Isaya 44
44
Kiri Yehovani Mungurunini,
1 #
Isa 41:8; Yer 30:10 Te curu’do mi eri e’yoni, Yakobo ati’bo mani la, Israeli mari, pele ’bori! Yehova mi ’bapiri ’yo ’dini,
2 #
Azi 32:15
mi edepi engazu mi andri ma opoa, ngapi mi aza kopiri:
Mi ru ku, Yakobo ati’bo mani la, Yesuruni mani pele ’bori.
3 #
Mal 3:10; Yoh 7:38 A’disiku ma nga yi osu ’ba yi avijo beri ma dria, ma nga vini yi raza fe angu a’wiru ma dria;
ma nga Orindi mani osu ori mini ma dria, azini asi ndriza mani anzi mini ma dria indi.
4Yi nga enga iribi eselia ekile pati riaru yi raza ma tiarile.
5 #
Efu 13:9; Neh 9:38 ’Ba alu nga ’yo ra, Ma ’ba Yehovani, te ’ba azini nga i omve ru Yakobonisi, ’ba azini nga i ru si i ma drisi i ma ngulupi fezu Yehova dri, eri nga ru Israelini ’da iniri ma dria.
6 #
Isa 48:12; 43:1; 41:4; Eceza 1:8, 17; 2:8; 22:13 Yehova, Opi ambo Israelini ’yo ’dini azini ’Ba eri Onzepi, Yehova asikari ongulumuruniri ’yo ’dini:
Ma okori’i, ma vileri’i indi; Mungu azini yo pe alu ma’i.
7A’di si i male e’yo e’dazuni ya? A’dini nga e’yo eceni, a’dini nga e’yo eti nze ma dri engazu o’du mani suru driori ’bazu yi pariarisini ya?
Te yi ma ece e’yo emupi ’diyi, e’yo ngapi ecapi ndo ’diyi be indi.
8 #
Azi 4:35; 1 Sam 2:2; 2 Sam 22:32 Emi ru ku, emi ma ovu vini urisi ku; ma oluni ndra emi dri drio, e’yoni ecezu ku ya?
Azini emi ovu ’ba e’yo mani ma eti nzepi ’diyi! Mungu azini indi ya? Kiri ma’i yo ya?
Ada, Kata azini yo; ma nini kata azini aluni ku.
Wura taka inzizuri eri azani
9 #
Isa 41:24; 42:17-20; Azi 4:28; Zab 115:4 ’Ba wura onzi opapi ’diyi yi dria alu alu ovu toko, afa yini lele tu ’diyi ngani orodri fe ku; ’ba yi ma e’yo eti nzepi ’diyi ndreni afa ku, nini vini e’yo ku, yi ma ovu drinzasi ani. 10#Yer 10:5; Hab 2:18A’di ede adrouni ya, kani wura onzi edele aya rapi acisi ovupi orodri kokorurini ya? 11#Zab 97:7; Isa 42:17Mi ndre, agyi erini dria nga ovu drinzasi, ’ba azi ngapi ’diyi yi ’bani; onyiru yi ma oku yi tualu, yi ma so pa uru; yi nga di ovu urisi, yi dria tualu nga ovu drinzasi ani. 12#Isa 40:19’Ba oka dipiri ede ini taluani, eri ’ye eri aciolu ma alia, eri ede eri ma wura opanasi, eri ede eri dri ini okporurisi; ada, abiri fu erini, okpo erini de ira; eri mvuni yi ku, asi erini ovu icimakoru. 13Onduou bau edepiri oja baka ra, eri si eri ma wura kalamusi; eri ede eri ma wura eguasi, eri o’bi eri ma kala baka erini bile cirisi; eri ede eri ma wura wura ’banile, ekile rua ndriza ’banile, eri ma adri joa ani. 14Eri ga pati mario, eri ’du masa pie kumara be, eri ’ba pati alu okporu i dri pati oce talaa ’diyi ma eselia; eri sa kalafuru, aziru eri zo ozoosi ra. 15Vutinia pati nde nga ovu ’ba dri ciaro; eri ’du aziniri yuzaru, ada, eri edu aziniri enya ’izu; ada, eri ede adrou ma wura, inzi eri ra, pa eri wura onziru, osi kumuti drilenia. 16Edu azini aciru; nya drinia zani, ozo zani, eri nga di tra ani; ada, eri ri aci yu, eri ’yo ra, Awa’dia, ma isu aci ’bo, ma ndre aci ’bo 17Te joloko acepirisi eri ede adrouni, ada wura onzi eriniri’i; eri eco i va drilenia eri inzizu; eri zi tinia kini, Mi pa ma fo, mini ovule adrou manirisi!
