1 Opi 9
9
E’yo Yehovani azile Sulemani beri
1 #
2 Sur 7:11; 1 Opi 7:1; 2 Sur 8:1, 6; Ekl 2:4 Eri eca ’dini, Sulemani ka de jo Yehovani pi sizu jo opini pie, afa dria Sulemanini lele ’yele ’diyi pie ’bo, 2#1 Opi 3:5; 2 Opi 20:5; Zab 10:17; 34:17; Dan 9:23; 1 Opi 8:29; Azi 11:12Yehova e’da i Sulemani ma milia pale iriri, ekile ndra erini i e’dale eri vu Gibeoniarile. 3Te Yehova ’yo eri tia, Ma eri zita mini zile matu ’baza be ma miliari ’bo; ma ’ba jo mini sile ’dori alatararu ’bo, ru mani ’bazu alenia ’dani ’dani; ma mileni azini ma asini nga ovu ’daa etuzu ’dani ’dani. 4#E’do 5:22; 6:9; 17:1; 1 Opi 2:4; 3:6; 2 Opi 20:3; Zab 16:8; 128:1; Mik 6:8; Mal 2:6Te mi’i, mi ka nga aci ma drilia asi adarusi azini e’yo kililirusi ekile mi ati Daudini acilerile, ’yezu dria ekile mani azita fele mi dririle, e’yo mani azile ’diyi ma ta mbazu e’yo liza mani be, 5#2 Sam 7:12; 1 Opi 2:4; 6:12; 1 Sur 22:10ka’dini ma nga fe oguna opi nyaza mini Israeli ma driliari ma so pa ’ dani ’ dani, ekile mani ndra azile mi ati Daudi tiarile, ’yozu kini, ’Ba mini ngani ece rizu oguna Israeliniri ma dria ku. 6#2 Sam 7:14; 2 Sur 17:19; Zab 89:30Te emi ka nga emi oja ma vuti bizu ku, emi’i kani anzi emini, emi ka azita mani ma ta mba ku e’yo mani azile mani ’bale mi drilia ’diyi pie, te emi ka mu azi ngazu Mungu azini ’diyi vu, yi inzizu, 7#Azi 4:26; 2 Opi 17:23; 25:21; Yer 7:14; Azi 28:37; Zab 44:14ka’dini ma nga Israeli nze angu mani fele yi dririasi ra; azini jo ’dori mani ’bale alatararu ma rusiri ma nga eri ’be ma miliasi ra; te e’yo Israeliniri nga adri o’dukoru azini ajidimaru suruti ma eselia ani beni. 8#Azi 29:24; 2 Sur 7:21; Yer 22:8jo ’dori ka ovu izu ngopi ti, ’ba dria alu alu ngapi agapi kalanisiri nga osu osu, nga eri onzi; te yi nga ’yo, Yehova ’ye angu ’dori ’doni azini jo ’dori ’doni a’di e’yosi ya? 9Te yi nga e’yo omvi ’yo kini, A’disiku yi ku Yehova Mungu yini ra, eri’i yi a’bipi ofupi angu Misiriniasiri, yi ebi yi Mungu azini vu, yi inzizu, azi ngazu yi dri; e’yo ’disi Yehova eji ocoko ’diyi dria yi ma ruaa ani.
