Salmos 15
15
(14) A hospitalidade do Señor
1Salmo de David.
Quen, Señor, se hospedará na túa tenda?
Quen habitará no teu monte santo?
2Aquel que anda rectamente e practica a xustiza:
que ten sinceridade no corazón
3e non calumnia coa súa lingua;
o que non lle fai mal ó veciño
e non difama ó seu próximo;
4o que estima desprezable ó malvado
e aprecia os que temen ó Señor;
o que non se vira no xuramento,
aínda que sexa no seu dano;
5o que non presta con usura o seu diñeiro
e non se deixa subornar contra o inocente.
Quen así se comporte,
endexamais non perecerá.
Dereitos reservados: SEPT