Efuza 23

1 # Efu 20:16; Lev 19:11-12; Azi 5:20; O’be 10:18; 1 Opi 21:10; O’be 19:5; ’Yeta 6:11 Mi ma oji e’yo inzoru ku. Mi eci ti ’ba e’yo onzi ’yepi ’diyi be e’yo inzoru ma eti nzezu ku. 2#1 Opi 19:10; Yob 31:34; Luk 23:23; Zab 72:2Mi ma bi ’ba ongulumuru ma vuti e’yo onzi ’yezu ku; mi ma nze e’yo ma eti, mini mi ojaria vile ’ba ongulumuru ma vutia e’yo liza kililiru ezazu ku indi; 3#Lev 19:15azini vini mi ma ovu asi ndriza be ’ba alioru vu alio erinisi ku.

4 # Azi 22:1-4; O’be 25:21; 1 Tes 5:15 Mi ka ari’bo mini ma ti kani akanya avipiri isu ra, mi ma omvi eri dri ece kokoru. 5Mi ka akanya ’ba mi ngupi onzirini ne erini laria nyakua afa nziza erini ejileri ma etia, asi mini ka le eri aza ko ku ti, mi nga eri aza ko be.

6 # Lev 19:15; Azi 16:19; Yob 31:13 Mi ma eza alio mini ma e’yo liza kililiri ku.

7 # Efe 4:25; Rum 1:18 Mi da mi e’yo inzorurisi ziri, mi fu ’ba e’yo onzi ’yepi kuri pi ’ba onyi beri be ku, a’disiku ma ngani ’ba onziri ja ’ba kililiru ku. 8#O’be 17:8Mi ma a’i afa fele ’ba ti razuri ku, a’disiku afa fele ’ba ti razuri ’ba mile beri ma mile obi, azini eri ’ba kililiruri ma e’yo ’yoza oja inzoru.

9 # Zab 94:6; Efu 22:21; Lev 19:33-34; Azi 24:17-18; 27:19 Mi ma inza ani’bo ku; a’disiku emini asisile ani’boni nile rarisi,i emini ovule ndra angu Misirini ma alia ani’banirisi.

10 # Lev 25:1-7 Mi fa ori amvu mini ma alia eli azia, mi oku afa kapi alenia ’diyi indi; 11te eli azirisi mi ku eri ma oji ovuzu tokoru, ’dini ’ba alioru suru mini ma eselia ’diyi ma nga nya beni; afa yini kuleri anyapa asea yi nga nyani. Mi ma ’ye ’dinile nga zabibuni miniri be, nga mizeituni miniri be indi. 12#Luk 13:14; Efu 20:9-11; 31:15; 34:21; 35:2; Lev 23:3; Azi 5:13-14Mi ma nga azi mini o’du azia, te o’du azirisi mi ma li ava: ti mini pi akanya mini be ma li ava ani, oku ati’boru mini ma mva pi, ani’bo be, ma isu okpo o’diru beni. 13#Hos 2:17Mi mba e’yo dria mani ’yole mi tiari ma ta; mi omve adrou ma ru aluni ku, ’ba ma eri vini yi ma ru mi tilia ku indio

Omu na pele pe ’diyi

14 # Azi 16:16 Eli alu ma alia pale na mi ma ’ba omu amboru ma dri. 15#Efu 12:14-20; Lev 23:6-8; Kal 28:17-25Mi ma mba o’du omu mikate akufi kokorurini ma ta; mi ma nya mikate akufi kokoru o’du aziri, mani ndra azile mi tiarile, emi ma nya eri mba Abibuni ma alia o’du mani ndra azilerisi, a’disiku emi efu Misiriasi mba nderisi. ’Ba aluni ma eca ma drilia dri be pirini ku. 16#Lev 23:15-21, 39-43; Kal 28:26-31Azini omu anyadri nyazuri, azi okporu mini ma efi kapi okori, mini fale nga aliari. Azini vini omu anya aroefi nyazuri elini i deria, ewu mini azi okporu mini ma efi kaza okuzu ngaasiri. 17Pale na eli vusi agupi emini dria ma e’da yi Opi Yehova ma drilia.

