1 Samueli 2

Ongo Hanani

1 # Luk 1:46-55; Fil 4:6; Zab 9:14; 13:5; 20:5 Te Hana zi ra kini, Asi mani ovu ayikosi Yehova ma alia;

o’yu mani enga i uru Yehova ma alia.

Ma tile zi i ari’ba mani agazu, a’disiku ma ovu ayikosi pata miniri ma alia.

2 # Efu 15:11; Isa 6:3; 57:15; Azi 4:35; Zab 73:25 ’Ba alatararu ekile Yehovaleni aluni yo, aziniri yo pe lu mi’i;

oni kataru azini ekile Mungu amanirile yo.

3 # Mal 3:13 Emi ’yo e’yo afusi tu ’ dini dika ku,

emi fe e’yo dri mbaruri ma efu emi tilia dika ku;

Yehovani ovule Mungu e’yo nipirisi, azini eri o’bi ’yeta ma nziza ra.

4Osu’ba okporu’diyini onyoyi’bo, azini ’ba ’yepi e’depi ’diyi isu okpo bo.

5 # Luk 1:53; Zab 113:9; Isa 54:1; Gal 4:27 ’Ba ovupi ndra trazaru ’diyi ndru azi ngazu nyaka isuzu,

te ’ba ovupi ndra abirisi ’diyi, asi yini ri e’yere ’bo Ada,

’ba ondoruri ti aziri, te eri’i ezupi treri, okpo erini de ra.

6 # Azi 32:39; Yob 5:18; Hos 6:1; Yoh 5:25-29; 11:25, 26; Eceza 1:18 Yehovani ’ba fu ra, azini eri ’ba ’ba idriru dika;

eri ’ba ofi ’bile drataniria, azini eri ’ba ofu uru indi.

7 # Yob 1:21; 5:11; Zab 102:10; 75:7 Yehovani fe ’bani ovuzu alioru, te eri fe ’bani ovuzu afa e’iru indi;

eri ’ba omvi ele, azini eri ’ba enga uru indi.

8 # Dan 4:17; E’do 41:14; 1 Sam 15:17; Yob 36:7; Yak 2:5; Eceza 1:6; 3:21; Ebra 1:3 Eri ’ba alioru enga uru irifuraarisi ra;

eri ’ba ovupi afa akosi ’diyi enga uru okurunya aliarisi ra,

yi fezu rizu opianzi pie tualu, azini oguna dizaniri isuzu awita yiniru.

Te nyaku ma idiafe yi ovu afa Yehovani, azini eri ’ba wudrikuru drinia.

9 # Zab 91:11; 1 Sam 14:6 Eri nga ’ba alatararu ini ’diyi ma pa ta mba ra;

te eri nga ’ba onzi ’diyi ma ti obi ciri angu iniria;

’ba aluni ngani aga okposi ’de ku.

10 # Zab 96:13 ’Ba abala ’bapi Yehova be ’diyi nga yi onyo nyingiriki ra;

eri nga angu noza ’buari fe omba ’bazu yi be.

Yehovani nga nyaku ma kalati asizuri ma e’yo lini;

eri nga vini okpo fe opi amboru eriniri dri ra,

eri nga o’yu ’ba enrini odu osuzu driniarini enga uru indi.

11 # 1 Sam 3:1 ’Dini Elikana mu i vile joa Ramaa.

Te mva nderi nga azi nga Yehova dri atalau Eli ma milia.

E’yo onzi Eli anzipini

12 # Azi 13:13; Rum 1:28 Te anzi Elini ’diyi ovu anzi e’yo ’yepi saaru ’diyi; yi nini Yehovani ku. 13E’yo atalau edeta edepi ’diyini adrile ’yele ’ba vu ’diyi yi ’dini: ’ba alu ka afa fe edetaru, ati’bo atalau edeta edepiriniri adri emu, zani a’diria, aya si be na za sozuri be i ma dria, 14eri so eri awala alia, kani otekua alia, kani otaka alia, kani imvu a’duru alia; atalau edeta edepiri adri za dria aya si be na za sozurini enzele amveri ’du i ngulupiniru. Yi ’ye ’dini Siloa ’ba Israelini emupi ’daa ’diyi vusi dria. 15Te ’di, de nga yi veni oso ku, ati’bo atalauni emu ’yo ’ba edeta nde fepiri ma tia kini, Mi efeza atalau dri ozozaru; a’disiku eri ngani za a’dizaru a’i mi dria ku, te ibiruri’i. 16Azini ’ba nde ka ’yo tinia, Te yi nga oso ve okorisi, vutinia mi ’du mi asini lelerile; eri nga di ’yo kini, Yo, te mi nga eri fe ma dri curu’do mi’i; te ka’dini ku, ma nga eri’du okposi ma’i. 17#E’do 6:11; Mal 2:8; Rum 2:24’Dini azi onzi karile nde ’diyini ovu ndra Yehova ma milia amboru tu; ’ba nde ’diyini afa feza fele Yehova driri ’bale aparakarurisi.

18 # Efu 28:4 Te Samueli nga azi Yehova ma milia, erini ovuria mvaru, eri su bongo mile be nyiriari i ruaa. 19Azini indi andri erini adri eri dri bongo ganaru ci, eri adri eji eri dri eli vusi eli vusi, erini emuria agupi erini be afa edeta eli vusiri ederia. 20Eli fe asi ndriza Elikana pi dri oku erini be ra, ’yozu kini, Yehova ma fe oku ’dori dri anzi tizu mi dri, aziza erini azile Yehova ma tiarisi. Yi mu di yi vile akua. 21#E’do 21:1; Luk 2:40Te Yehova emu Hanani andri, eri isu a, ti agupianzi na, ezoanzi iri. Te mva Samueli zo Yehova ma milia ra.

