1 Samueli 14

1Eri nga eca ’dini etu alu, Yonatani Saulo mvi ’yo ’ba i vile aya suza ombaniri ojipiri ma tia, Mi emu, ama mu asikari ’ba Filisitiaa ’diyini ovupi ’aa’dasi ’dayi vu. Te eri ’yoni i ati ma tia ku. 2#1 Sam 13:15Te isu Saulo adri kala amve Gibeaniria, pati pomegranateni ovupi Migironiari ma etia; azini ’ba ovupi eri be ’diyi yi ovu ekile turu aziale. 3#1 Sam 4:21; Efu 28:30; 1 Sam 2:28; 22:18azini Ahija Ahitubi mvi, Ikabodi Finehasi Eli mvi ma adripi, atalau Yehovani Siloari su koti aliriari, Te ’ba nde ’diyi yi nini Yonatani mu ’bo ’diniri ku. 4#1 Sam 13:23Pari agazu Yonatanini o’bizu muzu pari okporu asikari Filisitiaa ’diyiniria aniri ma woko aluria eni ambo ci, woko aziniria oni ambo ci; aluri ma ru Bozezi, aziniri ma ru Senehi’i. 5Oni alu nderi ma si enga i andraleru Mikimasi ma drilialeru, aziniri enga i uruleru Geba ma drilialeru.