18Mi ma fe edeta mani ma ari tualu mikate akufi beri be ku, azini vini oso fele omu maniari ma la ini rra cazu o’bitisi ku.

19 # Efu 34:26; Azi 14:21; 26:2; Neh 10:35; O’be 3:9 Anyadri ma esele kapi okokele angu mini ma aliari, mi ma eji Yehova Mungu mini ma joa,

Mi ma a’di ndrimva andri ma lesusi ku.

Malaika Yehovani ma ti pezu Israeli ma dri cezuri

20Mi ne, ma malaika ti pe mi drilia, mi ta mbazu geria, mi jizu pari mani edele ’boria. 21#Efe 4:30; Yos 24:19; 1 Yoh 5:16; Isa 9:6; Yer 23:6; Yoh 10:38Mi ma ovu inzitasi eri vu, mi eri o’duko erini, mi fe aoko ma nya eri ku, a’disiku ngani ezata mini ku ku; ma runi ovule eri aliarisi.

22 # E’do 12:3 Te mi ka o’duko erini eri adaru, ka e’yo dria mani ’yoleri ’ye, ma nga ovu jururu juru mini vu, azini ’ba yi ecandipiriru ’ba mi ecandipi ’diyi dri.

23 # Yos 24:8 A’disiku malaika mani nga mu mi drilia, mi jizu ’ba Amorini pi vu, ’ba Hitini pie, ’ba Perizini pie, ’ba Kananini pie, ’ba Hivini pie, ’ba Yebusini pie, ma nga yi dri ja ra. 24#Efu 20:5Mi ma osi kumuti mini va adrou yini drilia ku, mi ma nga azi yi dri ku, mi ma ’ye ’yeta yini vusi ku, te mi ma ogu yi va teketeke, ma onyo pati yini i’dile inzizaru ’diyi nyingi riki. 25#Azi 10:12; Yos 22:5; 1 Sam 2:20; Mat 4:10; Azi 7:15; 28:5Emi ma nga azi Yehova Mungu emini dri, eri nga asi ndriza ’ba enya mini pi ma dria, yi mvuza mini be ani; ma nga azo nze emi eselia ra. 26#Yob 21:10; E’do 25:8Angu minia oku aluni ma mva ngani e’be ku, aluni ngani ovu ondoru ku indi; ma nga ewu mini se izu cazu de tia. 27#E’do 35:5; Azi 2:25; Yos 2:9, 11; 1 Sam 14:15Ma nga afa uriuriruri ma ti pe mi drilia, ma nga asi otiza fe ’ba dria mini ngazu cazu yi vu ’diyi dri, azini ma nga fe ari’ba mini dria ma oja yi nguku mi drilia. 28#Azi 7:20Ma nga dirili ma ti pe mi drilia, eri nga ’ba Hivini piyi dro mi drilia, ’ba Kananini pie, ’ba Hitini pie. 29#Azi 7:22Ma ngani yi dro eli alu ma alia coti ku, angu kazu cazu andruru ku, anyapa asea ’diyi kazu ezuzu mi ageia ku. 30Ma nga yi dro were were mi drilia kpere etu mini ezuzu tre angu nyazu mi afaruria. 31#1 Opi 4:21; Yos 21:44Ma nga angu mini ma lokiri ’ba engazu Miri Ekarua cazu miri ’ba Filistiniria, azini engazu rokoa cazu Yi Ara nderia; a’disiku ma nga ’ba ovupi angu nde ma alia ’diyi fe mi dria, te mi nga yi dro mi drilia ra. 32Mi azi aziza yi be ku, kani adrou yini be ku indio 33#Efu 34:12, 15; Azi 7:2; 12:30; Yos 23:13; Lip 2:3; 1 Sam 18:21; Zab 106:36, 37Yi ma ovu angu mini a ku, yi kazu fezu mini onzi ’yezu ma vu ku; a’disiku mi ka azi nga adrou yini dri, e’yo nderi nga ovu mi dri awule ada.

Currently Selected:

Efuza 23: LB66

Highlight

Copy

Compare