efu ma tilia onyi ma alia ’bo, ma ngani eri oja vile ku, kini: Kumuti dria nga yi osi va ma drilia, andre dria nga oyo so ma rusi,
24’Ba azini nga ’yo ma tia kini, Onyi pi okpo be ovu kiri Yehova ma alia a’dule; ’ba nga eca eri vu ada, azini ’ba ndra ovupi adrasi eri be ’diyi nga ovu drinzasi.
25Yehova ma alia ’ba nga ori Israelini dria la kililiru, azini yi nga ovu diza be.
Bible in Lugbara © United Bible Societies, 1966.