Efuza 11

Aliriaanzi osipi oko ’diyi ma drata ecezuri

1 # Efu 12:31 Te Yehova ’yo Musa tia, Ace nga dra alu ma nga ji Farau dria azini Misiri dria; ’diri ma vutia eri nga emi ku muzu; eri ka nga emi ku muzu, adaru eri nga emi dro ’doarisi iriti, 2#Efu 3:22; 12:35Mi ’yo curu’do ’ba ongulumuru ma bilia, kini agupi dria alu alu ma zi yi agyi aku ejeliari tia, azini oku dria alu alu ma zi yi agyi aku ejeliari tia afa onyiafa dahaburu azini onyiafa meleru. 3#Efu 3:21; 12:36; Zab 106:46; 2 Sam 7:9; Esi 9:4Te Yehova a fe ’ba nde ’diyi dri asi ndriza isuzu ’ba Misiria ’diyi ma milia. Indi vini agupi nde Musa eri ovu ’ba amboru tu angu Misirinia, ati’ba Farauni ’diyi ma milia azini ’ba erini ’diyi ma milia indi. Musa kini, Yehova ’yo ’dini:

4 # Efu 12:12, 23, 29; Amo 5:17 Eleile iniayiile ma nga efu angu Misirini ma eselia; 5#Amo 4:10azini aliriaanzi osipi oko angu Misirinia ’diyi nga odra dria, e’dozu Farau ripi oguna ini driari ma mva osipi okori vu, asizu oku ati’boru ripi oni anya ’izuri ma vutiari ma mva osipi okori vu; azini koanzi tipi oko ’diyi dria indi. 6#Amo 5:17Awu amboruni nga ovu angu Misirini ma alia dria, awu azini andra oko ’dinileni yo, ngani ovu ’dinile dika ku indio 7#Yos 10:21; Yob 5:23; Hos 2:18; Mal 3:18Te anzi, Israelini vu oce aluni ngani andre ini mbe ku, kani ’ba vu kani anya pa vu; emi ma ni geri Yehovani ’ba Misirini piyi ma esele cozu ’ba Israelini beri ani. 8Te ati’ba dria mini ’diyi nga esi ma vu, nga kumuti osi ma drilia ’yozu, Kiri kiri emi fu, ’ba dria mi vuti bipi ’diyi be fo! ’Di ma vutia ma di nga fu ra. Eri fu Farau vusi adra acirusi. 9Te Yehova ’yo Musa tia kini, Farau ngani emi eri ku; ’dini tali osutaru mani ’yele ’diyi ma ezu kakau angu Misirini ma alia ani.

10 # Efu 9:12; Azi 2:30; Yos 11:20; Isa 63:17; Yoh 12:40; Rum 2:5; 9:22 Te Musa pi Aroni be yi ’yeli tali osutaru ’diyi dria Farau drilia; te Yehova ’ba Farau ma asi mbazaru, kuni anzi Israelini dri geri muzu ku.

Currently Selected:

Efuza 11: LB66

Highlight

Copy

Compare