Popular Bible Verses from 2 Opi 4

Share

Elisa nga ’yo eri tia kini, Ma nga mini a’di ’ye ya? Mi ece ma dri; mi ovu a’di afa be mi vile joa ya? Eri omvi kini, Ati’bo okuru mini ’dori ovuni afa be joa ku, pe kiri lubu odu beri’i.

Nabimva alu ma oku wu Elisa vu kini, Ati’bo mini agupi mani dra ’bo; te mi ni ra ati’bo miniri ru ndra Yehovani, te agu amani mari nyale eri vuri eca di anzi mani iri ’diyi o’duzu ovuzu ati’baru.

Eri nga di ’yo, Mi mu ’ba mi aku ejelea ’diyi vu dria imvu a’izu, adam imvu pirini ’diyi kakau.

Mi ma fi jo minia, mi ma opi jotile mi vu agianzi mini be, mi ma osu odu imvu nde ’diyi alia dria; te imvu gapi ’bori; mi ma ’ba yi kalaa.

Eri nga eca ’dini, imvu nde ’diyi ka ga tre ’bo eri ’yo i mvi tia kini, Mi eji ma dri imvu azini. Te eri nga omvi kini, Imvu azini yo. Te odu ku di rakokoru ja.

Te eri nga emu e’yo nde ece ’ba Munguniri tia. Eri ’yo ra kini, Mi mu odu nde fe ozi mari miniri ofezu, azini jolokoni acepirisi mi nga ani emi ta mba anzi mini be.

’Dini eri ku eri ra, eri mu jotile opi i vu anzi ini be; yi nga imvu eji eri vu, te eri osu odu alenia.

Eri tu a’bu mva nde dria, ’ba ti ini eri ma tia, mile ini eri ma milia, dri ini eri ma dria, eri a’bu i eri ma dria, te ru erini nga ’ba eca drizaru.