Efuza 27

Pari edeta vezaru ’diyi edezuri

1 # Efu 38:1; Eze 43:13 Mi ma de pari edeta edezuri asarau patisi, ocoru alazari wuale towi, walani wuale towi; pari edeta edezu nderi ma kala su ’diyi ma ovu tro tro tro tro, oconi edrezari ma ovu wuale na. 2#1 Opi 1:50; 2:28; Zab 128:27; Kal 16:38Mi ma ede o’yuni pari kalati su ’diyini yi ecizuria; o’yu ’diyi ma ovu eri be rua aluru, mi ma a’bu ruani dria dria molasi. 3#1 Sam 2:13, 14Mi ma ede eri dri imvu ofuta omvuzu ’diyi, pauni ’diyi pie, okeleni ’diyi pie, aya si be za sozu ’diyi pie, imvu ajikoru acioluni ’diyi pie; afa erini dria mi ma ede molasi. 4Mi ede erini keikei molasi; mi ede emve su molani, ecizu pari kalati su ’diyini yi ecizuria. 5Mi ma ’ba eri pari edeta edezuri ma ti kalaari ma etia valeru, keikei ma ovu uruleru agadua ani. 6Pari edeta edezurini mi ma ede vini patini eri ’duzu ’diyiru asarau pati’i, ma a’bu yi rua dria dria molasi; 7#Kal 4:15; Isa 52:11mi ma osu pati ’diyi emve talaa, ’dini ’bani pari edeta edezuri jiria, pati ’diyi nga ovu kalania irile irile. 8#Efu 25:40; 26:30; Ebra 8:5; ’Yeta 7:44Mi ma ede eri bausi ale be pirini; mi ma ede eri ekile wura ovupi ecezaru mi dri oni dria ’borile ’dini.

Irii bereni

9 # Efu 38:9; Zab 100:4 Mi ma ede irii bereni. Kala uruleruria mi ma o’i bongo mile be nyiria ’diyi irii ma ageia, oconi wuale turu alu kala nde aluria; 10patini agoferu ’diyi ma adri kali iri, ’bileni molaru ’diyi kali iri, te iwu agofe ruaa ’diyi pi kalini alazaru ’diyi be ma ovu dahaburu. 11’Dinile indi kala andraleruria, bongo o’izani ovu oco be wuale turu alu, patini agoferu ’diyi ma adri kali iri, ’bileni molaru ’diyi kali iri, te iwu agofe ma ruaa ’diyi pi kalini alazaru ’diyi be dahaburu. 12Irii ma wala etuni ’derialeruria, bongo o’iza ma ovu oco be wuale kali towi, patini agoferu ’diyi ma ovu mudri, ’bileni mudri indio 13Irii ma wala etuni efurialeruria ma ovu wuale kali towi. 14Bongo o’izaru irii tile ma kala aluria ’diyi ovu wuale mudri drini towi, agofeni na, ’bileni vini na. 15Bongo o’izaru irii tile ma kala aziniria ’diyi ma ovu wuale mudri drini towi, agofeni na, ’bileni vini na. 16Bongo o’izaru irii ma tile a’buzu ’diyi ma ovu oco be wuale kali iri, bongo blururi pisi, okalakokalari pie, ekari pie, azini bongo mile be nyiriari pie, onduou wura cipi bongo ruaari ma dri pamvu; agofeni su, ’bileni vini su. 17Agofe irii ma kalaa ’diyi dria ma kali alaza ’diyi ma ovu dahaburu; iwuni ’diyi dahaburu indi, ’bileni ’diyi molaru. 18Irii ma oco ma ovu wuale turu alu, walani dria dria ma ovu wuale kali towi, oconi edrezari wuale towi dria, bongo mile be nyiriaru, ’bile yini ’diyi ovu molaru. 19Afa dria bereni ’bani azi ngazu ’diyi, aloni ’diyi dria pie, alo iriini ’diyi be dria, ma ovu molani.

Tala ma ta mbazuri

20 # Lev 24:2 Mi ma azi anzi Israelini ’diyi dri yi ma eji mizeitu odu alaru ’bani dile diri talani, talani dizu ’dani ’dani beni. 21#Efu 30:8; 1 Sam 3:3; 2 Sur 13:11; Efu 28:43; 29:9; Lev 3:17; 16:34Aroni pi anzipi be ma ede eri Yehova milia engazu ondresi cazu o’bitisi, hema ti ecizaniri ma alia, bongo jo ale alizu e’yo eti nzeza ma driliari ma kala amveleruria. Eri nga ovu azitaru ’dani ’dani anzi Israelini ’diyi dri, a’bianzi yini vusi dria.

Currently Selected:

Efuza 27: LB66

Highlight

Copy

Compare