2 Opi 4

Odu awuziouni

1 # 1 Opi 20:35; 2 Opi 2:3-7; Efu 21:2; Lev 25:39; Azi 15:12-18; Neh 5:1-13; Yer 34:8-18; Mat 18:25 Nabimva alu ma oku wu Elisa vu kini, Ati’bo mini agupi mani dra ’bo; te mi ni ra ati’bo miniri ru ndra Yehovani, te agu amani mari nyale eri vuri eca di anzi mani iri ’diyi o’duzu ovuzu ati’baru. 2#1 Opi 17:12Elisa nga ’yo eri tia kini, Ma nga mini a’di ’ye ya? Mi ece ma dri; mi ovu a’di afa be mi vile joa ya? Eri omvi kini, Ati’bo okuru mini ’dori ovuni afa be joa ku, pe kiri lubu odu beri’i. 3#2 Opi 3:16Eri nga di ’yo, Mi mu ’ba mi aku ejelea ’diyi vu dria imvu a’izu, adam imvu pirini ’diyi kakau. 4Mi ma fi jo minia, mi ma opi jotile mi vu agianzi mini be, mi ma osu odu imvu nde ’diyi alia dria; te imvu gapi ’bori; mi ma ’ba yi kalaa. 5’Dini eri ku eri ra, eri mu jotile opi i vu anzi ini be; yi nga imvu eji eri vu, te eri osu odu alenia. 6#Mat 14:20Eri nga eca ’dini, imvu nde ’diyi ka ga tre ’bo eri ’yo i mvi tia kini, Mi eji ma dri imvu azini. Te eri nga omvi kini, Imvu azini yo. Te odu ku di rakokoru ja. 7#Rum 13:8Te eri nga emu e’yo nde ece ’ba Munguniri tia. Eri ’yo ra kini, Mi mu odu nde fe ozi mari miniri ofezu, azini jolokoni acepirisi mi nga ani emi ta mba anzi mini be.

Elisa pi oku Sunemuari be

8 # Yos 19:18; 1 Sam 28:4 Eri eca ’dini, o’du alu Elisa mu Sunemua, ’dale oku adiayaru indi, eri omi eri nyaka nyazu. ’Dini o’du dria erini agazu ’dalerisi, eri oja i fizu nyaka nyazu. 9#O’be 31:10, 11Eri nga ’yo agupi ini ria kini, Mi ne curu’do, ma ni agu ’do agapi ’doasi o’du driari eri ’ba alatararu Munguni. 10#Mat 10:41, 42; 25:40; Rum 12:13; Ebra 13:2Ma zi mi ria, ama ma ede jo lazu were eri dri jo dria, ama ma ’ba ’dale eri dri gbolo, mesa pie, oguna pie, tala pie, ’dini eri ka nga eca ama vu eri nga emu fi ani. 11O’du azinisi eri nga ca ’daa, eri oja i fizu jo nderi alia, eri la ’daa. 12Eri nga ’yo Gehazi ati’bo ini ma tia kini, Mi omve oku Sunemua ’diri. Eri ka eri omve ’bo, eri so pa eri drilia. 13Te eri nga ’yo Gehazi tia kini, Mi ’yo eri ria ’dini, Mi ’ye e’yo ’diyi dria ama dri mi drisi ’bo, ’ba yi nga mi dri a’du ’ye ya? Mi le ama ma ’yo e’yo mini opi tia, kani ambo asikari ongulumuru driliari ma tia ya? Eri omvi e’yo kini, Ma ovu suru ma ngulupini ma eselia. 14Te eri nga ’yo ra, Ka’dini ama nga eri dri a’du ’ye ya? Te Gehazi nga ’yo, Adaru, eri ovuni mva be ku, azini agupi erini ovu mbazauni. 15Elisa ’yo ra, Mi omve eri. Eri ka eri omve ra, eri so pa jotilea. 16#E’do 18:10, 14Te Elisa nga ’yo eri tia, Mba ’dorisi eli ecapirisi, mi nga mva bi mi dria. Eri nga e’yo omvi, ’Dini yo, opi mani ’ba Munguni; mi li inzo ati’bo okuru miniri dri ku. 17Oku nderi nga ’a isu, nga agupimva osi mba nde eli emupirinisi, ekile Elisani ’yole eri tiarile.

