Salmos 1
1
Dous camiños
1Benaventurado aquel
que non se guía polo consello dos malvados,
nin se detén no camiño dos pecadores,
nin senta na xunta dos burlóns,
2senón que ten o seu contento na vontade do Señor
e nela remoe día e noite.
3É coma árbore plantada onda os regueiros:
dá froito ó seu tempo,
as súas follas non murchan,
e todo o que fai acaba ben.
4Non son así os malvados,
serán coaño que leva o vento.
5Abofé non se erguerán os malvados no xuízo
nin os pecadores no concello dos xustos,
6pois do camiño dos xustos coida o Señor,
mentres vai á perdición o camiño dos malvados.
Dereitos reservados: SEPT