1 Samueli 17

Daudini Goliatoni fuzori

1 # Yos 15:35; 2 Sur 28:18 ’Ba Filisitiaa ’diyi yi oku asikari yini ’diyi tualu muzu ombaa; yi oku yi Soko Yudaniria, yi aso hema yini Soko pi ma eselia Azeka be, angu Efesi-damimuaria, 2Te Saulo pi ’ba Israelini be yi oku yi tualu, yi aso hema yini e’bu Elaniria, yi oti yi omba ’bazu ’ba Filisitiaa ’diyi be. 3Te ’ba Eilisitiaa ’diyi yi oso pa oni dria kala aluria, azini ’ba Israelini ’diyi yi oso pa oni dria kala aziniria, azini yi ma eselia e’bu ci. 4#2 Sam 21:19; 1 Sur 20:5; Yos 11:22; 2 Sam 21:22; 1 Sur 8:13; 18:1; 20:8; 2 Sur 26:6; Amo 6:2Azini ombaou alu efu pari asikari Filisitiaa ’diviniriasi, runi Goliato’i, eri ’ba Gatuni, oconi wuale azia driale alu be. 5Azini su biri ayaruri i ma dria, azini su afa suza ayaru ombani i ruaa ci, afa suza ayaru ombani ma nziza o’bizaru ovu sekeli alifu towi molani. 6Afa suza ombani ayaru ’diyi eri su i ma pa ojua ci, azini aju molaruri gbudri eselia. 7#2 Sam 21:19; 1 Sur 11:23Azini ajufe erini ovu ekile pati ’ba bongo capirinirile, azini aju eriniri ma si ma nziza ovu sekeli ayaru turu azia; agu alu afa ombani eriniri jipiri mu drilenia. 8#1 Sam 8:17; 1 Sur 21:3Eri so pa, eri otre ’ba Israelini vu, ’yo yi ma tia kini, Emi efu emi otizu ombaa ’dia a’di e’yosi ya? Ma ovuni Filisitini ku ya, azini emi ovuni ati’ba Sauloni ku ya? Emi pe emini ’ba alu, emi fe eri ma esi ma vu. 9#1 Sam 11:1Eri ka eco a’di ’dizu ma be ma fuzu ra ka’dini ama nga di ovu ati’ba emini; te ma ka eri aga ra, ma ka eri fu ra, ka’dini emi nga di ovu ati’ba amaniru azi ngazu ama dri. 10#Kal 23:7, 8; 2 Sam 21:21; Neh 2:19Azini agu nde Filisitiaari kini, Ma drinza fe ’ba Israelini dri andru; emi efe mani ’ba alu ama ma ’di a’di eri be. 11Saulo pi ’ba dria Israelini ’diyi pie yi ka e’yo agu nde Filisitiaarini ’yoleri eri ’bo, yi ru ci, yi ovu urisi ambo.

12 # Rut 4:22; 1 Sam 16:1, 18; E’do 35:19; 1 Sam 16:10, 11; 1 Sur 2:13 Isu Daudi ovu ’ba Efraimuni ovupi BetelehemuYudaa, runini ovuzu Yese’i, ovupi agupianzi be arori ma mvi. Ewu Saulonisi agu nderi de di mbazauru eli be kakau ’ba ma eselia. 13#1 Sam 16:6; 1 Sur 2:13Anzi Yeseni na osipi oko ’diyi bi Saulo ma vuti ombaa; anzi erini na mupi ombaa nde ’diyi yi ma ru Eliabu mva osipi okori, azini osipi eri ma vutiari Abinadabu’i, azini nari Sama’i. 14Isu de mva osipi vileri ovu Daudi’i; te na osipi oko ’diyi bi Saulo ma vuti, 15te Daudi mu engazu Saulo vu, eri mvi dika dika i ati ma kabilo ocezu Betelehemua. 16Agu nde Filisitiaari eri esi inyia o’biti be, ondre be, e’da i ’dini o’du kali su.

