Hosea 3
3
Hosea pi oku eri vile saaruri be
1Yehova nga ’yo ma tia, Mi mu nga dika, mi ma le oku agupi eri vilerini lele tu, te ali o’bapi saaruri; tro tro ekile Yehovani anzi Israelini lelerile, ka tro yi oja yi adrou ma vuti bizu, zabibu ’wiza olie ngulunguluri lezu indi ti. 2E’yo ’dirisi ma onze eri ma dri silingi mudri drini towisi, azini ondu afazu amborua tre azini drinia ondu ali afazu wereari ma aliarisi indio Baali ma eli Opi mani. 3#Azi 21:13Te ma nga ’yo eri tia, Mi ma te ma be ’dani o’du kakau; mi ma aci saaru ali o’bazu ku, te mi ma ovu ’ba azini ma okuru ku; te ma nga ovu mi vu bani ’dinile. 4#Efu 28:6A’disiku anzi Israelini nga adri o’du kakau opi kokoru, opianzi nga ovu yo, edeta edeza yo, pati i’diza yo, bongo ’ba edeta edepi ’diyini yo, wura inzitaru vini yo. 5#Isa 27:12, 13; 55:3, 4; Yer 3:22, 23; 1 Opi 12:16; Yer 30:9; Eze 34:23; Mik 4:1Te vilerisi anzi Israelini nga emvi Yehova Mungu yiniri pi ndazu Daudi opi yini be; yi nga emu Yehova vu urisi onyi erini a’izu o’du vileria.
Bible in Lugbara © United Bible Societies, 1966.