Hosea 2
2
Yehovani ’ba ini i kupi ra ’diyi lezuri
1Emi, ’yo emi adripi ma tia Ami; emi amvipi ma tia Ruhama,
2 #
Isa 50:1; Yer 3:1, 9, 13; Eze 16:25; Hos 1:2 Emi ’ba matu emi andri vu, emi ’bamatu foa’disiku eri ovuni oku mani ku, ma’i vini, ma ovuni agupi erini kueri ma ’be mileaci erini eri miliasi amve, eri ma ’be ali ’baza erini engazu ba eri ma agatiari ma eseliasi amve indi;
3 #
Yer 13:22; Eze 19:13; Amo 8:11 ma kazu bongo otruzu eri ma ruaa eri kuzu pililiru ku eri ’bazu ekile o’du ’bani eri osizurisirile, ma kazu eri ’bazu ekile angu didile, ekile angu a’wirurile, ma kazu fezu yi avijoni eri fuzu ku,
4Ada, ma ngani ovu yikisi anzi erini vu ku, yini ovule alianzinirisi.
5 #
Yer 44:17
Yi ma andrini acile saarurisi; andri yi osipiri erini ’yele drinzasirisi; te eri ’yo ra, Ma nga mu agupi ma lepi ’diyi ndazu, yi’i anya pi fepi ma dri, yi mvuza mani pie, kabilo ma ’biko mani pie, pamba mani pie, odu mani pie, afa mvuza mani pie ’diyi,
6 #
Yob 19:8
E’yo ’disi ma nga geri mini ase ocisi ci; ma nga kali to eri dri, eri ma isu geri ini ku.
7 #
Luk 15:18; Eze 16:8 Eri nga di agupi eri lepi ’diyi ma vuti bi, te eri ngani ca yi vu ku; eri nga yi ndru ra, te eri ngani yi isu ku, Etu ’dasi eri nga ’yo, Ma nga di enga emvi agupi mani okori vu, a’disiku e’yo mani andra okori ovu onyiru aga e’yo curu’dori ra.
8Te eri nini ku kini ma fe anya pi eri dri patiefi ma su pie, odu pie ma’i, azini ma fe dahabu erini ma ezu karakarau mele be, yini fele Baali dri ’diyi.
9E’yo ’disi ma nga anya mani omvi vile waa erinisi, patiefi ma su mani be ewu erinisi; ma nga kabilo ma ’biko mani opa ra, pamba mani be, mani fele ndra eri ma rua pililiruri a ’buzuri.
10Te curu’do ma nga e’yo drinzaru erini fe e’da agupi eri lepi ’diyi ma milia, ’ te ’ba ngapi eri papi ma driari aluni yo.
11 #
Isa 24:7; Yer 7:34; Amo 8:10 Ma nga vini fe ayiko erini ma de ra, omu erini pie, mba o’diru erini pie, sabato erini pie, okuza erini inzitaru ’diyi pie dria.
12 #
Isa 5:5
Te ma nga pati zabibuni erini eza elio pati erini be, pati nde erini yi ma e’yo ’yole kini, Agupi ma lepi ’diyi fe afa ’diyi ma dri ma ma aliru, ’diyi. Ma nga di yi ’ba ovuzu oceru, anyapa asea ’diyi nga yi nyani.
13 #
Lip 3:7; Eze 23:40 Te ma nga o’du adrou Baaliru ’diyini ma aroti nda eri ruaa, o’du nde erini obiese vezu yi dri, erini nzia pi suzu i ma bia onyiafa ini be, erini acizu agupi i lepi ’diyi ndazu, erini ma e’yo avizuri’i, Yehova ’yo ra.
14 #
Eze 20:35
E’yo ’disi ma nga eri obe e’yo onyirusi, ma nga eri ji angu didia e’yo asi omizani ’yozu eri tia.
15 #
Isa 65:10; Imv 3:21; Zek 9:12; 1 Kor 13:13; Yos 7:24-26 Ma nga amvu pati zabibuni erini ’diyi fe eri dri ’dale, azini e’buti Akoriari ma nga oja ovuzu jotile asi tezaniriru. Te eri nga e’yo omvi ’dale ekile 0’du erini ovuzu nga zamvarurisi, ekile 0’du erini efuzu Misiriasirile.
16Te eri nga eca ’dini etu ’dasi, Yehova ’yo ra, mi nga ma ru ’da Isi’i, mi ngani ma omve Baali dika ku. 17#Efu 23:13Mani ngale ru Baalini ’diyi onzele eri ma tiarisi, yi ngani Baalini omve ru yinisi dika ku. 18#Yob 5:23; Zek 9:10; Isa 11:6; 2:4; Lev 26:5; Yer 23:6O’du ’dasi ma nga aziza azi yi dri anyapa asea ’diyi be, aria ’bua ’diyi pie, afa acipi agatisi nyakua ’diyi pie; ma nga osu pi onyo, sei pie, omba be anguasi; te ma nga fe yi ma la va asi anzurusi. 19Te ma nga mi azi ovuzu oku maniru ’dani ada; ma nga mi azi ovuzu oku maniru onyisi, e’yo lizasi, leta ale berisi, azini yikisi, 20#Isa 54:13; Yer 31:33Ma nga di mi azi ovuzu oku maniru e’yo adarusi; te mi nga Yehovani ni ra.
21 #
Zek 8:12
Eri nga eca ’dini o’du ’dasi, Yehova ’yo ra, Ma nga e’yo omvi ’bu ma tia ra, te ’bu nde nga e’yo omvi nyaku tia;
22nyakuni nga e’yo omvi anya pi tia patiefi ma su pie, odu pie, azuu yi nga e’yo omvi Yezireeli ma tia;
23 #
Zek 10:9; 13:9; Rum 9:25; 1 Pet 2:10 te ma nga eri ri ma dri nyakua. Ma nga ovu yikisi eri vu, isu de okorisi eri isuni yo ku, ma nga di ’yo ’ba ovupi suru maniru kuri ma tia, Mi ovu suru mani; te yi nga ’yo ra, Mi ovu Mungu amani.
Bible in Lugbara © United Bible Societies, 1966.