Efuza 8

1 # Efu 3:12 Yehova ’yo Musa tia kini, Mi fi Farau vu, mi ’yo eri tia, Yehova ’yo ’dini kini, Mi ku ’ba mani ma mu, ma nga azi ma dri ani beni. 2#Efu 7:14; 9:2; Eceza 16:13Te mi ka ga yi dri geri feko si, mi ne, ma nga angu mini co dria odrudrusi traa kalatinia; 3#Zab 105:30yi ara nga ga odrudrusi tre tre, yi nga efu fi jo Olinia, nga fi jo mini lazuri ma alia, nga tu pari mini lazuri ma dria, azini yi nga fi ati’ba mini ma joa, ’ba mini ma dria indi, yi nga otu atiliku dria kpere wari mikate itizu ’diyi ma alia indi 4odrudru nde ’diyi nga ombu mi ruaa, azini ’ba mini ma ruaa, azini ati’ba mini dria ma ruaa indi. 5#Efu 7:19Yehova ’yo Musa tia, Mi ’yo Aroni tia, Mi eju mi dri kali be yi ara ’diyi ma dria, yi nyiri ’diyi pie, azini yi atipi ati ’diyi pie, odrudru ofuzu angu Misirini ma dri dria ani 6#Zab 78:45; 105:30Te Aroni nga di i dri eju yi Misirini dria ra; odrudru efu ani, a’bu angu Misirini ma dri dria ci. 7#Efu 7:11Te ’ba ojouru yi ’ye ’dini indi ondua yini olenirisi, yi ofu odrudru angu Misirini ma dria.

8 # Efu 9:28; 10:17; Kal 21:7; 1 Opi 13:6; ’Yeta 8:24 ’Di ma vutia Farau nga Musa pi omve Aroni be kini, Emi zi Yehova tia, odrudru dria drozu ma vusi, ’ba mani ’diyi be; te ma nga ku ’ba ma mu edeta edezu Yehova dri ani beni. 9Musa eri ’yo Farau tia, Mi enya mi e’yo ’dori ma alia masi: ma zi Mungu mi dri, ati’ba mini dri azini suru mini dri, odrudru ma dri jazu dria emi vusi, jo emini ma aliasi o’du ngorisi, ’dini odrudru ma ovu kiri yi ara ma alia a’dule beni ya? 10#Efu 9:14; Azi 33:26; 2 Sam 7:22; 1 Sur 17:20; Zab 86:8; Isa 46:9; Yer 10:6, 7Te eri ’yo tinia, Drusi. Musa ’yo ra, Ma ovu mini ’yolerile, ’dini mi ma ni Mungu azini i sipi Yehova Mungu amanileri aluni yo. 11Odrudru nga mi ku, jo mini ’diyi pie, ati’ba mini pie, azini ’ba mini ’diyi pie dria; yi nga ace kiri yi ara alia a’dule. 12#Efu 9:33; 10:18; 32:11; Yak 5:16-18Te Musa pi Aroni be yi fu Farau vusi; Musa owu Yehova vu odrudru erini ofule Farau vu ’diyi Ma e’yosi. 13Te Yehova ’ye ekile Musani ’yolerile; te odrudru odra dria jo aliasi, dri driasi, azini amvuasi dria, 14Yi otro yi ma avu tualu ngulu ngulu, angu nga ani ngu onzi tu. 15#Ekl 8:11; O’be 21:29Te Farau ka ndre oli li i ruaa were ’bo, asini mba kongoloko, eri erini yi ku; ekile Yeho’vani ’yolerile.

