'Ba Ebraniani 10

1 # Ebra 8:5; 7:19 Te azitani ovule kiri afa onyiru ngapi emupi ’diyi ma endrilendri be, te ovule afa nde ma wura mgbari be kurisi, eri econi ’ba esipi ogogo ’diyi ’bazaru ovuzu fudri ci, edeta edele eli vusi eli vusi ’dani ’dani ’diyisi aluni ku. 2Ka ndra eco ra, te’do yi kuni ndra edeta edeko ja ku ya? A’disiku ’ba inzipi, ’bale jalaru pale alu iriti ’bo ’diyi, ngani te egata yini e’yo onzi nizuri ega dika ku. 3#Lev 16:21Te edeta ’diyi ma alia yi e’yo onzi ega eli vusi eli vusi. 4A’disiku econi ari monioniri kani ndriniri azi onzi wuzaro ku.

5 # Zab 40:6-8 E’yo ’dirisi erini emuria nyakua, eri ’yo,

Mi leni edeta pi afa feza be ku, te mi ede rua ngonde ma dri ra;

6mi ovuni ayikosi edeta evele rua be pi ’diyi pisi, edeta e’yo onzi edezu ’diyi be ku.

7Ma nga di ’yo ra, Mi ndre, ma eca ra

(e’yo ovu sizaru ’dini buku trazari ma alia masi) e’yo mini leleri ’yezu, Mungu lao.

8Uruleru ’dia, eri ’yo te kini, Mi leni edeta pi, afa feza pie, edeta evele rua be pi ’diyi pie, edeta e’yo onzi edezu ’diyi pie dria ku, azini ayiko mini yi ma e’yosilini yo (yi edeta edele ekile azitani ’yolerile ’diyi), 9te vutinia eri nga di ’yo ra, Mi ndre, ma eca ra eyo mini leleri ’yezu. Eri wu e’yo okori, eri ma ’ba ani e’yo iririni pa sozu ci beni, 10#Ebra 9:12, 28E’yo nde Munguni lelerisi, ama ovu ’bazaru alaru Yesu Kristoni i rua fele edetaru pale alu iriti ’borisi.

11 # Efu 29:38 Adaru atalau edeta edepi ’diyi dria alu alu adri pa so o’du vusi o’du vusi azi ngazu, edeta ecopi azi onzi wupi aluni ku ’diyi edezu pale kakau dika dika. 12#Zab 110:1Te eri’i, eri ka edeta alu e’yo onzi edezuri ede fudri ewu driasi ’bo, eri ri va Mungu ma dri ndiria ra; 13engazu ewu ’dasi eri te de nga yi ’bani ari’ba erini ovuzu afa i pa ’bazu drinia ogunaru ku. 14A’disiku edeta alusi eri ’ba ’ba ovupi ’bazaru alaru ’diyi ovuzu fudri ci ewu driasi ’bo. 15Orindi Alatararu nze vini e’yo ma eti ama tia indi; ka de ’yowi kini,

16 # Yer 31:33; Ebra 8:10 Aziza mani ngale azile yi beri o’du ’dayi ma vutiari ’di, Opi ’yo, ra: Ma nga azita mani ’diyi ’ba yi mal asia, ma nga yi si asisile yini ma alia indi;

17 # Yer 31:34; Ebra 8:12 vutinia eri ’yo ra, Te e’yo onzi yini ezata yini be, ma ngani e’yoni ega dika aluni ku.

18Te pari wuta e’yo ’diyi wuzurini ovuzu ciria, ’daa edeta e’yo onzi edezuri ovuni dika ku.

