Isaya 36
36
Senakeribuni emuzu a’di ’dizuri
1 #
2 Sur 32:1
Eri nga di eca ’dini, eli opi Hezekiani opi nyazu mudri drini suririsi, Senakeribu opi Asuriaari nga enga omba ’ba aku Yudani dria ovupi kali abi be izuru tole yi ma ageia ’diyi be dria, eri nga yi bi ra. 2#Yos 10:3, 5; 2 Opi 14:19; Mik 1:13Opi Asuriaari nga di Rabisake ma ti pe engazu Lakisia cazu Yerusalemua opi Hezekia vu, asikari be kakau. Eri nga ani pa so pari yi engapi yi a’di uruleruarini razuri ma tia, gboko amvu ’ba bongo ojipirini ma tiaria. 3Etu ’dasi Eliakimu Hilikia mvi ’ba ’ba opi ma joa ’diyi ma driliari nga di efu eri vu, Sebina ’ba waraga sipiri pie, Yoa Asafu mvi ’ba e’yo ojioru sipi buku ma aliari be. 4Rabisake nga di ’yo yi tia, Emi ’yo curu’do Hezekia tia, Opi amboru, opi Asuriaari’i ’yo ’dinile; Asi teza mini mi atizu ruania ’diri eri a’dini ya? 5Ma ’yo mi tia, egata mini okpo mini omba ’bazuri be, yi e’yo ’yoza tokori’i. Mi ’ba a’ita mini a’di alia, mini mbuzu ma ruaasi amveri ya? 6#Eze 29:6-7Mi ne, mi ovu a’itasi kali omi i nyopi nyo ’dinirini ma alia, Misiri’i, te ’ba ka i ati kali ’diri ma ruaa, eri nga fi drinia, eri nga eri so. Farau opi Misiriari ovu ’dinile ’ba dria eri a’ipi ’diyi dri. 7#2 Opi 18:4Te mi ka ’yo ma tia kini, Ama ’ba a’ita amani Yehova Mungu amaniri ma alia; eri ovuni eri’i Hezekiani pari uruleru erini ’diyi pi nzezu pari erini edeta edezu ’diyi pieri’i ku ya? Eri’i Hezekiani ’yole vini Yuda pi tia Yerusalemu be kini, Emi ma inzi pari edeta edezu ’do drilia-ri’i ku ya? 8Ka’dinile, ma zi mi tia, mi so oyo opi mani be, eri opi Asuriaari’i, te ma nga ani akanya fe mi dri alifu iri, mi ka eco mini ’ba nipi nzupi akanyasi ra ’diyi ’bazaru drinia raria. 9Mi nga eco ambo asikari drilia alu opi mani ma ati’ba azini ’diyi ma eseliari ma mile ojazaru ngoni ngoni ya, ’ba nderi ka ovu ’ba gaani ti, mi ka asi mini ’ba Misiri ma dria, garisi, azini asikari tupi akanya ngukua ’diyisi? 10Ma etu di uru ’do, pari ’dori dri jazu Yehova kokoru ya? Yehova ’yo ma tia kini, Mi tu uru angu ’doria, mi ja eri dri.
11’Di ma vutia, Eliakimu pi ’yo e’yo Rabisake tia, Sebina pie, Yoa pie kini, Ma matu ’ba mi vu, mi ’yo e’yo ati’ba mini tia Suria tisi, a’disiku ama ni eri ra; mi ’yo e’yo ama tia Yahudi tisi ’ba ovupi abi kaliru dria ’diyi ma biliasi ’dini ku. 12Te Rabisake ’yo yi tia kini, Opi mani epe ma ti e’yo ’diyi ’yozu opi mini ma tia, azini mi tia, te peni ma ti e’yo ’yozu ’ba ripi abi kaliru dria ngapi daka yi ngulupini nyapi emi pie, ngapi vini odre yi ngulupini mvupi emi pie ’diyi ma tia ku ya?
13Rabisake nga di pa so, nga oyu o’duko urusi Yahudi tisi, eri ’yo kini, Emi eri e’yo opi amborurini, adaru opi Asuriaarini ’yole ’diyi! 14Opi ’yo ’dini kini, Emi fe Hezekia ma ici emi ku, toko ku eri ngani eco emi opazaru ku. 15Emi fe vini Hezekia ma fe emini Yehovani a’izu, erini ’yolerisi kini, Adaru Yehovani nga ama opa ra; aku ’dori ngani vini ovu fezaru opi Asuriaari dri ku, ’dinini ku. 16#Mik 4:4; Zek 3:10Emi ma eri e’yo Hezekiani ku; a’disiku opi Asuriaari ’yo ’dini kini: Emi azi aziza asi anzuruni tualu ma be, emi efu ma vu; ka’dini emi dria alu alu nga pati raza emi ngulupini ma efi nya, azini emi dria alu alu nga elio patiefi emi ngulupini nya, emi dria alu alu nga yi a’di emi ngulupini mvu; 17cazu 0’du mani ngazu ecazu emi o’duzu jizu angu ekile angu emi ngulupinirileria, angu anya be azini patiefi ma su be, angu enya be azini nga zabibuni be. 18Emi ndre e’yere Hezekia kazu emi bile imbazu ku, ’yozu kini, Yehovani nga ama opani. Adrou suru ’diyini ma eselia aluni ecopi angu ini papi opi Asuriaari ma driasini indi ya? 19#Kal 34:8; Yos 13:5Adrou Hamati pini Aripadi be ’diyi ngoa ya? Adrou Sefarivaimuni ngoa ya? Yi pa Samariani ma driasi ’bo ya? 20#2 Sur 32:15; Zab 50:21; Isa 37:23; Dan 3:15Adrou angu ndu ndu ’diyi ma eselia ’diyi, a’di pa bani angu yini ma driasi ’boni ya, ’dini Yehova ma pa Yerusalemuni ani ma driasi ra ya?
21 #
Zab 38:13; O’be 9:7; Amo 5:13; Mat 7:6 Te yi ovu ciri, omvini e’yo eri tia aluni ku, a’disiku opi fe azita kini, Emi omvi e’yo eri tia ku. 22#E’do 37:34; 1 Sam 4:12; 2 Sam 1:11; 2 Opi 18:18, 37; Yob 1:20; Isa 33:7’Di ma vutia Eliakimu Hilikia mvi, ’ba ’ba opi ma joa ’diyi ma driliari pi mu Hezekia vu bongo asizaru be yi rua, Sebina ’ba waraga sipiri pie, Yoa Asafu mvi ’ba e’yo ojioru sipi bukuari pie, yi ece eri dri e’yo Rabisakeni ’yoleri.
Bible in Lugbara © United Bible Societies, 1966.