1 'Ba Korintoa 'Diyi 11

1 # 1 Kor 4:16; Fil 3:17 Emi si emi ’yetasi male,ekile mani ma sile yetasi Kristolerile

Okuni yi dri a’buzu ciri

2Te ma inzi emi emini ma egale e’yo driasirisi, azini emini imbata ta mbale ekile mani yi fele erru dririlerisi. 3#1 Kor 3:23; Efe 5:23; E’do 3:16Te ma le emi ma ni ra kini ’ba dria alu alu ma driru Kristo’i, oku ma driru agupi’i, Kristo ma driru Mungu’i. 4#1 Kor 12:10; 14:1’Ba dria alu alu Mungu zipi kani e’yo olupi dri a’buzaru beri eri drinza fe dri ini dri ra, 5te oku dria alu alu Mungu zipi kani e’yo olupi dri a’bu kokoruri eri drinza fe dri ini dri-te eri dri tro tro ekile eri fazarurile. 6A’disiku oku azini ka i dri a’bu ku, ma li i dribi va; te dribi lizu va kani fazu fari ka ovu drinzaru oku vu, ma a’bu i ma dri ci. 7#E’do 1:26-27; 5:1Te agupi ma a’bu i dri ku ada, erini ovule wura azini diza Mungunirisi; te oku ovu diza agupini. 8#E’do 2:18-23; 1 Tim 2:13(Te agupi engani oku vu ku, te oku enga agupi vu. 9’Bani vini agupi oku ma e’yosi ku, te ’ba oku agupi ma e’yosi.) 10#E’do 6:2E’yo’disi oku ma ovu eceta okpo eri ma driliari ma e’yo ecezuri be i ma dria, malaika ma e’yosi. 11(Te e’yo yo,oku soni pa agupi kokoru ku, azini vini agupi soni pa oku kokoru ku, Opi ma alia; 12te okuni engale agupi vurile, ’dinile agupi indi yi di efu oku ma alia. Te afa dria enga Mungu vu.) 13Emi ma ama e’yoni emi ngulupisi ceni; eri onyiru oku ma zi Mungu tia dri be a’bu kokoru ya? 14Adriza ’bani imbani emi ceni ku, agupi ma dribi ka du izuru, ’diri ovu drinzaru eri dri, ’dini ku ya? 15Te oku ma dribi ka du izuru, ’diri diza eriniri’i; fe dribi eri dri bongo ’beza ma paria. 16Te ’ba azini ka le agata ga e’yonisi, ama ovuni adriza ’dinileri be ku, azini kanisa Munguni yi adrini ’ye ’dinile ku indi.

E’yo dri Jupi ku omu Opini ma alia ’diyi

17Te mani e’yo ’diri aziria emi tia, ma inzini emi ku, a’disiku emi adri emi oku tualu emini zozu onyisi ku, te onzisi. 18#1 Kor 1:10-12; 3:3E’yo okori ’di, ma eri kini emini emi okuria kanisa ma alia, esele coza emi eselia indi; te ekile ma a’i e’yo ’diyi rale, 19#1 Yoh 2:19; Azi 13:3Te imbata inzoru ma ovu emi eselia indi, ’ba o’bile ’bo ’ba adaru ’diyi ma nga yi e’da ani emi eselia beni. 20E’yo ’dirisi emini emi okuria tualu, emi okuni emi nyaka Opini nyazu’i ku. 21A’disiku emini nyaria ’ba dria alu alu nga ji nyaka i vileri nya so oko, ’dini ’ba azini ovu abiri be, aziniri ati afa mvuzasi. 22#Yak 2:5, 6Ha ! Jo emini nyaka nyazu azini afa mvuza mvuzuni yo ya? Kani emi kanisa Munguni ede afa tokole, emi vini drinza fe ’ba afa kokoru ’diyi dri ya? Ma nga emi tia a’di e’yo ’yo ya? Ma nga emi inzi ra ya? Te ma inzini emi e’yo ’dirisi ku.

E’yo Yesuni omu Opini azizuri

23 # Mat 26:26-28; Mar 14:22-24; Luk 22:19, 20 Te e’yo mani fele emi driri, ma a’i ndra Opi vu, kini, Opi Yesu ’du mikate ini yini eri ma o’di nyazu ’darisi; 24te eri ka awa’difo fe ’bo, eri anyo aleni ra, ’yo ra kini, ’Diri rua mani, mani fele emisiri’i. Emi ’ye e’yo ’diri e’yo mani egazu, 25#Efu 24:6-8; Yer 31:31-34; Zek 9:11Nyaka ma vutia eri ’du okele ’dinile indi, kini, Okele ’diri eri aziza 0’diru ari mani ma aliari’i. Emi ’ye, ’e’yo ’diri paleko dria emini mvuria, e’yo mani egazu. 26#Mat 26:29Te paleko dria emini mikate ’diri nyaria, azini okele ’diri mvuria, emi drata Opini ece, de nga eri ecani ku.

Ma nya omu Opini adriza onziri be ku

27 # Ebra 6:6; 10:29 E’yo ’disi ’ba azini ka mikate nde nya, kani ka okele Opini mvu, de adriza erini funi dri ku, e’yo erini rua Opini pi ezazu arini beri nga ovu eri ma dria, 28#Mat 26:22; 2 Kor 13:5Te ’ba ma o’bi e’yo i vileri oko, ’dinile ma nya mikate nde ma azi, ma mvu okele nde ma alia ndo. 29Te ’ba ka nya ra, ka mvu ra, rua ma e’yo vakokoru, eri e’yo liza nya azini mvu i ngulupi ma ruaa ceni, 30#1 Kor 15:20; Efe 5:14; 1 Tes 5:6E’yo ’dirisi ’ba kakau emi eselia ovu okpo kokoru, azini adazaru, azini vini ’ba fudri ci ko o’du ’bo. 31Te ama ka e’yo amaniri va ra, yi ngani te e’yo amani li ku. 32#Ebra 12:5, 6Te ka e’yo amani li ra de Opini ama co imbataruni, kazu e’yo amani lizu onzi wudrikuru be ku. 33E’yo ’disi, adripi mani, emini emi okuria tualu nyaka nyazu, emi te emi azini, 34’Ba azini ka ovu abiri be, eri ma nya i vile joa; emi kazu emi okuzu e’yo liza isuzu’i ku. Te ma nga e’yo acepi ’diyi ede mani ngaria ecaria.

Currently Selected:

1 'Ba Korintoa 'Diyi 11: LB66

Highlight

Copy

Compare