Azita Amvizu 5

Azita Munguni mudri ’diyi

1Musa nga Israeli omve i vu dria, nga ’yo yi tia, Israeli la! emi eri e’yo aziza piyi e’yo liza be mani yi olule o’du andru ’dorisi emi bilia ’diyi, emi ma ni yi ani, ma ovu mile be yi ’yezu indio 2#Efu 19:5; 24:7, 8; Azi 4:23; Ebra 8:6-13; 9:19-23Yehova Mungu amani azi ndra aziza ama be Horebua. 3#Mat 13:17; Ebra 8:9Yehova azi mira aziza ’dori ama a’bipi be ku, te ama be, ama’i ovupi dria idriru o’du andru ’dorisi ’doyi. 4#Efu 19:9, 19; 20:22; Azi 4:33, 36; 34:10Yehova ’yo ndra emi be milia milia oni nderia, engazu aci ma aliarisi, 5#Efu 19:16; 20:21; Kal 16:48; Zab 106:23; Yer 30:21; Gal 3:19; Ebra 12:18, 19; Efu 24:2de mani pa soria Yehova pi ma eselia emi be eru ’darisi, e’yo Yehovani ecezu emi dri; a’disiku emi ovu ndra urisi aci ma e’yosi, emi tuni ndra oni dria ku. Eri ’yo ndra kini: 6#Efu 20:2; Lev 26:1; Azi 6:4; Zab 81:10Ma Yehova Mungu mini, mi ofupi angu Misiriniasi, jo ati’baniasiri’i, 7#Efu 20:3Mi ma ovu Mungu azini be ku, kiri ma’i.

8 # Lev 26:1; Azi 4:15-18; 27:15; Efu 20:4; Zab 97:7; ’Yeta 17:29 Mi ma ede mi dri wura inzile inziri ku, kani wura i sipi afa ’bua ururi berile, kani afa nyakua, kani afa yi nyaku etiari ma aliari’i ti; 9#Efu 34:6-7; Kal 14:18; Azi 7:9-10mi ma osi mi kumuti yi drilia ku, mi nga azi yini ku, a’disiku ma Yehova Mungu miniri, ma Mungu a’yaruri, ma atapi ma e’yo onzi ofe yi ma anzi ma ruaa ’ba ma ngupi onzi ’diyi dri kpere a’bianzi nari kani suri vu, 10#Yer 32:18; Dan 9:4; 1 Yoh 1:7te ma asi ndriza ece ’ba ma lepi azita mani ma ta mbapi ’diyi dri kpere cazu alifu alifu. 11#Lev 19:12; Efu 20:7; Yak 5:12; Mat 5:33Mi co Yehova Mungu mini ma ru toko toko ku; a’disiku Yehova ngani ’ba eri ru copi toko okori ku pirini e’yo kokoru ku. 12#Efu 16:23-30; 31:12-14; Efu 20:8; Neh 13:37Mi inzi o’du sabatoni, tani mbazu alaru ekile Yehova Mungu minirini azile mi tiarile. 13#Efu 23:12; 31:15; 34:21; 35:2; Lev 23:3; Eze 20:12Mi ma nga azi o’du azia, mi ma ’ye azi mini dria; 14#E’do 2:2; Efu 16:29; Ebra 4:4te o’du aziriri ovu sabato Yehova Mungu minirini; o’du nderisi mi ma nga azi aluni ku, mi’i, mi mvi pie, mi zi pie, ati’bo mini agupiruri pie, ati’bo mini zanaruri pie, ti mini pie, akanya mini pie, anyapa mini pie, ani’bo ovupi aku miniari pie dria; ’dini ati’bo mini agupiruri pi ma li ava ati’bo mini zanarori be tro tro mile. 15Mi ma ega ’dani e’yo mini ndra ovuzu ati’boru angu Misiria, Yehova Mungu minirini mi ofuzu angu nderiasi dri okporuri pisi wu ejuzaruri beri; e’yo ’disi Yehova Mungu mini azi ndra ani mi ma mba o’du sabatoni ma ta,

16 # Azi 27:16; Mat 15:4; 19:19; Mar 7:10; 10:19; Luk 18:20; Efe 6:2, 3; Lev 19:3; Kol 3:20; Azi 4:40 Mi inzi mi ati pi mi andri be, ekile Yehova Mungu minirini azile mi tiarile; o’du mini ma ovu ani kakau, e’yo mini ma ovu ani drilebaru angu Yehova Mungu minirini fele mi driri ma alia.

17 # E’do 9:6; Lev 24:17; Mat 5:21; 19:18; Mar 10:19; Luk 18:20; Rum 13:9; Yak 2:11 Mi ’di ’ba ku.

18 # Lev 20:10; Mat 5:27; 19:18; Mar 10:19; Luk 18:20; Rum 13:9; Yak 2:11 Mi ’ba vini ali ku.