E’yo azini Sulemanini ’yele ’diyi
10Eri eca ’dini eli kali irini agaria ’boria, ewu Sulemanini jo iri ’diyi, adaru jo Yehovani azini jo opini sizu ’borisi, 11te Hiramu opi Turoari fe Sulemani dri pati marioni, pati masani pie, mele pie dria erini lelerile,dini opi Sulemani fe Hiramu dri aku kali iri angu Galilinia ’diyi. 12Te Hiramu efu Turoasi aku Sulemanini fele eri dri ’diyi andrizu, te feni ayiko eri ma milia ku. 13Eri ’yo ra, Mi fe ma dri ’doni a’di akuni ya, ma adri la? Omve yi angu Kabulini cazu kpere andru. 14Isu de Hiramu pe ndra ’ba ti mele onziru turu alu drini kali iri ’diyi jizu opi dri. 15#1 Opi 5:13; 2 Sam 5:9; Yos 19:36; 17:11; Lip 1:29E’yo fepi opi Sulemanini ’ba okuzu azi ngazu azitasiri eri ’di, oku yi jo Yehovani sizu, jo eri ngulupini pie, Milo pie, abi oniru Yerusalemuni pie, Hazori pie, Megido pie, Gezeri pie dria. 16#Yos 16:10Isu de Farau i opi Misiriari tu uru Gezerini bizu vezu acisi ’bo, eri ofu ’ba Kananini ovupi aku nderi ma alia ’diyi ’bo, fe aku nde i zi Sulemani ma oku ma dri yamararu; 17#Yos 16:3; 21:22; 2 Sur 8:5e’yo ’disi Sulemani si Gezerini dika. Eri si vini Betihoroni valeruri pie, 18#Yos 19:44Baalati pie, Tamari roko driari pie, angu nde ma alia, 19aku dria Sulemanini lonyi ta mbazu alenia ’diyi pie, aku gari omba vile ’diyini pie, aku ’ba nzupi akanya dria ’diyini pie, afa dria Sulemani ma asini lele sile Yerusalemua ’diyi pie, Lebanonia ’diyi pie, azini angu dria erini nyaleri ma alia ’diyi pie dria. 20Te ’ba joloko dria acepi Amorini ’diyi, ’ba Hitini ’diyi pie, ’ba Perizini ’diyi pie, ’ba Hivini ’diyi pie, ’ba Yebusini ’diyi pie, yi’i ovupi anzi Israeliniru ku ’diyi- 21#Lip 1:21; 3:1; E’do 9:25; Ezr 2:55; Neh 7:57; 11:3anzi yini awupi angu nde alia anzi Israelini ecole ndra dri jale dria ku ’diyi-Sulemani oku ’ba ’diyi okposi azi ngazu ati’baru, yi ovu ’dini ecazu kpere andru. 22#Lev 25:39; Yer 34:14Te anzi Israelini eselia, Sulemani ’bani ati’ba ku; te eri ’ba yi ’ba a’di ’dipiriru, ’ba eri ma agei tepiriru, azini opi eriniru, azini ’ba ambo asikari driliariru, ’ba gari ombani ma driliariru, azini ’ba nzupi akanya dria ’diyi ma driliariru. 23’Ba ’wara agapi azi Sulemanini drilia ’diyi ovu turu towi, yi ovu ’ba azi ngapi ’diyi ma drilia. 24#1 Opi 3:1; 7:8; 2 Sur 8:11; 32:5; 2 Sam 5:9; 1 Opi 11:27Te Farau zi efu aku Daudiniasi emuzu uru jo Sulemanini sile eri driria;di ma vutia eri si Milo.
25Te pale na eli alu alu vusi Sulemani fe ndra edeta vezaru pi edeta asi anzuruni be pari edeta vezu erini edele Yehova driri ma dria, obiese vele veri be tualu, Yehova drilia. ’Dini eri de jo nderi ra. 26#Kal 33:35; Azi 2:8; 1 Opi 22:48; 2 Sur 20:36Te opi Sulemani ede ndra oguru ongulumuru Ezioni-geber, Eloti ageia, Miri Ekaru ma tiaria, angu Edomunia. 27#1 Opi 5:6, 7; 10:11Te Hiramu pe ati’ba erini ovupi onduouru oguru ti opepi, e’yo mirini nipi ’diyi, oguru nde ’diyi be, tualu ati’ba Sulemanini pie; 28#E’do 10:2; 1 Opi 10:11; 2 Sur 8:18; Yob 22:24; Zab 45:9; Isa 13:12yi ca Ofiria, yi e’du ’dale mele onziru turu su drini kali iri; yi eji eri opi Sulemani vu.
Currently Selected:
1 Opi 9: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