6 # E’do 17:7-11; Lip 14:3; 15:18; 1 Sam 17:36; 31:4; 2 Sam 1:20; 1 Sur 10:4; Yer 9:23, 26; Efe 2:11, 12; Fil 3:3; Azi 32:30; Yos 14:12; Lip 7:4, 7; 2 Sur 14:11; Zab 115:1-3; Zek 4:6; Mat 19:26; Rum 8:31 Te Yonatani ’yo karilau i vile aya suza ombaniri ojipiri ma tia, Mi emu, ama mu pari okporu asikari ’ba agele liza kokoru ’diyiniria; kani Yehovani nga e’yo ’ye ama dri ra yani; a’disiku afa aluni Yehovani ogapi ’ba opazu ’ba kakausi kani ’ba weresini yo. 7Te ’ba eri vile aya suza ombaniri ojipiri ’yo eri ma tia kini, Mi ’ye e’yo dria ovupi mi asiari, mi oja mi, mi ne, asisile amani ovu mi be tualu. 8Yonatani nga di ’yo kini, Mi ne, ama nga aga ’ba nde ’diyi vu, ama nga efu yi ma milia. 9Yi ka nga ’yo ama tia kini, Emi te kpere amani ecaria emi vu, ka’dini ama nga pa so ama paria ’duni, ama ngani tu yi vu ku. 10#E’do 24:14; Lip 7:11; 1 Sam 10:7; 2 Sam 5:24; Isa 7:11, 14Te yi ka nga ’yo ’dini kini, Emi etu ama vu, ama nga tu ra; Yehovani yi fele ama dri ’borisi. ’Diri nga ovu ecetaru ama dri. 11Te yi iri tro efu yi e’dazu asikari Filisitini ’diyi ma milia; te ’ba Filisitiaa ’diyi ’yo ra, Emi ne, ’ba Ebraniani efu de di ’bile yini yi ozizu ’diyi ma aliarisi ’do! 12Asikari ’yo e’yo Yonatani pi ma tia agu eri vile aya suza ombaniri ojipiri be, kini, Emi etu ama vu, ama nga e’yo alu ece emi dri. Te Yonatani ’yo agu; eri vile aya suza ombaniri ojipiri ma tia, Mi etu ma vutisi; a’disiku Yehova fe yi Israeli ma dria ’bo. 13Te Yonatani ga uru ’dale ga ga, azini agu eri vile aya suza ombaniri ojipiri bi vutini. Yi o’de Yonatani ma drilia, ’ba eri vile aya suza ombaniri ojipiri ofu yi eri ma vutia; 14te ’ba Yonatani pini ofule oko agu eri vile aya suza ombaniri ojipiri be ’diyi ma kalafe ca ekile ’ba kali irile; ofu ’ba ’diyi angu ekile ’bani ecole ’ale e’bu tini selerisi o’du alu pi ma aliari ma e’busi pamvu ma aliniri ma alia. 15#Yos 2:9; Lip 7:21; 2 Opi 7:7; Yob 18:11; Zab 14:5; 48:5, 6; 1 Sam 13:17Te ’ba ma ma ya ya pari yini rizuria, azini ase talaaria, azini ’ba dria ma eselia; asikari piyi ma rua ya ya ’ba angu ezapi ’diyi be indi; nyaku ya vini ya indi; oyaza amboru ovu indi. 16Azini ’ba Sauloni angu agei tepi Gibea Benyamininia ’diyi ndre ra; te mi ne, ’ba ongulumuru ere yi saaru ndu ndu. 17Saulo nga ’yo ’ba ovupi i be ’diyi ma tia kini, Emi la nga ’ba ma kalafe curu’do, ndrezu kani a’di pi fu mu ama eseliasini yani. Te yi ka ’ba la ’bo, mi ne, Yonatani pi agu eri vile aya suza ombaniri Ojipiri be yi ’daa yo. 18Te Saulo nga ’yo Ahija ma tia, Mi eji sanduku Munguni ’dori. Ewu nderisi sanduku Munguni ri ovu ’daa tualu anzi i Israelini be. 19#Kal 27:21; Yos 9:14; Zab 106:13Te eri nga eca ’dini, Saulo pini o’yoria atalau be, otrea asikari kakau Filisitiaa ’diyini ma eseliari ovu ’dani, azini dro fu dika dika ambo; azini Saulo ’yo atalau ma tia kini, Mi enze mi dri. 20#Lip 7:22; 2 Sur 20:23; Isa 9:19-21Te Saulo pi ’ba ovupi eri be ’diyi pie dria oku yi tualu, yi eca omba ndea; te mi ne, ’ba dria alu alu ’ba omba seisi yi eselia i agyi be, osa yi bada bada. 21Te ’ba Ebraniani, ndra adripi ’ba Filisitiaa ’diyi be, engapi angu ageia tupi yi be pari nde yini rizuria ’diyi, yi oja yi dria ovuzu ’ba Israelini ovupi Saulo pi vu Yonatani be ’diyi be. 22#1 Sam 13:6’Dini ’ba Israelini dria ndra yi ozipi angu oniru Efiraimuniria ’diyi ka eri kini, ’ba Filisitiaa ’diyi apa ’bo, yi oja yi vini indi yi ma vuti drozu okporu ombasi. 23#Efu 14:30; Azi 33:29; 1 Sam 10:19; 1 Sur 11:14; Zab 17:7; 44:6, 7; Isa 63:9; Hos 1:7; 1 Sam 13:5’Dini Yehova opa ’ba Israelini etu ndesi; a’di nderi agai kpere Betavenia. 24#Lev 27:29; Kal 21:2; Azi 27:15-26; Yos 6:26; Lip 11:30; 21:1-5; O’be 11:9’Ba Israelini inza yi etu nderisi tu; a’disiku Saulo fe azita okporu ’ba dri kini; Trita ma ovu ’ba ngapi afa nyapi engazu curu’do cazu kpere ondresi mani arioti ari’ba maninii ofezu ’boria rari ma dria. ’Dini ’ba aluni o’bini nyaka ku. 25#Azi 9:28; Mat 3:5; Efu 3:8; Kal 13:27; Mat 3:4Te ’ba dria fi oce talaa; isu de anyusu nyakua ci. 26’Ba nde ’diyi ka fi oce talaa ’bo, mi ne, anyusuni ra ra, te ’ba aluni ’bani dri i ma tilia ku; a’disiku ’ba nde yi ru oyoni. 27Te Yonatani erini i atini oyo soza aziria, ’ba dri ku; e’yo ’disi eri su kali i ma driari ma drile, eri su eri anyu horongo alia, ’ba i dri i ma tilia; mileni nga ti ra. 28’Ba alu nga e’yo omvi ra kini, Mi ati azi te ’ba nde ’diyi trei trei oyosi kini, ’Ba nyaka nyapi andruri, triza ma ovu eri dria. Te ’ba nde ’diyi ma ma aka ra. 29Yonatani nga di ’yo ra kini, Ma ati ecandi di angu ra; emi ne, ma zi emi, ma mile ati ra, a’disiku mani anyusu gaaru ’diri o’bilerisi. 30Te agapi rari ’ba driani afa yini isule nyazaru afa yini opale ari’ba yini dri ’diyi ma eseliari nyazu dria yini lelerile; te curu’do ama awuni ani ’ba Filisitiaa ’diyi ofu tu ku.

