Azita Amvizu 16

Omu na pele pe ’di’yi

1 # Efu 12:1-20; Lev 23:5-8; Kal 28:16-25; Yoh 18:28; 1 Kor 5:7, 8; Ebra 11:28 Mi ma mba mba Abibuni ma ta, mi mba agaza ’ba drilesiri ma ta Yehova Mungu miniridri; a’disiku Yehova Mungu miniri ofu ndra emi Misiriasi inisi mba Abibusi. 2#Efu 12:5-7; Kal 28:19; 2 Sur 35:7; Mat 26:2; Mar 14:12; Luk 22:8, 15; 1 Kor 5:7Mi ma ede edeta agaza ’ba drilesirini engazu ti ma eselia kani kabilo ma eselia, Yehova Mungu miniri dri, pari Yehovani ngale pele fezu i ma runi adrizu ’daaria. 3#Efu 12:15, 19, 39; 13:3; 34:18Mi ma nya eri mikate akufi berisi aluni ku; mi ma nya eri mikate akufi kokorurisi o’du pi pi aziri, ada mikate inzataniri’i-a’disiku mi efu ndra angu Misiriariasi mbele-mi ma ega ani o’du ndra mini efuzu angu Misiriariasiri ewu mini ovuzu idrirurisi dria. 4#Efu 12:10; 34:25’Ba ma ndre akufi mi vu angu mini ma eselia dria o’du aziri ku; azini edeta mini edele o’du okori ma ondresiri ma za ma joloko ma la rra cazu o’bitisi ku. 5Mi ma ede edeta agaza ’ba drilesirini aku mini Yehova Mungu minirini fele mi driri ma alia dria ku; 6#Mat 27:46te kiri pari: Yehova Mungu minirini ngale pele, fezu i ma runi adrizu ’daaria a’dule, mi nga edeta agaza ’ba drilesiriniri ede pari ndea ondresi, etuni ’deria, ewu mini ndra efuzu Misiriasiri vusi. 7#Efu 12:8; 2 Sur 35:13; 2 Opi 23:23; Yoh 2:13; 11:55Te mi ma ozo eri acisi, ma nya eri pari Yehova Mungu minirini ngale peleria; o’bitisi mi nga dri da mvizu hema mini ma alia. 8#Efu 12:16; 13:6; Lev 23:8Mi ma nya mikate akufi kokoruri o’du pi pi azia; o’du aziriri ma ovu okuza inzitaruri Yehova Mungu miniri dri; mi ma nga azi o’du ndesi aluani ku.

9 # Lev 23:15-21; Kal 28:26-31; Efu 23:16; 34:22; ’Yeta 2:1 Mi ma la mi dri sabato aziri; mi ma e’do sabato aziri ’diyi lazu engazu o’du oko mini e’dozu eli ’duzu anya urulesiri lozurisi. 10#O’be 10:22; Yoe 2:14; 1 Kor 16:2Mi ma mba omu sabato ’diyiniri ma ta Yehova Mungu miniri dri, afa feza fele ceniri be mi dria, mi nga eri fe Yehova Mungu minirini asi ndriza ’bale mi vu ’borile; 11#Luk 14:12mi nga ayiko ’ba Yehova Mungu miniri ma drilia, pari Yehova Mungu minirini ngale pele fezu i runi adrizu ’daari ma alia, emi’i, mi mvi pie, mi zi pie, ati’bo mini agupiruri pie, ati’bo mini zamvaruri pie, ’ba Levini ovupi aku mini ma aliari pie, ani’bo pie, imvoa pie, awuziou pie, ’ba ovupi mi ma eselia ’diyi. 12#E’do 15:13; Efu 1:11, 14; Azi 15:15; 25:6; Zab 105:23, 25Mi ma ega ’dani e’yo mini ovuzu ndra ati’boru Misiriari; mi ma mba azita ’diyi ma ta yi ’yezu indi. 13#Lev 23:33-36, 39-43; Kal 29:12-38; Efu 23:16Mi ma mba omu nyale borokoari ma ta o’du pi pi aziri, mini afa omvuria jiria akua akuma driasi, azini pari zabibuefi ma su nzizuriasi ’boria; 14#Azi 26:11; Neh 8:9; Ekl 9:7; Isa 12:1-6; 25:6-8mi ma ovu ayikosi omu miniri ma alia, emi’i, mi mvi pie, mi zi pie, ati’bo mini agupiruri pie, ati’bo mini zamvaruri pie, ’ba Levini pie, ani’bo pie, imvoa pie, awuziou pie, ovupi aku mini ma alia ’diyi. 15Mi ma ’ba omu Yehova Mungu miniri dri o’du aziri pari Yehovani ngale peleria; a’disiku Yehova Mungu miniri nga asi ndriza ’ba mi vu afa kaza mini ma dria dria, azi mini ’yele drisiri ma alia dria indi, e’yo mini dria nga ovu ayikoru tu. 16Pale na eli vusi eli vusi ’ba mini agupiru ’diyi dria nga yi e’da Yehova Mungu miniri ma drilia, pari erini ngale peleria: omu nyale mikate akufi kokoruri pi ma alia, omu sabato ’diyiniri pie, omu nyale borokoari pie dria. Yi ma e’da Yehova ma drilia dri be pirini ku; 17#2 Kor 8:12’ba dria ma fe ekile erini ecolerile, asi ndriza Yehova Mungu minirini fele mi driri vusi.

E’yo lizu kililiruri

18Mi ma pe ’ba e’yo lipi ’diyi pi ’ba amboru ’diyi be suruti mini vusi, aku mini Yehova Mungu minirini fele mi dri ’diyi ma kalitilea dria; yi ma li ’ba ma e’yo, e’yo liza kililirurisi. 19#Efu 23:6-8; Lev 19:15; 1 Sam 8:3; 12:3; Yob 31:21, 22; O’be 17:23; 24:23; Ekl 7:7; Isa 1:17, 23; ’Yeta 10:34Mi ma eza e’yo liza kililiruri ku; mi ma ope ’ba ku; mi ma a’i afa fele ’ba ti razuri ku, a’disiku afa fele ’ba ti razuri ’ba onduaruri ma mile obi ci, azini eri ’ba kililiruri ma e’yo ’yoza oja inzoru. 20#Azi 4:1Mi ma bi e’yo ovupi kililiru adadari ma vuti, mi ma ovu ani idriru, ma a’i angu Yehova Mungu minirini fele mi driri awurusoru beni. 21#Efu 34:13; Lip 3:7; 1 Opi 14:15; 16:33; 2 Opi 17:16; 21:3; 2 Sur 33:3Mi ma isi pati inzile inzi Aseraruri pari edeta edezu Yehova Mungu minirini mini ngale edele mi driri ma ageia aluani ku, ka pati suruti ngoni ngori ti. 22#Lev 26:1Mi ma edre afa inzile inzi pa sopi piriru, Yehova Mungu minirini ngule onziri aluni ku.

Currently Selected:

Azita Amvizu 16: LB66

Highlight

Copy

Compare