18 #
Zab 81:12; Isa 45:20; Rum 11:8-10; 2 Tes 2:11 Yi nini e’yo ku, yi egani vini e’yo azini ku indi; erini yi ma mile opile yi ma ndre ku benirisi, erini yi ma asi a’bule yi ma va e’yo ku ani indirisi. 19’Ba aluni droni asisile ku, nita kani e’yo vaza yo, yini ’yozu ani kini, Ma edu azini aciru, ada ma ova enya aciolu erini ma dria ’bo, ma ozo za, ma nya eri ’bo; ma nga di pati nde ma joloko acepiri ede afa onzikanyariru ya? Ma nga di ma eco va pati duluti inzizu ya? 20#Hos 4:12; Rum 1:21; 2 Tes 2:11Eri of uta nya’i; yi ici eri ma asi eri oja i kalaa ani, eri econi ani i ma orindi arizaru ku, eri econi vini ’yozaru ku kini, E’yo inzoru ovuni ma dri ndia ku ya?
Yehovani Israeli onzeni
21Mi ega e’yo ’diyi, Yakobo la, azini Israeli indi, mini ovule ati’bo manirisi;
ma ’ba mi ma’i, mi ovu ati’bo mani; Israeli la, ma dri ngani avi e’yo minisi ku.
22 #
Isa 1:18; 43:25; 53:11, 12; Yer 33:8; Mik 7:18, 19; Kol 1:14; Isa 43:1; 1 Kor 6:20; 1 Pet 1:18, 19 Ma ini ezata mini ekile iriti asepi inicicirurini afilerile ’bo, ma ini e’yo onzi mini ekile luruni i erelerile; mi emvi ma vu, mani mi onzele ’borisi.
23 #
Zab 69:34; Isa 42:10; Eceza 18:20 Emi ongo ongo, emi ’bu la, Yehovani e’yo nde ’yele ’borisi; emi otre uru, emi angu nyakuari ma esele valeru ’diyi;
emi e’do ongo ongozu, emi oni amboru, mi angu oceruri la, pati mi aliari pie dria!
Yehovani Yakoboni onzele ’borisi, erini ngale vini i ngulupi ’bale dizaru Israeli ma aliarisi.
24 #
Yob 19:25; 9:8; Isa 43:1, 14; 40:22; Zab 104:2 Yehova mi Onzepi mi edepi opojo ma aliarisiri ’yo ’dini:
Ma’i, ma Yehova afa dria ’bapiri’i, ma’i a’dule, ma aja ’bu ma’i, ma aja nyaku walaru ma’i-e-de ma ovu ndra a’di be ya?–
25 #
Yer 50:36; 1 Kor 1:20 eceta ’ba inzo lipi ’diyini ojapi toko, ojoou andri ndripi ’diyi ’bapi azazaru;
’ba ondua be ’diyi omvipi vile, nita yini ojapi abazaruri’i;
26 #
Zek 1:6; Mat 5:18 e’yo i ma ati’boni ’yoleri ’bapi okporu, i ma ojiou ma e’yo amaza ’yepi ’yeke; e’yo ’yopi Yerusalemusi,
’Ba nga adri alenia ra, ’yopi vini aku Yudaa ’diyi ma e’yosi kini, Yi nga yi si uru, azini ma nga pari erini andruru ’diyi si uru dika-ri’i;
27 #
Yer 50:38
’yopi miri aliru ma tia, Mi ’wi di, ma nga yi raza mini fe nzu ra-ri’i;
28 #
2 Sur 36:22, 23; Ezr 1:2 ’yopi e’yo Kuronisi, Eri ovu ’ba kabilo mani ocepiri’i, eri nga e’yo ma asini leleri ’ye dria; ’yopi vini Yerusalemu ma e’yosi,
Yi nga eri si ra, azini e’yo hekalunisi, Yi nga mi eti ’ba nyakua ra-ri’i.
Bible in Lugbara © United Bible Societies, 1966.