Eklesiaste 2
2
1 #
Zab 10:6, 11; Luk 12:19; Isa 50:11 Ma nga ’yo ma asia kini, ’Yeke, ama mu, te ma nga ayiko ma e’yo o’bi; e’yo ’disi mi ovu di ayikosi, ayiko ndruzu mini lelerile, Te mi ndre, e’yo ’diri eri e’yo tokoni indi. 2#O’be 14:13; Ekl 7:6; Isa 22:12, 13; Amo 6:5, 6Ma ’yo oguta oguza ma e’yosi kini, Eri azani; azini oguta ayikoruri ma e’yosi kini, Eci a’di ’ye ya? 3#Ekl 1:17; Isa 22:13; Amo 6:3-6; 1 Pet 4:3Ma ndru e’yo ma asia, geri ayiko fezu rua mani dri patiefi ma su mvuzasi-de ma asi ma dri ce onduasi-nizu e’yo ondua kokoru bizu indi, de nga ma ndreni e’yo ovupi onyiru anzi ’bani dri, yini eri ’yezu ’bu ma etia ewu dria yini ovuzu idrirurisiri ku. 4#1 Opi 10:23-27; 2 Sur 9:22-27Ma ’ye ma dri azi amboru ’diyi ra; ma si mani jo ra; ma esi mani zabibu pati amvua ra; 5ma oli mani angu patifu pini, irindi onyiru ’diyi be, yi ma alia ma esi pati efi kapi suruti ndu ndu ’diyi karakarau. 6Ma ede pari yi atizani, yi ma fe yi pari oceru mani pati nyiri nyiri ’diyi; sazuri dri ani. 7#1 Opi 4:23Ma je ati’ba agupiru ati’ba ezoanziru ’diyi be, azini yi oti mani ati’ba anzi ma vile joa; ma ovu lonyi be amboru, anyapa pie anyapa nyiri nyiri ’diyi be, aga ’ba dria ovupi ma drilia oko Yerusalemua ’diyi ra. 8#1 Opi 10:10, 14-22; 9:28Ma oku! vini mani dahabu pi, mele pie, lonyi opiniri pie, lonyi angu amve ’diyini pie; ma nda mani ’ba agupiru ongo ngopi ’diyi pi ezoanzi ongo ngopi ’diyi be, azini oku ati’baru karakarau, ayiko fepi ’ba ma ori dri ’diyi.
9 #
1 Sur 29:25; Ekl 1:16 ’Dini ma ovu di ’ba amboni,ma ezu amboru aga ’ba dria ma drilia Yerusalemua ’diyi ra; azini indi ondua mani ovu nga ma be ’dani. 10#Ekl 3:22Afa dria ma mileni ndrele ayikoruri ma gani yi ku; ma ogani ayiko ma asi dri aluni ku, ma asini ovule ayikosi azi mani dria-ri sirisi; e’yo ’diri ovu ndra orodri mani azi okporu mani dria ma alia. 11Ma nga di azi ma drini ’yele: ’diyi pi ma e’yo olu, azi okporu mani ngale okposi ’diyi be, re mi ndre, afa dria yi e’yo tokoru, eri asi ’bazu oli bizuriru, te orodri etu ma etia aluni yo.
12 #
Ekl 1:17
Ma nga di ma oja ondua pi ndrezu e’yo azazari be, e’yo ondua kokoruri pie; a’disiku ’ba mupi opi ma vutiari eco a’di ’yezu ya? Ada, afa ’yele ’bori’i, 13Ma ndre ani ondua aga e’yo ondua kokoruri pie ra, ekile etuni ini agale onyisirile, 14#Ekl 8:1; 9:2’Ba onduarori eri mile be dria, ’ba ondua kokoruri ini aci angu biza ma alia; te ti, ma ndre afa aluri nga yi ’ye iri troni. 15Ma nga di ’yo ma asia kini, Ekile e’yoni ngale i ’yele ’ba ondua kokoru ma ruaarile, ’dinile eri nga i ’ye ma ngulupi ma ruaa; ka’dinile ma aga di yi onduasi a’disi ya? Ma nga di ’yo ma asia kini e’yo ’diri eri e’yo tokoni indi. 16A’disiku ’ba egani ’ba onduaruri ma e’yo ’dani ’dani ku, trotro ekile ’ba ondua kokoruri ma e’yole; a’disiku o’du emupiri ma alia ’ba dria ma e’yo avi drio ’bo. Te ’ba onduaruri dra trotro ekile ’ba ondua kokorurile ’doni! 17E’yo ’disi ma ngu di idri onzi, a’disiku azi ’bani ’yele etu etiari ovu ma dri ocokoru; e’yo dria ovu e’yo tokoni azini asi ’bazu oli bizurile,
18 #
Zab 49:10
Ma ngu azi okporu mani, mani ngale etu etiari, dria onzi; Imani ngale eri kule agu ngapi ovupi ma vutiari dririsi, 19#1 Opi 12:13; 1 Tim 6:10te a’di nini, kani eri nga ovu ’ba onduaniri kani ’ba azazaruni ya? Te ri, eri nga ovu opiru azi okporu mani, mani ngale etu ma etia mani ani ondua mani ecezu ’diyi dria ma drilia E’yo ’diri indi eri e’yo tokoni, 20E’yo ’disi ma oja ma, asi fezu ma avani otizu lazi okporu mani ngale etu etia ’bori ma e’yosi dria, 21a’disiku ’ba azi Okporu ngapi ondua pisi nita pie drileba pieri indi, te eri nga eri ku awurusoru ’ba azi ngapi alenia kuri dri. E’yo ’diri eri e’yo tokoni, e’yo onzi amboru indi. 22#Ekl 1:3A’disiku ’bani a’di isu azi okporu erini ma e’yosi, candi eri ma asiari pi ma e’yosi, azi erini ngale okposi etu etiari be ya? 23#Yob 5:7; 14:1Te o’du erini dria ayakaka candiru, azini azi ewaru erini ovu ocokoni; ka tro inisi ti, eri ma asi lini ava ku. E’ya ’diri eri e’yo tokoni indi.
24 #
Ekl 3:13; 5:17; 9:7; Isa 56:12; Luk 12:19; 1 Kor 15:32 Te afa azini ’ba dri onyiru agapini yo, pe lu eri ma nya, ma mvu, ma fe eri ma orindini ovuzu ayikosi azi erini ma alia onyiru. Ma ndre e’yo ’diri indi, kini dri Munguni fe e’yo ’dirini; 25te a’di eco afa nyazu, a’di eco ovuzaru ayikosi! eri kokoruni Ya? 26#Yob 32:8; O’be 2:6A’gisiku Mungu fe ondua pi, nita pie, ayiko pie, ’ba ayiko fepi eri driri dri; te eri fe azi ewaru ’ba e’yo onzi ’yepiri dri, afa okuzu, afa ti mbazu, eri ma fe afa nde ’diyi ’ba ayiko fepi Mungu driri dri beni, E’yo ’dici eri e’yo tokoni asi ’bazu oli bizuriru indi.
Bible in Lugbara © United Bible Societies, 1966.