Efuza 31

Bezaleli pi omvezu Oholiaba beri

1Te Yehova ’yo Musa tia kini, 2#Efu 35:30; 1 Sur 2:20Mi ne, ma omve Bezaleli, Uri Huri mvi ma mva, suru Yuda-niari rusi ’bo: 3#Efu 35:31; 1 Opi 7:14; Isa 28:26; 1 Kor 12:4-8azini ma fe eri ma ga tre Orindi Mungunisi, onduasi, e’yo vazasi, e’yo nizasi, azini ondua azi ndu ndu dria ’yezurisi, 4egazu azi onduouni ’yezu, azi ngazu melesi, azini dahabusi, azini molasi, 5azini oni osuza ’diyi olizu, azini endrilendri opazu pati ruaa, azi ndu ndu dria ngazu. 6#Efu 35:34; 28:3; 36:1Te ma’i, mi ne, ma pe Oholiaba Ahisamaki mvi, suru Daniniari ’bo; te ma ’ba ondua ’ba ovupi asi be onduaru ’diyi dria ma asia ’bo, yi ma ede afa dria mani azile mi dri ’bo ’diyi ani: 7#Efu 36:8hema ti ecizaniri pi, sanduku e’yo eti nzezaniri pie, oguna yikini ovupi driniari pie, afa dria adripi Hema alia ’diyi pie, 8mesa pi afazu erini ’diyi pie, tala alatararuri pi afazu erini ’diyi pie, pari obiese vezuri pie, 9pari edeta veza edezuri pi afazu erini ’diyi be dria, awala rua ojizuri pi pani be, 10bongo mile be nyiriaru ’diyi pie, bongo alatararu kuhani Aroni vile ’diyi piyi bongo anzipi vile ’diyi be, yini sule azi kuhanini ngazu ’diyi, 11odu osule osuri pie, obiese vele ve osale afa aji be arikariru ’diyisi pari alatararuniri pie. Ekile e’yo dria mani azile mi dri ’borile, yi ma ’ye ’dini.

Sabatori ecetani

12Te Yehova ’yo Musa tia kini, 13#Lev 19:3; 26:2; Eze 20:12; 44:24Mi ’yo indi anzi Israelini ’diyi ma tia kini, Adaru emi ma mba o’du sabatoru mani ’diyi ma ta, erini ovule ecetaru ama eselia emi be a’bianzi emini vusirisi, ’dini emi ma ni ani ma Yehova emi ’bapi alaruri’i. 14#Neh 9:14; Azi 5:12; Isa 56:6; 58:13; Eze 20:12; Efu 35:2; Kal 15:35E’yo ’disi emi ma mba o’du sabatoru ma ta, erini ovule alatararu emi dririsi; ’ba eri ezapi ’diyi dria nga ovu fuzaru adaru; ’ba ngoni ngori ti, azi ngapi 0’du nderisiri, yi nga orindi erini nze o’dipi ma eseliasi ra. 15#E’do 2:2; Efu 16:23; 20:8-11; 23:12; 28:36; 34:21; 35:2; Lev 23:3; Azi 5:12-14’Ba ma nga azi o’du azia, te 0’du aziriri sabato ava liza inzitani ovupi alatararu Yehova driri; ’ba ngoni ngori ti azi ngapi sabatosiri, yi nga eri fu adaru. 16E’yo ’disi anzi Israelini ’diyi ma mba o’du sabatoni ma ta, 0’du sabatoni ma e’yo osuzu aziza ’daniriru a’bianzi yini vusi. 17#Efu 20:11; Eze 20:12; E’do 1:31Eri ovu eceta ’dani ’dani ama eselia anzi Israelini ’diyi beri: te o’du aziasi Yehova ’ba ndra ’bu nyaku be, te o’du aziririsi eri li ndra ava, asini emvi di ra.

Kojamva edele melesiri

18 # Efu 24:12; 32:15; 34:28, 29; Azi 4:13; 5:22; 9:10, 11; 2 Kor 3:3 Eri ka de e’yo ’yozu Musa be oni Sinai dria ’bo, eri fe eri dri oni iri e’yo eti nzezani ’diyi, yi afa oniru Munguni e’yo sile drinia i ma dri drilesi ’diyi.

Currently Selected:

Efuza 31: LB66

Highlight

Copy

Compare