17Te Yese ’yo i ma mvi Daudi ma tia, Mi ’du anya ozozaru abaka, alu ’diri, ji mi adripi yi dri enya olemi mudri ’diyi be, mi ji mbele mi adripi yi vu pari yini hema asozuria; 18#E’do 37:14mi ’du vini lesu kuza mudri ’diyi jizu ’ba asikari alifu ma dri cepi yiniri dri. Mi ndre mi adripi yi kani onyiru yani, azini mi eji eceta yini indi.

19Isu de Saulo, yi pie, azini ’ba Israelini dria ’diyi pie, yi ovu de e’bu Elania a’di ’diria ’ba Filisitiaa ’diyi be. 20Te Daudi enga o’biti drio drio, eri ku kabilo ’ba yi ocepiri vu, te eri ’du afa nde, eri mu ekile Yeseni azile eri ma tiarile; eri emu pari ’bani hema asozuria asikari ongulumuru yini furia ombaria, yini vini cere ’beria. 21Isu de ’ba, Israelini ’ba Filisitiaa ’diyi pie yi oti yi omba ’bazu, asikari ongulumu alu oti yi asikari ongulumu aziniri be. 22Te Daudi ku afa ini agu afa ta mbapiri dri, te eri nzu asikari vu ’dale, eri eca, eri zi i adripi yi ci ci. 23#E’do 43:27; Lip 18:15Erini o’yoria yi pie, mi ne, agu alu nde ’ba Filisitiaari, ’ba Gatuni runi Goliato’i, eri efu engazu asikari Filisitiaa ’diyi ma eseliasi ra, eri ’yo e’yo ekile okorile. Te Daudi eri e’yo nde ’diyi ra. 24Te ’ba Israelini dria ka agu ’diri ndre ra, yi apa ra, uri amboru bi yi ra. 25#Yos 15:16’Ba Israelini yi ’yo kini, ’Emi ndre agu efupi etupi ’diri ra ya? Ndi eri emu drinza fezu ’ba Israelini ’diyi dri; te eri nga ovu ’dini, agu eri fupiri, opini nga fe eri ma ovu afa e’iru lonyi kakau be, nga i ma zi fe vini eri dri okuru, eri nga fe vini ati ma ori’ba ma ovu kari’baru Israeli ma eselia. 26#1 Sam 11:2; 14:6; Azi 5:26; Yer 10:10Te Daudi ’yo ’ba pa sopi eri ageia ’diyi ma cia kini, Yi nga a’di ’ye ’ba agu Filisitiaa ’diri fupiri dri, erini drinza wule Israeli driarisi ya? Te agu Filisitiou agele liza a’ipi ku ’diri eri a’dini ya, erini drinza fezu asikari ongulumuru Mungu idrirurini ’diyi dri ya? 27Te ’ba nde ’diyi yi omvi e’yo eri ma tia, ’yo kini, Yi nga ’ye ’ba eri fupiri vu ’dini.

