Azita Amvizu 10

Oni ’bararu edezu dikari

1 # Efu 34:1, 2; 25:10 Etu nde ’darisi Yehova ’yo ma tia kini, Mi opa oni iri ekile ndra oko ’dayile, mi etu ma vu oni dria, mi ede vini sanduku patisi indi. 2Te ma nga e’yo ndra sile oni ’bararu oko mini ofule ’dayi ma dria ’diyi si oni ’bararu nde ’diyi ma dria, te mi ma o’ba yi sanduku nderi ma alia. 3#Efu 25:5; 37:1’Dini ma ede sanduku asarau patisi, ma opa oni iri ’bararu ndra oko ’dayile, ma tu oni dria oni ’bararu iri ’diyi be ma dria. 4#Efu 34:28; Yer 31:33; Efu 20:1; 19:17; Azi 9:10; 18:16Eri nga di azita mudri si oni nde ’diyi ma dria, ekile ndra sile okorile, azita nde Yehovani ndra ’yole emi tia oni dria aci aliasi o’du okuzanirisi ’diyi; Yehova nga di yi fe ma dri. 5#Efu 34:29; 40:20; 1 Opi 8:9Ma nga di ma oja sizu oni driasi va, ma nga oni ’diyi o’ba sanduku mani edeleri ma alia; yi ’daa nga ci ekile Yehovani azile ma tiarile. 6#Kal 20:28; 33:31, 38(Anzi Israelini aci ndra engazu Beeroti Bene-yaakaniasi cazu Mose-raa. Aroni nga dra ’dale, sa eri ’daa indi; te mvi Eleazari nga azi kuhanini nga eri ma pariani. 7Engazu ’daarisi yi aci cazu Gudigodaa, azini engazu Gudigodaa cazu Yotibata angu ovupi yi raza nyiri beria. 8#Kal 3:5-8; Lev 9:22; Kal 6:23; Azi 21:5Ewu nderisi Yehova nga suru Levini ope ndu sanduku aziza Yehovanirini lizu, yini pa sozu Yehova ma drilia azi ngazu eri dri, asi ndriza fezu ’ba dri ru erinisi, ecazu kpere andru. 9#Kal 18:20, 24; Azi 18:1, 2; Eze 44:28E’yo ’disi Levi ovuni esele be, kani awuruso be, adripi ini ’diyi be tualu ku; Yehovani awuruso eriniruni, ekile Yehova Mungu minirini ndra ’yole eri tiarile.)

10 # Efu 34:28 Ma awu oni dria o’du kali su etusi inisi, ekile ewu okorisirile, Yehova nga e’yo mani eri ewu ’dirisi indi; Yehova leni ani mi dri jazu ku. 11Yehova nga ’yo ma tia kini, Mi nga, mi ko dri muzu ’ba ’diyi ma drilia, yi ma fi ani angu mani ndra oyo sole yi a’bipi ma tia fezu yi driri ma alia, eri ’duzu ani yiniru.

E’yo Munguni leleri

12 # Mik 6:8; Yer 7:23; Mat 22:37; 1 Tim 1:5 Te di Israeli la, e’yo Yehova Mungu minirini lele mi vuri ngoni ya, pe lu Yehova Mungu miniri ruzu, acizu geri erini ’diyi ma alia, eri lezu avasi, azi ngazu Yehova Mungu miniri dri mi asi driasi, azini mi orindi driasi, 13azita Yehovani ’diyi pi ma ta mbazu, e’yo aziza erini be, mani azile mi dri andru mi; ’yezu ani onyiru ’diyiri’i ku ya? 14#1 Opi 8:27; Zab 115:16; E’do 14:19; Zab 24:1Mi ne, ’bu pi ’bu ’buniri be yi afa Yehova Mungu minirini ’diyi, nyaku afa alenia ’diyi pie dria; 15te ti, Yehova ovu ndra ayikosi mi a’bipi pi vu yi lezu avasi, pe vini a’bianzi yini yi ma vutia ’diyi indi, bani emi’i, aga suru azini ’diyi dria ra, ekile o’du andru ’dorisirile. 16#Lev 26:41; Yer 4:4; Rum 2:28; Efe 4:21; Kol 2:11E’yo ’disi emi li enyiriko emi asi driliari ’bani agele lilerile, emi ovu ombe mbaza be dika ku. 17#1 Tim 6:15; Eceza 17:14; 19:16; ’Yeta 10:34; Rum 2:11; Zab 136:2; Dan 2:47; 2 Sur 19:7; Yob 34:19; Gal 2:6; Efe 6:9; Kol 3:25; 1 Pet 1:17A’disiku Yehova Mungu eminiri eri Mungu Mungu azini ’diyi ma driliarii, Opi opini, Mungu amboru okporu luriuriru, ’ba opepi ku, afa ti razuri a’ipi kuri’i. 18#Zab 68:5; 146:9Eri awuziou pi ma e’yo li kililiru, imvoanzi be, eri ani’bo le avasi, eri dri nyaka pi fezu afa suza be. 19Ka’dini emi ma le ani’bo ani; a’disiku emi ovu ndra ani’baru angu Misiriaria. 20#Mat 4:10; Zab 63:11Mi ma ru Yehova Mungu miniri; mi ma nga azi eri dri, mi ma ebi mi eri be, oyo sozu eri ma rusi indi. 21#Zab 22:3; Yer 17:14Eri ovu inzita miniri; eri Mungu mini e’yo ambo uriuriru mini ndrele mi milesi ’diyi ’yepi mi driri’i. 22#E’do 15:5; 22:17; 46:27Mi a’bipi sipi Misiria ’diyi yi ndra ’ba kali aziri; te curu’do Yehova Mungu miniri fe mini ezuzu kakau ekile ’bi’bio ’bua ’diyile.

Currently Selected:

Azita Amvizu 10: LB66

Highlight

Copy

Compare