19 # Lev 19:11; Mat 19:18; Mar 10:19; Luk 18:20; Rum 13:9 Mi ogu afa ku.

20 # Efu 23:1; Mat 19:18; Mar 10:19; Luk 18:20; 1 Opi 21:10 Mi eza vini ’ba azini ma ru inzosi ku.

21 # Rum 7:7; 13:9; Mik 2:2; Hab 2:9; Luk 12:15; Gal 5:14 Mi ’ba viru li ’ba azini ma okusi ku; ’ba azini ma jo ma ava ma va mi ku, amvu erini pie, ati’bo erini agupiruri pie, ati’bo erini zanaruri pie, ti erini pie, akanya erini pie, kani afa ngoni ’ba azinini ovuzu yi be ’diyi ti.

’Bani ’yezu urisiri

22 # Ebra 12:18-19; Efu 24:12 Yehova ’yo ndra e’yo ’diyi o’duko urusi oni nderi ma dria, ’ba emini ongulumuru ’diyi ma tia dria, aci pi ma aliasi, iriti pie, angu asepi iniciciruri pie; te eri ereni ndra azini drinia ku. Eri si ndra e’yo nde ’diyi oni ’bararu iri ’diyi ma ruaa, nga yi fe ma dri. 23Te eri nga eca ’dini, emi ka ndra o’duko engapi angu biza ma aliasiri eri, de onini nga veria acisiria, emi esi ma vu ogogo, emi ’ba dria suruti emini ma drileru ’diyi pi ’ba ’wara emini ’diyi be; 24emi ’yo ndra kini, Mi ne, Yehova Mungu amaniri ece diza erini pi ama dri amboni be ’bo, ama eri vini o’duko erini engapi aci aliasiri ’bo; ama ndre vini o’du andru ’dorisi Munguni e’yo ’yoria ’ba be ra, te ti ’ba ovu ’dani idriru. 25Te di ama ma odra curu’do ra a’di e’yosi ya? A’disiku aci ambo ’dori nga ama ve ra; ama ka o’duko Yehova Mungu amanirini eri dika, ama nga odra ani. 26#Azi 4:33Te ’ba dria rua ari be ’diyi ma azi, Mungu idriruri ma o’duko eripi ra erini e’yo ’yoria aci aliasi, ekile amani erilerile, ovupi ’dani idriruri a’di’i ya? 27#Ebra 12:19Mi si ogogo mi’i, mi eri e’yo dria Yehova Mungu amanirini ngale ’yole ’diyi; mi olu ama tia e’yo dria Yehova Mungu amanirini ngale ’yole mi tia ’diyi; ama nga e’yo ’diyi eri ra, yi ’ye ra indi. 28Yehova eri ndra e’yo emini ma o’duko, emini e’yo ’yoria ma be; te Yehova nga di ’yo ma tia kini, Ma eri e’yo suru ’dorini, yini ’yole mi tia ’diyi ma o’duko ’bo; yi ’yo e’yo dria ’yini ’yole ’diyi ’yeke. 29#Azi 32:29; Zab 81:13; Isa 48:18; Yer 44:4; Mat 23:37; Luk 19:42; 2 Kor 5:20; 6:1; 7:1; Ebra 12:25; Azi 11:1; Zab 119:1-5; Luk 11:28; Yoh 15:14; Eceza 22:14Yi ka te ovu asi ’dinileri be ma ruzu azini azita mani ’diyi ma ta mbazu dria ’dani, ’yeke fo, ’dini e’yo yini ma ovu yi ma anzipi be drilebaru ’dani ’dani! 30Mi mu ’yo yi tia, Emi mvi hema emmia, 31#Mal 4:4; Gal 3:19Te mi’ini, mi so nga pa ma ageia ’dia, ma nga ani azita dria mini ngale imbale yi dri ’diyi pi ma e’yo ’yo mi tia e’yo aziza pie, e’yo liza pie dria, yi ma ’ye yi ani angu: mani fele yi dri ovuzu yi ma afarori ma alia beni, 32#Azi 17:20; 28:14; Yos 1:7; 23:6; O’be 4:27E’yo ’disi emi ma ’ba emi asi e’yo ’yezu ekile Yehova Mungu eminirini azile emi tiarile; emi ma oja emi kalaa dri ndia kani dri ejia ku. 33#Azi 10:12; Zab 119:6; Ekl 8:12; Yer 7:23; Luk 1:6; 1 Tim 4:8; Azi 4:40; 12:25, 28; 22:7; Efe 6:3Emi ma aci geri dria Yehova Mungu eminirini azile emi driri ma alia, emi ma ovu ani idriru, e’yo emini ma ovu drilebaru, emi ma fe o’du emini ovuzu angu emini ngale ’dule eminiruri ma alia ’diyini idrizu drile kakau.

Currently Selected:

Azita Amvizu 5: LB66

Highlight

Copy

Compare