31Yi ofu ’ba Filisitiaa ’diyi o’du ’dasi engazu Mikimasia kpere Aiyalonia. Te ’ba nde ’diyi ma ma aka tu; 32#E’do 9:4; Lev 3:17; 7:26; 17:10; Azi 12:16-24; ’Yeta 15:20, 29te ’ba nde ’diyi yi afi afa yini opaleri ma driasi rii, te yi o’du kabilo pi, ti pie, koanzi pie, yi oli yi va; azini nya yi ari be ’dani. 33#E’do 9:4; Lev 7:26-27; 17:10-14; 19:26; Azi 12:16, 23; 15:23Te yi olu Saulo ma tia kini, Mi ne, ’ba, yi e’yo onzi ’ye Yehova vu, a’disiku yini za nyale ari berisi. Te eri ’yo ra kini, Emi ’ye te lokirisi; emi li oni amboru ma vu etu andrurisi. 34Te Saulo ’yo ra kini, Emi ere emi ’ba ongulumuru ma eselia, emi ’yo yi ma tia, ’Ba dria alu alu ma eji ti yini ma vu ’doa, kani ’ba dria alu alu ma eji kabilo yini, ma oli yi ’doa, ma nya, te emi ma ’ye onzi Yehova vu emini afa nyazu ari be ’dini ku. ’Dini ini ndesi ’ba dria alu alu eji ti yini yi be, yi oli yi ’daa. 35#Lip 21:4; 1 Sam 7:17; 2 Sam 24:25Te Saulo si pari edeta edezuri Yehova dri; eri pari edeta edezu nde erini sile Yehova dri okori’i.

36 # Mal 2:7; Yak 4:8 Te Saulo ’yo ra kini, ni ’dorisi ama mu si ’ba Filisitiaa ’diyi vu, ama ma opa afa yini cazu kpere anguni atiria; ama ma ku yi ma ’ba aluni ku. Te yi ’yo ra kini, Mi ’ye e’yo ovupi onyiru mi miliarile. Atalau edeta edepiri nga ’yo ra kini, Ama ma esi ama Mungu vu inyia ’doa. 37#Efu 14:3-5; 1 Sam 28:6; Zab 66:18; Yoh 9:31Te Saulo zi Mungu tia e’yo amaza fezu ini, kini, Ma ma si mu ’ba Filisitiaa ’diyi ma vutisi ra ya? Mi nga yi fe ’ba Israelini ma dria ra ya? Te eri omvini e’yo tinia ku etu nderisi. 38#Yos 7:14; 1 Sam 10:19Saulo ’yo ra, Emi etru emi inyia ’doa, emi ’ba ’wara dria; emi ma ni, emi ma va e’yo onzi ’dori enga etu andrurisi e’yo ngorisi ya. 39#1 Sam 19:6; 20:31; 22:16; 2 Sam 12:5; Ekl 9:2Ekile Yehova Israeli papirini ovule idrirurile, ka tro e’yo nderi ka ovu ma mvi Yonatani ma alia ti, eri nga dra ada. Te ’ba e’yo omvipi eri tia ’ba nde dria ’diyi ma eselia aluni yo. 40’Di ma vutia eri nga ’yo Israeli dria ma tia kini, Emi ovu dria kala aluria, te ma nga ovu kala aziniria ma mvi Yonatani be. Te ’ba nde ’diyi ’yo Saulo ma tia, Mi ’ye e’yo ovupi mi milia onyiruri’i. 41#Kal 27:21; 1 Sam 28:6; O’be 16:33; Yos 7:16; 1 Sam 10:20, 21E’yo ’disi Saulo ’yo di Yehova Mungu Israeliniri ma tia kini, Mi ece e’yo kililiruri. Te e’yo bi Yonatani pi Saulo be, te ’ba ongulumuru ’diyi pa yi ra. 42Saulo ’yo ra kini, Emi ’ba andri ama eselia ma mvi Yonatani be. Te andri ’de Yonatani ma dria.