18Te mva nderi ka zo ra, o’du azinisi eri fu mu ati vu ’ba anya lopi ’diyi ma eselia. 19Eri ’yo ati ini tia kini, Ma drini ye! Ma drini ye! Ati ’yo ati’bo tia, Mi ji eri andri vu. 20Erini eri ’duria jiria andri vu ’boria, eri ri andri ma li dria cazu etu agaa, eri nga di dra ra. 21Eri nga eri ji uru, nga eri la gbolo ’ba Mungunirini dria, eri nga jotile opi eri vu ci, nga efu ra. 22Eri nga di agupi ini omve, nga ’yo kini, Ma matu ’ba mi vu, mi pe ma dri ati’bo alu akanya beri ma ti, ’dini ma ma nzu ’ba Munguni vu, ma ma emvi ani beni. 23Eri nga omvi kini, Mi le mu eri vu andru a’di e’yosi ya? Eri ovuni mba o’dini ku, sabatoni ku indio Oku nga di ’yo, Eri onyiru. 24Eri nga di enyiriko ’ba akanya ngukua, eri ’yo ati’bo erini ma tia kini, Mi dro eri agazu drile ’dani, mi fe ama nzu e’yere ku, kiri ma ka ’yo i ma’i. 25#2 Opi 2:25’Dini eri mu ra, eri eca oni Karimelia agu Munguni vu. Eri nga eca ’dini, ’ba Munguni ka eri ndre ziri, eri ’yo Gehazi ati’bo ini ma tia kini, Mi ne, ’dale oku Sunemuari’i; 26ma ’yo mi tia, mi nzu dri fuzu eri be, mi ’yo eri tia, Mi onyiru ya? Agupi miniri onyiru ya? Mi mvini onyiru ya? Te oku nderi omvi e’yo kini, Yi onyiru. 27#Mat 15:23; 1 Sam 1:10Te eri ka eca ’ba Munguni vu oni dria ’bo, bi eri ma pa. Te Gehazi esi i ogogo eri zezu. Te ’ba Munguni ’yo kini, Mi ku eri ja, a’disiku asi eriniri candi be tu; te Yehova zi e’yo nderi mani ra, eceni ma dri ku. 28Oku nga di ’yo ra, Ma a’ini ndra mva opi mani dri ku ya? Ma ’yoni ndra ku, Mi ici ma ku, ’dini ku ya? 29#1 Opi 18:46; 2 Opi 9:1; Luk 10:4; Efu 7:19; 14:16; 2 Opi 2:8, 14; ’Yeta 19:12Te Elisa nga ’yo Gehazi tia kini, Mi anzu mi opileni, mi ’du kali mani mi dria, mi ’du geri mini. Mi ka dri fu agu be mi zi eri ku; agu ka mi zi mi ’Omvi e’yo ku; mi ala kali maniri mva onde ma andretia. 30#2 Opi 2:2Te mva andri nga ’yo ra, Ekile Yehovani ovule indirile, azini ekile orindi minini ovule indirile, ma ngani mi ku ku. Elisa enga ra, bi eri vuti. 31#Yoh 11:11Te Gehazi aga yi drilia, eri ala kali nde mva ma andretia, te o’duko aluni yo eriza yo indi. E’yo ’disi eri mvi dri fuzu eri be, ’yo eri tia kini, Mva oruni o’duasi ku.

32Te Elisa ka fi joa ’bo, eri ne mva avuni laria gbolo eriniri dri, 33#Mat 6:6; 1 Opi 17:20; Yak 5:16Te eri fi ra, eri opi jotile yi vu i tro, eri zi Yehova tia. 34#’Yeta 20:10Eri tu a’bu mva nde dria, ’ba ti ini eri ma tia, mile ini eri ma milia, dri ini eri ma dria, eri a’bu i eri ma dria, te ru erini nga ’ba eca drizaru. 35#1 Opi 17:21; 2 Opi 8:1Eri nga di enga ra, aci ’dole ’dale jo ali pale alu, eri nga tu i a’buzu eri dria mva nga omvu co pale aziri, nga mi zi ra. 36Te Elisa omve Gehazini ’yo kini, Mi omve oku Sunemua ’diri. Eri omve eri ani. Eri ka eca eri eri ’yo, Mi ’du mva miniri. 37#Ebra 11:35Teri nga efi ra, eco i va Elisa ma pala, avu va nyakua; te eri ’du mva in nga fu ra.

Tali Elisani ’yele nabi ma aza kozu ’diyi

38 # Luk 10:39; ’Yeta 22:3 Te Elisa nga eca dika Giligali ewu likini ovuzu angu nderiarisi Nabianzini oriria eri ma drilia, eri ’yo ati’bo erini ma tia kini, Mi ’ba imvu amboru aci dria, mi a’di tibi nabianzi dri. 39#Mat 7:16’Ba alu nga fu mu asea tibi ogbazu, eri isu olujo rapi aseari, eri ti efini bongo erini alia tre eri emu afa nde ’diyi oli tibi imvuari ma alia, nini yi a’di afani yari ku 40#Efu 10:17Te yi osu eri ’ba dri nyazaru. Eri nga eca ’dini yini tibi nde nyaria, owu kini, ’Ba Munguni la, dra ovu imvu nderi alia! Yi econi nyaka nderi nyazaru ku. 41#Efu 15:25; 2 Opi 2:21; 5:10; Yoh 9:6Eri nga ’yo, Ka’di ni emi eji anyafura. Eri nga osu imvu alia, eri ’yo kini, Emi osu eri ’ba dri yi ma nya ani. Te imvu nderi alia afa onzi yo.

42 # 1 Sam 9:4; 1 Kor 9:11; Gal 6:6 Agu alu engapi Baali-salisaar eca, eri eji ’ba Munguni dri enyi anyadriru okori pi, mikate kali iri anyaui pie, kaka aro pie, jurua erini alia. Elisa nga ’yo kini, Mi fe ’ba dri yi ma nya. 43#Luk 9:13; Yoh 6:9Te ati’bo erini ’yo ra, Ka ka! Ma eco ’di fezu ’ba turi ’diyi dri ngoni ngoni ya? Te eri ’ye dika, Mi fe ’ba dri, ’dini yi ma nya disa’iku Yehova ’yo ’dini kini, Yi ngi nya, nga jolokoni ku ci beni. 44#Mat 14:20; 15:37; Yoh 6:13; E’do 18:14; Yer 32:17; Zek 8:6; Mat 19:26; Luk 1:37’Dini eri ’ba eri yi drilia, te yi nya ra, ku jolokoni ekile Yehovani ’yolerile.

Currently Selected:

2 Opi 4: LB66

Highlight

Copy

Compare