Azita Amvizu 9

Yehovani ngazu suru Kanania ’diyi ma dri jazuri

1 # Azi 4:38; 7:1; 11:23; 1:28 Mi eri e’yo fo, Israeli la! Mi Yoridanini zo andru, fizu suru amboru azini okporu mi agapi ra ’diyi ma angu pi nyazu, aku ambo ambo abi kaliru izuruni cazu kpere ’bua’diyi be, 2#Kal 13:22suru ’wangaraka izutili Anaki anziyiru, mini nile ra mini e’yoni erile kini, A’di eco pa sozaru Anaki anziyi ma driliani ya? ’diyi. 3#Azi 31:3; Yos 3:11; Mik 2:13; Eceza 19:11-15; Azi 4:24; Isa 30:27; 33:14; Nah 1:5, 6; 2 Tes 1:8; Ebra 12:29; Efu 23:31; Azi 7:24E’yo ’disi mi ma ni andru kini eri’i dri cepi zopi mi ma drilia ekile ad afa evepi kinyikinyirileri eri Yehova Mungu miniri’i; eri nga yi dri ja ra, nga yi oze va mi drilia; ’dini mi nga yi odro amve, yi ma dri jazu mbele, ekile Yehovani ’yole mi tia ’borile.

4 # Azi 8:11, 17; Eze 36:32; Rum 11:6; 1 Kor 4:4; E’do 15:16; Lev 18:24; Azi 18:12 Yehova Mungu minirini yi omizu amve mi driliasi ’boria, mi ma ’yo mi asia kini, Yehova ofi ma angu ’diri ’duzu maniru e’yo onyiru manisi, ’dini ku; te Yehovani yi dro amve mi driliasi e’yo onzi yinisi. 5#2 Tim 1:9; Tit 3:5; E’do 12:7; 13:15; 15:7; Efu 32:13; Luk 1:54, 55; ’Yeta 13:32, 33; Rum 15:8Mi fini angu yini ’duzu miniru e’yo onyiru minisi, kani mi asini ovule kililirurisi, ’dini ku; te e’yo onzi suru ’diyinirisi Yehova Mungu miniri odro yi mi ma driliasi, eri ma fe e’yo erini ndra oyoni sole mi a’bipi Iburahimu pi ma tia, Isaka pie, Yakobo pierini pa sozu kirikiri.

