E’doza 32

Yakoboni edezu dri fuzu Esau beri

1 # Zab 91:11; Ebra 1:14 Yakobo nga mu i ma geria, malaika Munguni yi nga dri fu eri be; 2#Yos 5:14; 2 Opi 6:16; Zab 103:21; 148:2; Luk 2:13Yakobo ka yi ndre ra nga ’yo, ’Diyi ongulumu Munguni! Eri nga angu nde ma ru ’da Mahanaimu’i.

3 # E’do 33:14; 36:6-8; Azi 2:5; Yos 24:4 Yakobo nga ojio ma ti pe i drilia muzu i adri Esau vu pari Seiria angu Edomuaria; 4#O’be 15:1eri nga yi azi kini, Emi ma ’yo opi mani Esau ma tia ’dini: Mi ati’bo Yakobo ’yo ’dini, Ma ovu ndra Labani vu ani’boru, tezu ’dale kpere curu’do; 5#E’do 30:43; 33:8ma ovu ti piyi be, akanya pie, anyapa o’biru pie, ati’ba agupiru ’diyi pie, ezoanziru ’diyi pie; ma pe di ’ba ti e’yoni oluzu opi mani ma tia, mi asi ma ndri ma vu beni.

6 # E’do 33:1 Te ojio nga emvi Yakobo vu, kini, Ama ca mi adri Esau vu, te eri emu dri fuzu mi be ’de ’di, bani eri ’ba be turu su 7#E’do 35:3; O’be 2:11; Efe 5:15Yakobo ovu di urisi tu, asi otiza be; eri nga ’ba ovupi eri be ’diyi pi ma esele co ngulumuru ngulumuru iri anyapa o’biru ’diyi pie, ti pie, ngamia pie dria, 8eri nga ’yo ra, Esau ka emu ngulumu drile ’dayi ofu ra, ngulumu acepiri nga di apa beni.

9 # Zab 50:15; E’do 28:13; 31:3 Yakobo nga ’yo ra, Mungu ma a’bi Iburahimuni, Mungu ma ati Isakani, Yehova ’yopi ma tia ’dini kini, Mi mvi mi vile angua ori’ba mini vu, te ma nga mi ’ye onyiru-ri la! 10#2 Sam 9:8; E’do 24:27; Yob 8:7#1 Sur 1:35Sini ma asi ndriza mini dria, kani e’yo adaru mini dria, mini ecele ati’bo mini dri ’diyi ma azi werearu turi a’izu aluni ku; a’disiku ma zo ndra Yoridani ’dori dria kali mani be a’dule, te curu’do ma efu ngulumu iri. 11#Zab 59:1, 2; Hos 10:14Mi pa ma, ma zi mi tia, ma adripi ma driasi, ada Esau ma driasi fo; ma ’ye erisi urisi, eri kazu emuzu ma o’dizu anzi ’pie, andripi be dria ku. 12#E’do 22:17; E’do 28:13-15#Efu 17:8; Kal 24:20; Azi 25:17-19; 1 Sam 15:2, 3Te di mi ’yo ndra, Ma nga mi ’ye onyiru ada, ma nga mi oci ’ba ovuzu kakau cinyaefi miri tia ’bani ecole lale ku ’diyile, yini ovule kakaurisi.

13 # E’do 43:11 Eri nga la ’daa ini ’dasi, eri nga afa ovupi i be ’diyi ma azi o’du afa feza fezu Esau dri: 14ndriaroni turu iri, ndriago kali iri, kabiloaroni turu iri, kabiloago kali iri, 15ngamia lesuru ’diyi kali na anzi be, tiaroni kali su, monio mudri, akanyaaroni kali iri, anzipini mudri. 16Eri nga yi fe ati’ba erini ma dria, anyapa ngulumuru ngulumuru eselesi eselesi, eri nga ’yo ati’ba erini ma tia, Emi ma aga ma drilia, emi ose anyapa ngulumuru ’diyi ma esele re re were. 17Eri nga di e’yo azi ’ba mupi drile okori ma tia kini, Ma adripi Esau ka nga dri fu mi be, ka nga mi zi kini, Mi a’di ma ’ba ya? Mi mu ngoa ya? Mi drilia ’diyi e’ini a’di’i ya? 18mi di nga ’yo, Yi mi ati’bo Yakoboni, yi afa feza erini ti epele opi mani Esauni ’diyi; te mi ndre, eri vini ama vutia ’de. 19Eri nga e’yo azi ’ba iriri pi ma tia nari pie, ’ba anyapa ngulumuru dropi ’diyi pie dria, kini, Emi nga e’yo ’yo Esau ma tia ’dini, emi ka nga dri fu eri pie raria; 20#O’be 21:14emi ma ’yo kini, Mi ndre, ati’bo mini Yakoboni emu ama vutia ’de. Yakoboni egale i asia kini, Ma nga eri ma asi oja afa feza mupi ma drilia ’diyisi raka, ma nga eri ma mile ndre ndo-risi; kani eri nga ma a’i ani ra yani. 21’Dini afa feza nga zo eri ma drilia oko; te eri ma ngulupi la ini ’darisi ’ba ma eselia.

Yakobo pini yi fuzu malaika be Penueliari

22 # Azi 3:16 Eri nga di enga ini ’darisi, nga oku erini iri ’diyi pi wu ezoanzi erini ati’baru iri ’diyi pie, anzi erini mudri drini alu ’diyi pie dria, nga zo kiji Yabokiarisi. 23Eri nga yi ji, ozo yi tia ’aa’dasi, eri nga vini afa dria ovupi i be ’diyi ozo indi. 24#Hos 12:3-4Ku Yakoboni a’dulesi; ’ba alu nga afu fu eri be omenekasi kpere anguni atiria. 25#Mat 26:41; 2 Kor 12:7Eri ka ndre econi eri agazaru ku, eri nga eri ma o’dufesi gururi elo; Yakobo ma o’dufesi ma cimbi nga ani ti tru ra, erini afu furia eri be. 26#Luk 24:28; Hos 12:4; 2 Opi 17:34Eri nga ’yo ra,Mi ku ma mu, anguni ’ye ati ati. Te eri ’yo ra, Ma ngani mi ku muzu ku, mi ka asi ndriza fe ma dri ku. 27Eri nga ’yo eri tia, Mi ru a’di’i ya? Eri ’yo, Yakobo’i. 28#E’do 35:10; Hos 12:3, 4; E’do 25:31; 27:33Eri nga ’yo ra, Mi ru ngani ovu Yakobo’i: dika ku, te Israeli’i, mini afu fule Mungu be, ’ba be indi, mini agale rarisi. 29#Lip 13:17-18Yakobo nga zi eri tia, nga ’yo ra, Mi olu ma tia, ma zi mi tia, mi ru a’di’i ya? Eri nga ’yo ra, Ali le ma ru zi a’disi ya? Eri nga asi ndriza fe eri dri ’daa. 30#E’do 16:13; Efu 24:11; 33:20; Azi 5:24; Lip 6:22; 13:22; Isa 6:5Yakobo nga pari nde ma ru ’da Penueli’i, erini ’yole kini, Amani ama nezu Mungu be milia miliari ti, ma idri pa ira, ’dinirisi. 31Etu nga efu eri dria, erini Penuelini zoria, eri ri so so o’dunini acole acorisi. 32E’yo’disi anzi Israelini nyani isu cimbini ovupi o’dufesi ma pari gururu ma driari ku, ecazu kpere andru, erini pari gururu Yakobo ma o’dufesiari ma isu cimbiniri elolerisi.

Currently Selected:

E’doza 32: LB66

Highlight

Compare

Copy