19 # Mat 27:51 E’yo ’dirisi, adripi, amani ovuria asi okporu be fizu pari alatararuria ari Yesunisi, 20#Ebra 9:8geri o’diru azini idriru erini edele amasi, bongo jo ale alizuri ma alesirisi, ’di rua eriniri’i; 21#Zek 6:11; Kal 12:7azini amani ovuria atalau amboru edeta edepi jo Munguni ma driliari be; 22#Lev 8:30; Eze 36:25; Efe 5:26ama ma esi ogogo asi adarusi a’ita gapi treri be, de oya ari asi amani ma dria, asisile amani e’yo onzi nizuri ’bazu alaru ’bo, oji vini ama rua yi alarusi ’bo indi. 23#Ebra 4:14Ama ma bi e’yo e’daza asi teza amani e’dazuri ci ojakokoru, a’disiku ’ba aziza azipiri ovu asi adaru be; 24#Ebra 13:1azini ama alu alu ma dro asisile ama agyi ma e’yo dria, jezu leta pini zozu azi onyiru ’diyi be; 25#Ebra 3:13ama ma ku okuza amani ama okuzu tualuri ja lu ’ba azinini,kulerile, ama asi omizu ama eselia lama agyi be; emi ma ’ye ’dini aga ra emini ndrele O’du nderi eca ogogorisi.

’Ba imbazu kazu e’yo onzi ’yezu aka ku

26 # Ebra 6:4-8; 1 Tim 2:4 Te ama ka e’yo onzi ’ye aka ceni, amani nita e’yo adaru nizuri a’izu ’bori ma vutia, edeta e’yo onzi edezuri aceni dika ku, 27#Isa 26:11te e’yo teza uriuriru e’yo liza tezuri pi ace, ad adraru ngapi ari’ba nyapiri beni, 28#Azi 17:6; 19:15; Kal 15:30; 35:30’Ba azita Musani ’bapi tokori adri dra yiki kokoru ’ba e’yo eti nzepi iri kani na ’diyi ma e’yosi. 29#Efu 24:8; Ebra 2:3Emi osu yi nga e’yo liza ambo agapi ra ngopi yari li ’ba Mvi Munguni otupi pasi, ari e’yo azizani eri ’bapi alaruri lapi ekile afa alatara kokorurile, Orindi ’yeta anzutirini edepi ambosiri ma dria ya? 30#Azi 32:35-36; Zab 135:14; Rum 12:19Te ama ni eri’i ’yopi kini, Arioti omvizuri e’yoni mani, ma nga panga ofe ma’i; azini dika, Opini nga ’ba erini ma e’yo li ra, ’diniri ra. 31#Ebra 12:29E’dezu Mungu idriruri ma dri aliari ovu e’yo uriuriru turi’i.

32 # Ebra 6:4 Te emi ma ega ewu drio emini diza ndrezu ’bori ma vutia, emini obeta amboru ma candi agazu asi tezasiri ma e’yo; 33#1 Kor 4:9pale azinisi yi fe ndra drinza emi dri inzata be ’ba dria ma milia mgboru, pale azinisi emi ovu ti ecizu ’ba yini ’yele ’dinile ’diyi be. 34#Mat 6:20; 19:21, 29Te emi ovu ndra yikisi ’ba ovupi ombezaru arujoa ’diyi vu, azini vini ’bani afa emini oparia emi a’i e’yo nde ayikosi, emini nile emi ovu afa agapi ra ovupi ’daniri be erisi. 35#Ebra 11:6E’yo ’dirisi emi ma ku asi okporu emini ovupi orodri amboru beri ku. 36#Ebra 6:12; Luk 21:19Te le emi ma ovu asi teza be, ’dini emi ka e’yo Munguni leleri ’ye ’bo, emi ma a’i ani e’yo aziza beni.

37 # Hab 2:3-4; Isa 26:20; Luk 21:28; Yak 5:8 Te ace nga eri werea tu ’ba ecapiri nga eca ra, ngani i dri ici ’dasi ku; 38#Rum 1:17; Gal 3:11te ’ba mani kililiruri nga ovu idriru a’itasi, te eri ka si vile, ma asi ovuni ayikosi eri ma e’yosi ku.

39Te ama’i ama ovuni ’ba sipi vile dri jaza vu ’diyi ku, te ama ’ba ovupi a’ita be orindi amani opazu ’diyi.

Currently Selected:

'Ba Ebraniani 10: LB66

Highlight

Copy

Compare