2 Opi 7

1 # Efu 8:23; Yos 3:5; Zab 46:1 Te Elisa nga ’yo kini, Mi eri e’yo Yehovani ’yoleri: Yehova ’yo ’dini, Dru etu ’dipi, yi nga anyafura amvizaru afazu alu je sekeli alusi, azini yi nga anya aziniri afazu iri je sekeli alusi, kalitile Samariaria. 2#2 Opi 5:18; E’do 7:11; 8:2; Mal 3:10; Azi 3:27; Ebra 3:17Ambo asikarini opini otipi dri inisiri nga ’yo ’ba Munguni ma tia kini, Mi ne, Yehova ka ’bu ma tile zi, e’yo ’diri eco eceazu ’dini ra ya? Te eri ’yo, Mi nga e’yo nderi ne mi milesi, te mi ngani eri nya ku. 3#Lev 13:46; Kal 5:2; Azi 24:8, 9; 2 Opi 5:27; Luk 17:12’Ba ofuni nyale su ’diyi yi adri ovu kalitile ’bani fizuria; yi ’yo yi ma eselia, Ama ri ’doa ’dani kpere amani draria a’disi ya? 4#Esi 4:16; Luk 15:17-19Ama ka ’yo, Ama nga fi akua, abiri amboru tu ovu akua ’dale indi, ama nga odra ’daa; te vuni ama ka ri ’doa ’dani, ama nga odra indio Ka’dini ama mu, ama ma fe ama asikari ongulumuru Suriaa ’diyi dri; yi ka nga ama ku ra ama nga ovu idriru, te yi ka nga ama ofu ra ama nga odra ra. 5Yi nga enga angu trasi muzu pari ’ba Suriaa ’diyini hema asozuria; te yi ka ca pari ’ba Suriaa ’diyini hema asozuri ma tia, mi ne, ’ba aluni ’daa yo. 6#Lev 26:36; 2 Sam 5:24; 2 Opi 3:23; 19:7; Yob 15:21; Eze 10:5; Eceza 6:15, 16; 1 Opi 10:29A’disiku Yehova fe asikari ongulumuru Suriaa ’diyi gari pi ma awu erizu akanya pie, asikari ongulumuru amboru pie, ’dini yi ’yo yi eselia kini, Emi ne, opi Israeliniri je opi Hitini piyi opi Misiria ’diyi be emuzu ama dria. 7#Yob 18:11; Zab 48:4-6; 53:5; O’be 28:1; Yer 48:8, 9E’yo ’disi yi enga, yi nga apa angu trasi, yi ku hema yini pi, i akanya yini pie, akanya farasiru pie’i yi ku pari nderi dria ekile erini ovulerile, yi apa idri yini ma ta mbazu. 8’Ba ofuni nyale ’diyi ka ca pari yini hema asozuri ma tia, yi nga fi bema alu alia, yi nga nya, yi nga mvu, yi nga dahabu pi oji, mele pie, bongo pie, yi nga mu yi ozizu; ’di ma vutia yi mvi fi hema azini alia, yi ’du afa ’dale ’diyi indi, yi mu yi ozizu.

9 # Fil 2:14; 2 Pet 1:19; Esi 9:17; Isa 41:27; Nah 1:15; Kal 32:23 Yi nga di ’yo yi eselia, Ama ’yeni onyiru ku. Andru eri o’du o’duko onyiruri ekuzuri, te ama ovu ciri; ama ka te ecazu etuni efuria, panga e’yo onziniri nga ama isu; e’yo ’disi curu’do emi emu, ama ma mu e’yo olu ’ba opi ma akua ’diyi dri. 10’Dini yi nga eca, yi nga ’ba aku agei tepi ’diyi omve, nga ’yo yi tia kini, Ama ca pari ’ba Suriaa ’diyini hema asozuria, te emi ne, ’ba ’daa aluni yo, o’duko ’bani vini ’daa yo indi, te akanya piyi ovu o’izaru akanya farasiru pie, azini hema yi ovu ekile yini ovule okorile. 11’Ba aku agei tepi ’diyi nga oyu, yi nga e’yo nderi ’yo ’ba opi vile joa ’diyi tia. 12Te opi nga enga inisi, ’yo ati’ba erini ’diyi tia kini, Curu’do ma nga e’yo ’ba Suriaa ’diyini ’yele ama vusiri ece emi dri, Yi ni ama ovu abirisi; e’yo ’disi yi fu pari yini hema asozuriasi, yi ozi yi asea, ’yozu kini, Yi ka nga efu akuasi, ama nga yi obi mile be, ama nga fi aku nderi ma alia beni. 13’Ba alu ati’ba erini ’diyi eseliari ’yo kini, Kirikiri, mi fe ’ba azini ma ’du akanya towi acepi akua ’diyi ma eselia-mi ne, ’ba ongulumuru Israelini acepi aku alia ’diyi, mi ne, yi nga ovu ekile ’ba ongulumuru Israelini odrapi ’bo ’diyile-ama ma pe ’ba ti nezu. 14E’yo ’disi yi ’du gari iri akanya be, te opi nga ’ba ti pe ’ba Suriaa ’diyi ma vutisi kini, Emi mu ne. 15Yi mu yi ma vutisi cazu kpere Yoridania; te mi ne, geri dria ga tre bongo pisi afa azini ’diyi be ’ba Suriaa ’diyini o’bele yini nzuriari. Te ojio ’diyi nga emvi olu opi tia. 16#Kal 23:19; Zab 89:2; 119:89; Isa 40:8; 44:26; Mat 24:35; Mar 13:31; 1 Kor 1:9; 1 Tes 5:24; 1 Pet 1:25’Ba ’diyi fu ra, yi ari afa pari ’ba Suriaa ’diyini hema asozuria ’diyi. ’Dini yi nga anyafura amvizaru afazu alu je sekeli alusi, azini anya aziniri afazu iri sekeli alusi indi, ekile e’yo Yehovani ’yolerile. 17#Azi 32:35-40; 2 Opi 6:32; 2 Sur 36:16; Yob 21:28-30; Zab 31:17, 18; O’be 13:13; Isa 5:24; Luk 10:16; 1 Tes 4:8; Ebra 10:30, 31; Yud 1:14, 15Opi nga ambo asikarini eri otipi dri inisiri pe kalitile agei tezu; ’ba ongulumuru nga otu eri ma driasi kalitilia, ’dini eri nga dra ra, ekile ’ba Mungunini ’yole aje erini esiria va eri vusirile. 18#2 Opi 7:1Eri eca ’dini ekile ’ba Mungunini ’yole aje opi tiarile, kini, Dru ekile ’etu ’dipile, yi nga anya aziniri afazu, iri je sekeli alusi, azini anyafura amvizaru afazu alu sekeli alusi indi, kalitile Samariaria, 19te ambo asikarini omvi e’yo ’ba Munguniri ma tia kini, ne, Yehova ka ’bu ma tile zi, e’yo ambo ’dopi ’doniri eco ecazu ’doni ra ya? Te eri ’yo, Mi nga e’yo ’nderi ne mi milesi, te mi ngani eri nya ku. 20#Kal 20:12; Yob 20:23; Yer 17:6; Ebra 3:18Eri eca ’dini eri vu; te ’ba ongulumuru otu eri driasi kalitilia, eri nga dra ani ra.

Currently Selected:

2 Opi 7: LB66

Highlight

Copy

Compare