1 Samueli 15

Eritaako Sauloni azini Munguni eri gazuri

1 # 1 Sam 10:1; 9:16 Te Samueli ’yo Saulo ma tia, Yehova epe ma ti emuzu odu osuzu mi dria ovuzu opiru ’ba ini Israeli ma drilia; ka’dini curu’do mi ma co bile e’yo Yehovani erizu. 2#Efu 17:8-14; Azi 25:17-19Yehova asikari ongulumuruni ’yo ’dini, Ma ndre afa ’ba Amalekini ’yele ’ba Israelini vu ’diyi dria ’bo, yini ndra yi ma geri ogazu yini ndra efuzu Misiriarisi. 3#Lev 27:28; Yos 6:17; Efu 20:5; Isa 14:21; E’do 3:17; Yos 7:24Curu’do emi mu ’ba Amalekini yi ofuzu, emi eza afa dria yini ovuzu yi be ’diyi teketeke; emi ku yi ku, te emi ofu agupi, oku pie, odekua nga ba ndrupi ndru ’diyi pie, ti kabilo pie, ngamia akanya, gaari pie dria.

4 # Yos 15:24 Saulo omve ’ba dria tualu, eri la yi ma kalafe Telaimua, asikari pasi ’diyi alifu turu iri, azini ’ba Yudani ’diyi alifu mudri, 5Te Saulo emu aku amboru Amalekinia, emu i zizu yi tezu e’bua. 6#Kal 24:21; Lip 1:16; 4:11; E’do 18:25; 19:12; ’Yeta 2:40; Eceza 18:4; Efu 18:10; Kal 10:29Dika Saulo ’yo ’ba Kenini ma tia, Emi mu, emi ku angu ’diri, emi si va ’ba Amalekinima eseliarisi ra, ma kazu emi dri jazu yi pie ku; a’disiku emi ece ndra asi ndriza ’ba Israelini dri, yini efuria Misiriarisi ra. ’Dinile ’ba Kenini fu ’ba Amalekini ma eseliarisi ra. 7#1 Sam 14:48; E’do 2:11; 25:18; 16:7; 1 Sam 27:8Te Saulo ofu ’ba Amalekini engazu Havilaa kpere geri tuzu Suri ovupi Misirialeruria, 8#1 Opi 20:34; Esi 3:1; 1 Sam 30:1Azini eri bi Agagi opi ’ba Amalekiari idriru, te eri oli ’ba dria ’dale ’diyi seisi teketeke ra. 9#O’be 15:27; 1 Tim 6:10Te Saulo pi ’ba nde ’diyi pie, yi ku Agagi pi idriru, kabilo onyiru ’agapi tu ’diyi pie, ti pie, anyapa a’buzaru ’diyi pie, kabilo anzi pie, afa dria ovupi onyiru ’diyi pie dria, a’ini yi dri jazu teketeke ku; te afa dria onzikanyaru ’bani ’bale aparakaru ’diyi pie, ja yi dri teketeke ra.

10E’yo Yehovani nga eca Samueli vu kini, 11#E’do 6:6; 2 Sam 24:16; Yos 22:16; 1 Opi 9:6; Zab 36:3; Zef 1:6; Mat 24:13; 1 Sam 16:1; Luk 19:41, 44; Rum 9:1-3Ma asi ovu candisi mani ndra Sauloni ’bale ovuzu opirurisi ra; a’disiku eri asi mvi vile, eri ku ma vuti bizu ja azini eri ’yeni azita mani ’diyi ku. Te Samueli ovu aokosi, ’dini eri wu ani Yehova vu i ini be rra. 12#Yos 15:55Te Samueli nga enga o’bitisi drio drio dri fuzu Saulo be; te ’yo Samueli tia kini, Saulo emu Karimelia ra, te mi lu, eri edre i dri afa egata fepiri, eri oja i, eri aga drile, eri si muzu Giligalia. 13#E’do 14:19; Lip 17:2; Rut 3:2; Luk 18:11Te Samueli emu Saulo vu, azini Saulo ’yo eri ma tia, Yehova ma fe mi dri asi ndriza; ma ’ye azita Yehovani azileri ’bo. 14Te Samueli ’yo, Afa owupi ma bilia kabilole, azini ti; awule, eri a’dini ya? 15#E’do 3:12; O’be 28:13Te Saulo ’yo ra, Yi eji yi engazu Amalekia; a’disiku ’ba nde ’diyi yi ku kabilo onyiru agapi tu ’diyi azini ti ovupi onyiru tu ’diyi pie, fezu edetaru Yehova Mungu mini dri; azini acepi ’diyi ama ofu dria teketeke ra. 16Samueli nga di ’yo Saulo ma tia, Mi te nga! te ma nga mi dri e’yo Yehovani ’yole ma tia ini ’dorisi ’diyi olu. Te eri ’yo eri tia, Mi ’yo, 17Samueli ’yo ra, Mini ndra ovuria were mi ngulupi ma milia ti, ’bani mi suruti Israelini ma drilia ku ya? Yehova osu odu mi dria ovuze opiru Israeli ma drilia. 18Azinii Yehova pe mi ti acizu, eri ’yo, Mi mu, mi ja ’ba onzi ’ba Amalekini ’diyi ma dri teketeke, azini mi ’di a’di yi be kpere yi ma dri jazu dria. 19Ka’dini mi erini o’duko Yehovani ku a’disi ya? Te mi afi afa mini opaleri ma driasi rii, mi ’ye e’yo ovupi Yehova ma milia onziri a’di e’yosi ya? 20Te Saulo ’yo Samueli ma tia kini, Ada ma inzi o’duko Yehovani ra, ma mu geri Yehovani ma ti pezuria, ma eji vini opi Amalekini Agagini ra, te ma ja ’ba Amalekini ’diyi ma dri teketeke ra. 21Te ’ba ode ’diyi yi o’du afa opale ’diyi, kabilo pi ranya pie, yi afa opele dri jazaru ’diyi ma esele onyiru agapi ra ’diyi, afa ’diyi edezu edetaru Yehova Mungu mini dri Giligalia. 22#Zab 50:8, 9; O’be 21:3; Isa 1:11; Yer 7:22; Amo 5:21, 24; Mik 6:6; Mat 9:13; 12:7; Ebra 10:6; Efu 19:5; Ekl 5:1; Yer 7:23; Hos 6:6; Mat 5:24; 9:13; Mar 12:33Te Samueli kini,