22Te Eli ovu de mbazauru, azini eri eri e’yo dria i anzipini ’yele ’ba Israelini dria vu ’diyi ra, azini e’yo yini adrizu olazu oku azi ngapi hema ti ecizaniri ma tilia ’diyisiri indi. 23Te eri ’yo yi ma tia, Emi e’yo,’dilile ’diyi ’ye a’disi ya? Ma eri ’ba ’diyi vu dria e’yo onzi emini ’yele ’diyi. 24Yo, anzi mani; te e’yo kuza mani erileri ovuni onyiruni ku; emi fe ’ba Yehovani ’diyini azi onzi i ’yezu. 25#Kal 15:30; Azi 2:30; O’be 15:10; Yoh 12:39, 40’Ba alu ka azi onzi ’ye i agyi vu ra, Munguni nga e’yo erini li ra; te ’ba alu ka e’yo onzi ’ye Yehova vu, a’dini di nga e’yoni ama erinini ya? Te ti, yi erini yi ati ma ti ku, a’disiku e’yo Yehovani lele ’yeleri ovu yi ofuzu. 26#Luk 2:52; O’be 3:4; Luk 2:40; ’Yeta 2:47; Rum 14:18Te Samueli mva nderi zo ’dani e’yo erini ovu onyiru Yehova ma milia, ’ba ma milia indio 27#1 Opi 13:1; Efu 4:14’Ba Munguniri nga emu Eli vu ’yo tinia kini, Yehova ’yo ’dini kini, Ma e’da ndra ma ngulupi suru mi a’bipini dri, yini ovuria Misiria ombezaru suru Farauni ma eselia ra ya? 28#Efu 28:1-4; Lev 7:35-36; 2:3Azini ma pe ndra eri engazu suruti dria Israelini ’diyi ma eselia ovuzu atalau maniru, tuzu pari edeta edezu maniria, obiese vezu, koti alinari suzu ma milia ra ya? Azini ma fe ndra suru mi a’bipini dri afa feza dria anzi Israelinini edele acisi ’diyi ra ya? 29#Azi 32:15; Mal 1:12; Azi 12:5Ka’dini mi otu afa fele ma dri edetaru ’diyi pasi a’di e’yosi ya, afa fele ma dri ’diyi pie mani yi azile angu mania ’diyi, te mi inzi anzi mini aga ma ra, emini a’buzu afa feza onyiru agapi ra anzi mani Israelinini fele ’diyisi? 30#1 Sur 15:2; Yer 18:9; Zab 18:20; 91:14; Yoh 5:44; 12:26; 1 Pet 1:7; Kal 11:20; 2 Sam 12:9, 10; Mal 2:9E’yo ’disi Yehova Mungu Israeliniri ’yo ra kini, Ma ’yo ndra adaru kini, Suru mini, azini suru mi a’bipini, yi ma aci ma milia ’dani ’dani; te curu’do Yehova ’yo ra kini, E’yo ’diri ma ovu ma be re; te ’ba ma inzipi ’diyi ma nga yi inzi ra, te ’ba ma ’bapi aparakaru ’diyi, ma nga yi ’ba aparakaru indi. 31#1 Sam 4:11Mi ne, ewuni emu ’di mani ngazu mi wu lizu, azini suru mi a’bini ma wu indi, ’dini mbazau aluni ngani adri mi vile suru alia ku. 32#Zek 8:4Azini mi nga candi pari mani adrizu aleniarini ndre, lonyi Munguni ngale fele Israeli driri ma alia dria; azini mbazau aluni ngani adri suru mi vileri alia ku ’dani ’dani. 33Azini ’ba mini mani ngale nzele pari edeta edezu maniriarisi kuri, nga ovu ani mi mile asezu azini candi fezu mi asia; azini ’ba dria suru minirini ’diyi nga odra ra ewu yini adrizu karilerurisi. 34#1 Sam 4:11Azini e’yo ’ diri nga ovu ecetaru mi dri, e’yo nde ngapi ecapi anzi mini iri Hofini pi ma ruaa Finehasi beri: yi nga odra ra iri tro o’du alu ma alia. 35#1 Opi 2:35; 1 Sur 29:22; Ebra 2:17; 7:26-28; 2 Sam 7:11; 1 Opi 11:38; Zab 2:2Te ma nga atalau edeta edepi ovupi asi adaru beri enga ra, eri’i ngapi e’yo ovupi ma asiari pi ’yepi e’yo ma asisileari beri’i; ma nga suru depi kuri ede eri dri, azini eri nga aci ’dani ’dani ’ba mani odu osuzu driniari ma drilia. 36#1 Opi 2:27Te eri nga eca dini, ’ba jolokoru alu alu dria kule mi vile suru alia ’diyi nga emu, avuzu va eri vu dahabu efi pi a’izu enya olemi be, te yi nga ’yo kini, Ma matu ’ba mi vu, mi ’ba ma atalau edeta edepiri alu ma paria, ’dini ma ma nya enya were wereri ani beni.

Currently Selected:

1 Samueli 2: LB66

Highlight

Copy

Compare