Efuza 6

1 # Efu 11:1; 12:31 Yehova ’yo Musa tia, Mi nga e’yo mani ngale ’yele Farau driri ne curu’do; te dri okporusi eri nga ku yi muzu ra, azini dri okporusi eri nga yi dro angu erini aliasi.

2 # E’do 17:1; 28:3; 35:11; Efu 3:13-15 Te Mungu ’yo Musa be, ’yo tinia kini, Ma YEHOVA’i. 3#Zab 68:4; Yoh 8:58; Eceza 1:4Ma e’da ma Mungu Okpo be Turi’i ndra Iburahimu pi ma milia, Isaka pie, Yakobo pie, te yi nini ndra ma ru YEHOVA’iri ku. 4#E’do 15:18; 17:4, 7, 8Azini vini ma ede aziza amani ama eselia yi beri pa sozu ’bo, angu Kananini yini ovuzu alenia ani’baruri fezu yi dri. 5#Efu 2:24Azini indi ma eri otaza anzi Israelini ’ba Misirini ombele ati’baru ’diyini ’bo, te ma ega aziza mani dika. 6#Efu 3:17; 7:4; 15:13; Azi 26:8; 7:8; Zab 81:6; 136:11; 1 Sur 17:21; Neh 1:10E’yo ’disi ma ’yo anzi Israelini tia, Ma Yehova’i, ma nga emi ofu azi nzizaru ’ba Misiria ’diyini ma aliasi, ma nga emi otru ovuza emini ati’baruri ma aliasi, ma nga emi onze dri mani ejulerisi, e’yo liza amboru ’diyisi indi. 7#Azi 7:6; 29:13; 2 Sam 7:24; E’do 17:7, 8; Eceza 21:7; Zab 81:6Ma nga emi ’du ovuzu suru maniru, ma nga ovu Mungu eminiru, emi nga ni ma Yehova Mungu emini emi ofupi azi nzizaru ’ba Misiria ’diyini ma aliasi’ri’i. 8#E’do 15:18; 26:3Ma nga emi ofi angu nde ndra mani dri engale eri fezu Iburahimu pi dri, Isaka pie, Yakobo pieria; ma nga angu nderi fe emi dri ovuzu awita eminiru. Ma Yehova’i. 9Te Musa ’yo ’dini anzi Israelini tia; te yi erini e’yo Musani ku candi yi asia azini ’bani yi ombele ati’baru yiki kokoruri ma e’yosi.

10Te Yehova ’yo Musa tia kini, 11Mi fi, mi ’yo Farau opi Misiriari ma tia kini eri ma ku anzi Israelini ma fu angu erini ma aliasi. 12#Yer 1:6Te Musa ’yo Yehova drilia kini, Mi ne anzi Israelini yi erini e’yo mani ku; ka’dini Farauni nga ma eri ngoni ngoni ya,ma’i ovupi tile be li kokoruri? 13Te Yehova ’yo Musa pi tia Aroni be, e’yoni azizu anzi Israelini dri azini Farau opi Misiriari dri, anzi Israelini ofuzu angu Misiriniasi.

14 # E’do 49:9; 1 Sur 5:3 ’Ba suruti yi ma a’bipini ma drilia yi ’diyi: agupianzi Rubeni, mva oko Israelinirini yi ru Hanoki, Palu pie, Hezironi pie, Karimi pie; enyati Rubenini yi ’diyi. 15#E’do 46:10; 1 Sur 4:24Agupianzi Simeonini ’diyi: Yemueli, Yamina, Ohadi, Yakina, Zohari, azini Saulo oku Kananiruri ma mva; ’diyi enyati Simeonini. 16#Kal 3:17-20; 26:57-58; 1 Sur 6:16-19; E’do 46:11; 1 Sur 6:1Agupianzi Levini a’bianzi yini vusi ’diyi yi ru ’diyi: Gerisoni, Kohati, azini Merari; eli Levini adrizu nyakuari yi ovu turu alu kali na drini aziri. 17Agupianzi Gerisonini ’diyi: Libini pi Simei be, enyati yini vusi, 18#Kal 26:57; 1 Sur 6:18Agupianzi Kohatini ’diyi: Amiramu, Izihari, Hebironi, azini Uzieli: eli Kohatini adrizu nyakuari yi ovu turu alu kali na drini na. 19Agupianzi Merarini ’diyi: Ma’i pi Musi be. ’Diyi ovu enyati ’ba Levini a’bianzi yini vusi. 20#Efu 2:1, 2; Kal 26:59Amiramu’du ati ma amvi Yokebedini oku iniru; ti eri dri Aroni pi Musa be; eli Amiramuni adrizu nyakuari yi ovu turu alu kali na drini aziri. 21#Kal 16:1; 1 Sur 6:37, 38Agupianzi Iziharini ’diyi: Kora, Nefegi, azini Zikiri. 22#Lev 10:4; Kal 3:30Agupianzi Uzielini, diyi: Misaeli, Elizafani, azini Sitiri. 23#Rut 4:19, 20; 1 Sur 2:10; Mat 1:4; Lev 10:1; Kal 3:2Aroni eri je Eliseba Nasoni amvi Aminadabu zini oku iniru; ti eri dri Nadabu, Abihu, Eleazari, azini Itamari. 24#Kal 26:11Agupianzi Korani ’diyi: Asiri, Elikana, azini Abiasafu; ’diyi enyati ’ba Koranini ’diyini. 25#Kal 25:7, 11, 12; Yos 24:33Te Eleazari mva Aronini je zamva alu ezoanzi Putielini ma eseliari okuru; eri ti eri dri Finehasi. ’Ba ’diyi ovu suruti yi ma a’bipini drilia ’ba Levini ma eselia a’bianzi yini vusi.

26 # Efu 7:4; 12:17; Kal 33:1 ’Ba ’diyi Aroni pi Musa be, yi ovu ’ba Yehovani e’yo ’yozu yi tia ’diyi, kini, Emi ofu anzi Israelini angu Misirini aliasi ’ba ongulumuru yini vusi. 27#Efu 32:7; 33:1; Zab 77:20’Ba e’yo ’yopi Farau opi Misiriari ma tia anzi Israelini ofuzu Misiri ma aliasi ’diyi, yi ovu Musa nde pi Aroni be.

28Eri eca ’dini, o’du Yehovani e’yo ’yozu Musa be angu Misiriniarisi, 29#Efu 7:2Yehova ’yo Musa tia kini, Ma Yehova’i; mi ’yo e’yo dria mani ’yole mi tia ’diyi Farau opi Misiriari I tia. 30#Efu 4:10; Yer 1:6Te Musa ’yo Yehova tia, Mi ne, tile mani ovu li kokoru, Farauni nga e’yo mani eri ngoni ngoni ya?

Currently Selected:

Efuza 6: LB66

Highlight

Copy

Compare