28 # E’do 37:4; O’be 18:19; 27:4; Ekl 4:4; Mat 10:36; 27:18; Mar 3:21 Te Eliabu, adri osipi okori, eri e’yo erini ’yoria ’ba nde beri ra; te Eliabu ovu adrasi Daudi be, eri ’yo, Mi esi va ’doa a’di e’yosi ya? Mi ku kabilo were nde ’diyi roko dria a’di be ya? Ma ni afu amboru mini, azini lokiri mi asiari; te mi esi ’doa ’dini mi nga ani omba ne beni. 29#O’be 15:1Te Daudi ’yo ra, Ma ’ye te nga curu’do ’dia a’dini? Kiri e’yo mani ’yole tisi ’diri ku? 30Te eri oja i ’ba azini vu, eri ’yo tekarile; azini ’ba nde ’diyi omvi e’yo tinia tekarile. 31Te ka e’yo Daudini ’yole ’diyi eri ’bo, yi olu e’yo ’diyi Saulo ma tia; te eri pe ’ba ti eri omvezu. 32#Kal 13:30; 14:9; Azi 20:1, 3; Isa 30:3; Ebra 12:12; 1 Sam 16:18Daudi ’yo Saulo ma ria, ’Ba alu ma asi ma oti eri ma e’yosi ku; ati’bo miniri nga mu a’di ’dizu Filisitiou ’diri be ra. 33#Kal 13:31; Azi 9:2Te Saulo ’yo Daudi ma tia, Mi econi mu omba ’bazu Filisitiou ’diri be, a’di ’dizu eri be ku; a’disiku mi mvaani, te gbu mvaasi ecazu andru omba si di eri ’bo. 34Te Daudi ’yo Saulo ma tia, Ati’bo mini mba kabilo i atini ma ta; te kami alu ka emu, kani nguru dubaru ka kabilomva alu ’du yi ma i eseliasi, 35ma fu mu eri ma vutisi, ma fu eri ra, ma pa kabilo tileniarisi ra; te erini engaria ma dria, ma bi eri tibia, ma co eri, ma fu eri ra. 36Ati’bo mini eri ofu kami pi nguru dubaruri be iri tro; te Filisitiou agele liza a’ipi ku ’diri nga ovu ekile yi ma alule, a’disiku erini drinza fele asikari ongulumuru Mungu idrirurini ’diyi dririsi. 37#1 Sam 7:12; Zab 18:16, 17; 138:3; 2 Kor 1:10; 2 Tim 4:17, 18; 1 Sam 20:13; 1 Sur 22:11, 16Daudi ’yo ra, Yehova ma papi kami pi ma pa agelea nguru be ’ diri, eri nga ma pa agu Filisitiou ’diri ma dria ra. ’Dini Saulo ’yo Daudi ma, tia, Mi mu, te Yehovani nga ovu mi be! 38Te Saulo osu Daudini afa ini ombani ’diyisi; eri ’ba oku molaru eri dria, azini osu eri afa suza ayaru ombani enrini ’diyisi indi. 39Azini Daudi su sei ini afa suza ’diyi ma dria, eri o’bi acizu ti, afa ’diyi sini nga eri ku. Te Daudi ’yo Saulo ma tia, Ma econi muzaru afa ’diyi be ku, a’disiku yi sini ma ngaku. ’Dini Daudi otru afa ’diyi i ma ruaarisi ra. 40Eri ’du i ma lote i ma dria, azini eri ope oni towi rua be onzokonzo yia ’diyi, o’ba yi jurua erini, erini ovuzu eri be kabilo ocezuri ma alia, adaru esele juruaniria; te eri ma dria baka oni ’bezuri indi, eri osi Filisitiou nderi vu ogogo. 41Te Filisitiou nderi osi emuzu ogogo Daudi vu, azini agu gombere ombani ojipiri mu drilenia. 42#Zab 123:4; 1 Kor 1:27, 28; 1 Sam 16:12Te Filisitiou nderi ka angu ndre ra eri ndre Daudini ra, eri onzo eri ra; a’disiku erini ovule mvaarurisi, eri ’ba eka walalaru, azini andretini ndri tu. 43#1 Sam 24:14; 2 Sam 3:8Azini Filisitiou nderi ’yo Daudi ma tia, Ma oceni ya, mini emuzu ma vu kalia beri? Azini Filisitiou tri Daudini i ma Mungu ma rusi. 44#1 Opi 20:10, 11; Yer 9:23; Eze 28:2-10; 39:17-20Te Filisitiou nderi ’yo Daudi ma tia, Mi emu ma vu, ma nga mi za fe aria ’bua ’diyi dri, azini anyapa asea ’diyi dri. 45#2 Sam 22:33, 35; 2 Sur 32:8; Zab 124:8; 125:1; O’be 18:10; 2 Kor 10:4; Fil 4:13; Ebra 11:33, 34Daudi nga di ’yo Filisitiou nde ma tia, Mi emu ma vu sei pie, aju pie, aju ambori pie; te ma emu mi vu Yehova asikari ongulumuruniri ma rusi, eri Mungu asikari ongulumu Israelini ’diyini, mini onzoleri’i. 46#Azi 28:26; Yos 4:24; 1 Opi 8:43; 18:36; 2 Opi 19:19; Isa 52:10Yehovani mi fe ma dri andru, ma nga mi fu ra, ma nga mi dri li ra; te ma nga vini avu asikari ongulumu Filisitiaa ’diyini ’diyi fe o’du andrurisi aria ’bua ’diyi dri, azini anyapa asea ’diyi dri; wudrikuru dria ma ni Mungu ovu Israeli ma eselia, 47#Zab 44:6, 7; Hos 1:7; Zek 4:6; 2 Sur 20:15azini ’ba yi okupi ’diyi dria ma ni kini Yehova opani ’ba seisi kani ajusi ku; a’disiku ombari Yehovani, te eri nga emi ofe ama dri. 48Eri nga eca ’dini, Filisitiou ka enga, ka emu i osizu inyia dri fuzu Daudi be, Daudi ’ye mbele mbele eri nzu asikari ongulumuru ombani ’diyi vuleru, muzu dri fuzu Filisitiou nderi be. 49Daudi su i ma dri jurua eriniri ma alia, e’du oniefi alu, eri ’ba eri baka alia, ’be eri, ri Filisitiou nderi ma andretia; oni fi andretinia vuu, eri e’de o’bukuru va nyakua ani.