Israelini mbuzu Yehova ma ruaasi amve Horebuari

6E’yo ’disi mi ma ni Yehova Mungu miniri feni angu onyiru ’diri mi dri ’duzu miniru onyi minisi ku; a’disiku mi suru ombe mbaza beri’i. 7#Efu 14:11; 16:2; 17:2; Kal 11:4; 14:1; 20:2Mi ega e’yo ndra mini fezu aokoni engazu Yehova Mungu miniri ma asia roko driari, mi dri ma avi ani ku; engazu o’du mini efuzu angu Misiriasirisi ecazu emini efizu pari ’dori ma aliaria, emi le mbu Yehova ma ruaasi amve ’dani. 8#Efu 32:4; Zab 106:19Emi fe ndra vini aoko Yehovani engazu Horebua indi, Yehovani ovuzu ani aokosi emi vu, lezu emi dri jazu. 9#Efu 24:18; 34:28; Luk 4:1Mani ndra turia oni dria muzu oni ’bararu ’diyi a’izu, yi oni ’bararu aziza Yehovani azile emi berini ’diyi, ma ovu ndra oni dria o’du kali su etusi inisi; ma nyani nyaka ku, ma mvuni yi ku indio 10Te Yehova fe ndra ma dri oni ’bararu iri, drileju Mungunini e’yo osizu yi ma driani ’diyi; si e’yo dria Yehovani ’yole emi tia oni dria aci aliasi o’du okuzanirisi ’diyi yi ma ruaa ci. 11Eri eca ndra ’dini, o’du kali su etusi inisi ’diyi ka yi de ra, Yehova fe ndra ma dri oni ’bararu nde ’diyi iri, yi oni ’bararu azizani ’diyi. 12#Efu 32:7; Azi 31:29; Lip 2:17Yehova nga di ’yo ma tia kini, Mi nga, mi si ’doarisi va mbele; a’disiku ’ba mini, mini ofule ejile Misiriasi ’diyi eza yi ’bo; yi oja yi kalaa, geri mani azile yi driri kuzu mbele; yi ede yi dri wura inzile inziri aya akapi acisirisi ’bo. 13#Efu 32:9; Azi 10:16; 31:27; 2 Opi 17:14Yehova ’yo vini ma tia kini, Ma ndre suru ’diri ’bo, te yi ’ba ombele be mbazaru ’diyi; 14#Azi 29:20; Zab 9:5; 109:13mi ku nga ma, ma ma ja yi dri ani, ma ma ini yi ma ru ’bu etiasi; te ma nga mi ’ba ovuzu suru okporu azini amboru yi agapi rariru. 15Ka’dini ma nga di ma oja sizu oni driarisi va, de onini ve acisi ve ve; te oni ’bararu azizani iri ’diyi ma dria ci. 16Ma ndre ra, te mi ne, emi ’ye onzi Yehova Mungu eminiri vu ’bo; emi ede emi dri kojamva ma wura aya akapi acisirisi; emi oja emi kalaleru ’bo, geri Yehovani azile emi driri kuzu mbele. 17#Zab 69:9; 119:139Te ma nga oni ’bararu iri ’diyi o’du dri irisi, yi o’bezu va, yi ofuzu emi ma milia ra. 18#Efu 34:28; Zab 106:23Ma nga di ma eco va Yehova ma drilia, ekile okorile, o’du kali su etusi inisi; ma nyani nyaka ku, ma mvuni vini yi ku, e’yo onzi dria emini ezale, emini e’yo ovupi onzi Yehova ma miliari ’yele, fezu eri ma aokoni engazurisi. 19#Ebra 12:21, 29; Efu 32:10, 11, 14; 33:17; Azi 10:10; Zab 106:23; Yak 5:15; Amo 7:1-6A’disiku ma ovu urisi Yehova ma aoko pi ma e’yosi adra erini aciruri be, aokoni eri nyale erini lezu ani emi dri jazurisi. Te Yehova eri vini e’yo mani ewu nde ’darisi ra. 20Te Yehova ovu aokosi tu Aroni vu, le ani eri ma dri ja ra; ma zi vini Mungu Aroni ma e’yosi ewu nde ’darisi indi. 21#Efu 32:20; Isa 2:18-21; 30:22; 31:7; Hos 8:11Ma nga di ezata eminiri ’du, eri kojamva emini edeleri’i, ma nga eri eve acisi, nga eri odi eri ’izu furaru inikini ekile irifurale; ma da furani yi raza ibipi erapi oni driarisi vari ma alia.

22 # Kal 11:3, 34; Efu 17:7 Emi fe ndra vini aokoni Yehovani nyazu Tabera pia, Masa pie, Kibiroti-hatava pie dria. 23#Kal 13:3, 17; 14:1; Zab 78:22; 106:24; Azi 1:21, 26; Ebra 3:16; 4:2Yehovani emi ti peria engazu Kadesibarineasi, ’yozu kini, Emi tu angu mani fele emi dri ’bori ’duzu eminiru, etu ndesi emi mbu amve azita Yehova Mungu eminirini gazu si, emi a’ini Munguni ku, emi erini o’duko erini ku indi. 24#Azi 31:27E’dozu troa o’du ndra mani emi nizurisi, emi ovu ’ba mbupi Yehova ma ruaasi amve ’diyiru ’dani. 25’Dini ma eco ma va Yehova ma drilia o’du kali su etusi inisi, o’du mani ma ecozu va ’diyi, Yehovani ’yole i nga emi dri ja rarisi. 26#Efu 32:11; 1 Sam 7:9; O’be 15:29; Yer 15:1Ma zi Yehova tia kini, Opi Yehova la! mi ja ’ba mini, mi ma yilaru, mini onzele ambo minirisi, mini ofule ejile Misiriasi dri okporu minirisi ’diyi ma dri ku fo! 27Mi ega ati’ba mini Iburahimu pi ma e’yo, Isaka pie, Yakobo pie; mi lu asi mbaza ’ba ’diyini ku, kani ezata yini, kani e’yo onzi yini ku indi fo, 28#E’do 41:57; 1 Sam 14:25; Efu 32:12; Kal 14:16; Azi 32:26, 27; Yos 7:7-9; Zab 115:1, 2; Isa 48:9-11angu ndra mini ibizu ama ofuzuri kazu ’yozui ’dini ku kini, Yehova ofu yi yi ofuzu roko dria, erini ecole yi jile angu! erini azile ndra yi driri ma alia kurisi, azini vini erini yi ngule onzirisi. 29#Azi 4:20; 1 Opi 8:51; Neh 1:10; Zab 95:7De yi ovu ’ba mini, mi ma yilaru, mini ndra ofule okpo amboru minirisi, azini wu ejuzaru minirisi ’diyi.

Currently Selected:

Azita Amvizu 9: LB66

Highlight

Copy

Compare