Eklesiaste 3
3
E’yo dria alu ala yi etu yini be
1 #
Ekl 8:6
Afa dria alu alu ovu ewu yini be, e’yo dria ’bu ma etiari ovu etu yini be indi;
2 #
E’do 47:29; Yob 7:1; Isa 38:1; Yoh 11:14; Ebra 9:27 etu ’bani osizuri pi, etu ’bani drazuri pie I etu ’bani afa sazu nyakuari pie, etu afa sale nyakuari okuzuri pie;
3 #
E’do 9:6; 1 Sam 2:6; Hos 6:1, 2 etu ’ba fuzuri pie, etu ’ba rua atizuri pie; etu afa oguzu vari pie, etu afa edrezu ururi pie;
4 #
Efu 15:20; 2 Sam 6:16; Zab 149:3 etu wuzu mindresiri pie, etu oguta oguzuri pie; etu awu wuzuri pie, etu ongo tuzuri pie;
5etu oni o’bezuri pie, etu oni okuzu tualuri pie; etu ’ba o’dezu avasiri pie, etu ’ba o’deza kuzu jari pie;
6etu afa ndazuri pie, etu afani avizuri pie; etu afa ta mbazuri pie, etu afa dazu amveri pie;
7 #
Amo 5:13
etu bongo osizuri pie, etu bongo sozuri pie; etu ovuzu ciriri pie, etu e’yo ’yozuri pie;
8 #
Luk 14:26
etu ’ba lezu avasiri pie, etu ’ba nguzu onziri pie; etu ombani pie, etu asi anzuruniri pie.
9 #
Ekl 1:3
’Ba azi ngapi okposiri ma orodri ngoni azi okporu erini ma alia ya?
10 #
Ekl 1:13
Ma ndre azi ewaru Munguni fele ’ba ma ori dri yini andezu aniri ra. 11#Azi 32:4; Ekl 8:17; Rum 11:33Eri ede afa dria ndrizaru ewu yinisi: eri ’ba egata ewu ’dani ’danirini ’ba ma asia indi, te ti, ’ba econi azi Munguni ’yele ’bori ma e’yo ndazu nizu engazu e’dozania kpere asizaniria ku. 12Ma ni ra kini afa azini yi dri onyiru agapi rani yo, lu yi ma ovu ayikosi, ma ’ye onyiru de nga yi drani ku; 13#Ekl 2:24azini indi Mungu fe ’ba dri afa feza ’dini, yi alu alu ma nya, ma mvu, ma ovu ayikosi azi yini ma alia onyiru. 14#Yak 1:17Ma ni ra kini afa dria, ka ovu ngoni ti, Munguni ’yeleniri nga adri ’dani ’danini; ’ba econi afa azini o’ba ruania ku, ’ba econi vini afa azini onzezaru ruaniasi ku indi; Mungu ’ye ’dini kini ’ba ma ovu urisi eri ma drilia ani beni. 15#Ekl 1:9Afa ovupi curu’do indiri eri afa ndra ovupi driori’i; te afa ngapi ovupiri eri afa ndra ovupi driori’i; te Munguni afa agapi ’bori nda dika.
E’yo ovuni kililiru nyaku ’doria ku
16 #
Ekl 5:8
Azini vini indi ma ndre etu etia ’dini, e’yo onzi indi pari e’yo lizuria, azini e’yo onzi indi pari e’yo onyiruruna. 17#Yob 34:11; Mat 16:27; Rum 2:6; 2 Kor 5:10; 2 Tes 1:6Te ma ’yo ma asia kini Munguni nga ’ba kililiru ’diyi pi ma e’yo li, ’ba onzi ’diyi be; a’disiku ewu indi e’yo dria ma e’yosi, azini azi dria ma e’yosi indi. 18Ma ’yo ma asia, Eri ’dini ’ba ori ma e’yosi, ’dini Mungu eco yi o’bizaru ani, yi ma ndre ani kini yi ma ngulupi ovu kile anyapa asea ’diyile. 19#Zab 49:12A’disiku e’yo alu i ’yepi ’ba ma ori ma ruaari ’ye i anyapa ruaa indi; ada, afa alu eca yi ma ruaa driani: ekile alurini dralerile aziniri dra alu indi ’dinile. Ada, yi dria ovu ava ’yaza be alu, te ’ba agani anyapa aluni ku; e’yo driani ovule tokorurisi. 20#E’do 3:19Dria mu pari alua, dria ebi enga irifura ma alia, dria nga eca irifuraru dika. 21A’di ni orindi ’bani ma e’yo kani eri tu uru, kani anyapaniri eri si va nyakuarini ya? 22#Ekl 2:10E’yo ’disi ma ndre afa azini onyiru agapini yo, pe lu ’ba ma ovu ayikosi azi erini ma alia, a’disiku ’diri esele eriniri; te a’dini nga eri omvi dika afa i ’yepi eri ma vutiari ndrezuni ya?
Bible in Lugbara © United Bible Societies, 1966.