Mi milia Yehova ovu ayiko be afa ’bani vele azini edele edetaru ’diyisi tro tro ekile ’bani o’duko Yehovani erizurisirile ra ya?

Mi ne, o’duko inzizuri eri onyiru aga edeta edezuri ra,

azini bile cozu aga ranya oso ra.

23 # Azi 18:10 Gazu e’yo eriko siri ovu ekile azi onzi ’ba rozu olesirile,

azini ovuzu asi ambosiri ovu tro tro ezatale azini wura toko inzizurile.

Mini Yehova ma o’duko gale sirisi, eri ga vini alu mi ovuzu opiru si ’bo.

24 # 2 Sam 12:13; Efu 9:27; Mat 27:4; Efu 23:2; Yob 31:34; O’be 29:25; Isa 51:12; Luk 23:20-25; Eceza 21:8 Te Saulo ’yo Samueli tia, Ma eza ra; mani azita Yehovani pi ezale e’yo ’yoza mini be, mani ’ba rulerisi, azini mani o’duko yini erile’irisi. 25’Dini curu’do ma matu ’ba mi vu, Mi zi onzi mani ra, ama ma mvi mi be tualu dika, ma ma inzi Yehovani beni. 26#1 Sam 2:30Te Samueli ’yo Saulo ma tia, Ma ngani mvi mi be ku; a’disiku mini e’yo Yehovani gale sirisi, azini Yehova ga vini alu mi ovuzu opi Israeliniru si ’bo. 27#1 Sam 28:17; 1 Opi 11:30-31Samuelinii ojaria muzu, Saulo bi eri ma bongo ci, asi i ra. 28Te Samueli ’yo eri ma tia kini, Yehova asi suru Israelini mi driasi andru, fe eri ’ba mi ageia ovupi onyiru mi agapi rari dri ’bo. 29#Kal 23:19; Eze 24:14; 2 Tim 2:13; Tit 1:2Azini Okpo Israeliniri ngani inzo li ke, ngani vini i asi oja ku indi; la’disiku eri ovuni ’bani ku, erini asi ’ojazu.

30 # 1 Sam 2:30; Zab 49:20; O’be 4:8; 26:1; Yoh 5:44; 12:43; Rum 2:28, 29 Dika eri ’yo ra, Ma eza ra; te ti, mi fe nga ma dri inzita, ma matu ’ba mi vu, ’ba ’wara suru manini ’diyi ma milia azini Israeli ma milia indi, azini ama ma mvi mi be tualu dika, ma ma inzi Yehova Mungu miniri ani beni. 31’Dini Samueli oja i muzu Saulo vutia; te Saulo inzi Yehovani. 32Samueli nga di ’yo kini, Emi eji Agagi opi ’ba Amalekini ’doa. Te Agagi emu eri vu, ayikosi. Te Agagi kini, Ndi dra ma candi okaruri aga ’bo. 33#E’do 9:6; Efu 17:11; Lip 1:7; Mat 7:2; Yak 2:13; Eceza 16:6; 18:6; 1 Opi 18:40Te Samueli ’yo ra, Ekile sei minirini fele okuni ovuzu anzi kokorule, ’dinile mi andrini nga ovu mva kokoru oku ma eselia. ’Dini Samueli oga Agagini ndu ndu Yehova ma milia Giligalia.

34 # 1 Sam 11:4 Samueli nga di mu Ramaa; azini Saulo tu uru i vile joa Gibea Sauloniria. 35Te Samueli emuni Sauloni ndrezu dika ku kpere o’du erini drazuria, te Samueli wu Saulosi ra. Te Yehova ma asi ovu candisi erini ndra Sauloni ’bale ovuzu opiru ’ba Israelini ma driliarisi.

Currently Selected:

1 Samueli 15: LB66

Highlight

Copy

Compare