50 # 2 Sam 21:19; 23:21; 1 Sam 21:9; Lip 3:31; 15:15 ’Dini Daudi aga di Filisitiou nderi oni alusi azini baka oni ,’bepirisi, eri ’be Filisitiou nderi, fu i eri ra; te isu Daudi ma dria sei yo. 51#1 Sam 21:29; Ebra 11:34’Di ma vutia Daudi nzu mu tu Filisitiou ma dria, azini bi sei erini, enze eri okporo aliarisi ra, fu eri ra, li eri ma dri ra. ’Ba Filisitiaa ’diyi ka ndre ’ba yini okporuri dra ’bo, yi apa ra. 52#Yos 15:36Te ’ba Israelini azini ’ba Yudani ’diyi yi enga ra, yi otre, yi dro ’ba Filisitiaa ’diyi kpere Gatua azini kalitile ’bani fizu Ekironia ’diyia. Azini ’ba Filisitiaa ebi be ’diyi yi o’de geri muzu Saaraimuari tia cazu kpere Gatua, azini cazu Ekironia. 53Anzi Israelini atri di dri, yini ’ba Filisitiaa ’diyi drozuri ma ’vutia, yi opa afa hema yinia ’diyi ra, 54Daudi ’du Filisitiou nde ma dri ra, eji eri Yerusalemua; te eri ’ba afa suza ombani eriniri hema erini alia. 55#1 Sam 16:21, 22Saulo ka ndre Daudi mu Filisitiou nde ma dri aruzu, eri ’yo Abineri ’ba asikari ongulumuru ’diyi dri cepiri ma tia kini, Abineri, mva i’diri a’di ma mvi ya? Abineri kini, ’Ekile orindi minini ovule idrirurile, opi la, ma nini ku. 56Te opi ’yo ra, Mi zi nga karilau nde a’di mamva ya. 57Daudini emviria engazu Filisitiou nderi fuzuri ma vutia, Abineri ’du eri ra, ji eri Saulo ma drilia Filisitiou nderi ma dri be i ma dria. 58#Rut 4:22; 1 Sur 2:13-15; Isa 11:1, 10; Mat 1:6; ’Yeta 13:22; Rum 15:12Te Saulo ’yo tinia, Karilau, mi a’di ma mvi’i ya? Te Daudi omvi e’yo ’yo kini, Ma ati’bo mini Yese ’ba Betelehemuari ma mvi’i.

Currently Selected:

1 Samueli 17: LB66

Highlight

Copy

Compare