Dra maturu urisiri

16Te Yehova ’yo Musa tia kini, Mi ’yo Aroni tia, mi eju kali mini, mi co irifura nyakuari, eri ma oja i uriru angu Misirini ma alia dria., 17#Zab 105:31Yi ’ye ’dini; Aroni eju i dri kali be, co irifura nyakuari ra, uri efu ’ba ruaa azini anyapa ruaa indi; Irifura! nyakuari dria oja i uriru angu Misirini ma alia dria dria. 18#Efu 7:11; Luk 10:18; 2 Tim 3:8, 9Te ’ba ojouru yi o’bi ’ye ’dini indi ondua yini olenirisi uri ofuzu, te econi yi dri ku. Uri ovu ’ba ruaa azini anyapa ruaa dria. 19#Luk 11:20; 1 Sam 6:3, 9; Yob 27:11; Zab 8:3; Mat 12:28; ’Yeta 13:11’Di ma vutia ’ba ojouru nga di ’yo Farau tia kini, ’Dori drileju Munguni fo! Te Farau ma asi ovu mbazaru, erini yi ku; ekile Yehovani ’yolerile.

Dra maturu onyukonyusiri

20 # Efu 7:15 Te Yehova ’yo Musa tia, enga o’bitisi kula kula, mi mu pa so Farau ma drilia; mi ne, eri fu mu yia; mi ’yo tinia, Yehova ’yo ’dini, Mi ku ’ba mani ma mu, ma nga azi ma dri ani. 21Te ka oga ’ba mani dri muko si, mi ne, ma nga onyu konyu o’biru ma ti pe mi dria, ati’ba mini pie, ’ba mini pie dria, jo emini ma alia indi; jo ’ba Misirini ’diyini nga ga tre onyukonyu o’birusi, yi nga nyaku ’bani ovuzu driniari a’bu ci. 22#Efu 9:4, 6, 26Te ma nga angu Goseni ’ba: manini ovuzu aleniari ma esele co, ’dini onyukonyu o’biru ’diyi ma ovu ’daa ku; ’dini mi ma ni ma Yehova ovupi nyaku eseliari’i beni. 23Ma nga ’ba mani esele co ’ba mini be. Eceta ’diri nga i ’ye drusi. 24#Zab 78:45Yehova ’ye ’dini ra; onyukonyu: o’biru onzi candi fepi ’diyi fi Farau vile joa, azini ati’ba erini ma joa indi; angu Misirini dria ovu di ezazaru onyukonyu nde ’diyisi.

25Te Farau omve Musa pi Aroni be kini, Emi mu edeta edezu Mungu emini dri angu ’doria, 26Te Musa ’yo ra, Econi amani: ’yezaru ’dinile ku; ama nga edeta ’ba Misiria ’diyini ngule onziri ede Yehova Mungu amani dri. Mi ne, onyiru ama ede edeta ’ba Misiria ’diyini ngule onziri yi ma milia ya? Yi ngani ama o’be onisi ku ya? 27#Efu 3:12, 18Ama nga mu o’du pale na roko dria edeta edezu Yehova Mungu amani dri, ekile erini ngale azita fele ama dririle. 28#Efu 9:28; 1 Opi 13:6; Ezr 6:10; ’Yeta 8:24Te Farau ’yo ra, Ma nga geri fe emi dri ra ’bo, emini edeta edezu Yehova Mungu eminiri dri roko dria; te bani emi mu re tu i ku. Emi zi ma dri indi fo. 29Te: Musa ’yo, Mi ne, ma di fu mi vusi, ma nga zi Mungu tia onyukonyu o’biru ma ku Farauni drusi, ati’ba, lerini pie, ’ba erini be; te di Farau ma ’ye lokirisi dika geri ogazu ’ba dri muzu edeta edezu Yehova dri ku. 30Musa fu Farau vusi, zi Yehova tia ra. 31#Yak 5:17Yehova nga di ’ye ekile Musani ’yolerile, eri ’du onyukonyu o’biru ’diyi Farau vusi, ati’ba erini pie, ’ba erini be ra; aluni aceni ku., 32#Efu 4:21; O’be 28:14; Rum 9:17-23; Yak 1:13-17Te Farau ’ba asi ini mbazaru, dika o’du ’dirisi indi, kuni yi dri geri muzu ku.

Currently Selected:

Efuza 8: LB66

Highlight

Copy

Compare