43 # Yos 7:19 Te Saulo nga di ’yo Yonatani ma tia kini, Mi olu ma dri e’yo mini ’yeleri. Te Yonatani olu eri dri, kini, Adaru ma o’bi anyusu gaaru kali ovupi ma driari ma siari ra; te mi ne, ma eco drazu ra. 44#1 Sam 25:22Te Saulo lomvi e’yo ra, kini, Mungu ma ’ye ma vu ’dini, ma ’ye azini di indi; te mi nga dra ndi ndi, Yonatani. 45#2 Sam 14:11; 1 Opi 1:52; Luk 21:18; Isa 13:3; ’Yeta 15:12; 2 Kor 6:1Te ’ba nde ’diyi ’yo Saulo ma tia kini, Yonatani pata amboru ’dori ’yepi Israeli ma eseliari nga dra ra? Econi aluani ku! Ekile Yehovani ovule idrirurile, dribi efi erini aluni ngani ’de nyakua ku; a’disiku eri ’ye te azi tualu Mungu be andru ’bo. ’Dini ’ba nde ’diyi yi pa Yonatanini, kazu drazu ku beni. 46Te Saulo ku ’ba Filisitiaa ’diyi ma vuti droko ja; te ’ba Filisitiaa ’diyi mvi pari yi vileria.

47 # 1 Sam 11:11; 2 Sam 10:6; 1 Opi 11:23; Kal 25:17 Saulo ka opi nyazu Israeli ma driliari bi ’bo, eri ’di a’di ari’ba dria erini ’diyi be kalaa dria, Moabu pi, anzi Amonini ’diyi pie, Edomu pie, opi ’ba Zobaa ’diyini ’diyi pie, ’ba Filisitiaa ’diyi pie; pari dria erini i ojazuria eri aga yi ra. 48#1 Sam 15:3, 7; 1 Sur 8:33; 9:39Eri ’ye okpo amborusi, eri ofu ’ba Amalekia diyi, eri opa Israeli ’ba yi ezapi ’diyi ma dria ra. 49#1 Sam 31:2Anzi Sauloni ovu Yonatani pi, sivi pie, Malikisua pie; azini ezopi erini iri ’diyi ma ru ’dini: okori ma ru Merabu’i, vileri ma ru Mikali’i; 50Saulo vile okuri ma ru ndra Ahinoamu Ahimaazi zi’i. Azini ’ba asikari ongulumuru erini ma dri cepiri ma ru Abineri, Saulo adropi Neri ma mvi’i; 51#1 Sam 9:1Saulo ma ati Kisi, azini Neri Abineri ma ati eri Abieli mvi’i.

52 # 1 Sam 8:11 Te ewu Saulonisi dria a’di okporu ovu yini ’ba Filisitiaa ’diyi ’be; Saulo ka ’ba okporu, kani ’ba ombaouru ’diyi ne, eri o’du yi i vu.

Currently Selected:

1 Samueli 14: LB66

Highlight

Copy

Compare