प्रकाशन 7
7
इज़राईले 144,000 लोग
1-2तेखअ भाल़ै मंऐं पृथूईए च़ऊ कूणैं स्वर्ग दूत खल़्हुऐ दै, तिन्नां स्वर्ग दूता भेटी परमेशरा का पृथूई दी समुंदर अर बाकी संसारा हान्नी करने शगती। तिन्नैं किई सारै संसारे च़ऊ कूणैं का बागरी बंद।#दान. 7:2; जक. 6:5
इहअ करै हुई समुंदरै, ज़िम्मीं अर बणैं डाल़ा-बूटा लै बागरी बंद। तेखअ भाल़अ मंऐं कि पुर्बा बाखा निखल़अ एक होर स्वर्ग दूत। तेऊ का आसा सदा ज़िऊंदै रहणैं आल़ै परमेशरे एक मोहर। तेऊ स्वर्ग दूतै बोलअ तिन्नां च़ऊ स्वर्ग दूता लै ज़ोरै-ज़ोरै इहअ, 3“ज़ेभै तैणीं हाम्हैं आपणैं परमेशरे दासे माथै दी मोहर निं लाई मुक्के, तेभै तैणीं निं पृथूई, समुंदरे अर डाल़ा-बूटे हान्नी करी।”#एज. 9:4
4ज़हा लै मोहर आसा दैनी दी, मंऐं शूणीं तिन्नें गणांई कि इज़राईले लुआदा मांझ़ै सोभी गोत्रा लै लाई 1,44000 मणछा लै मोहर।
5यहूदे गोत्रा लै 12,000 मोहरा,
रूबेने गोत्रा लै 12,000 मोहरा,
गादे गोत्रा लै 12,000 मोहरा,
6आशेरे गोत्रा लै 12,000 मोहरा,
नप्ताली गोत्रा लै 12,000 मोहरा,
मनिश्शे गोत्रा लै 12,000 मोहरा,
7शमौने गोत्रा लै 12,000 मोहरा,
लेबी गोत्रा लै 12,000 मोहरा,
इस्साकारे गोत्रा लै 12,000 मोहरा,
8ज़बलूने गोत्रा लै 12,000 मोहरा,
युसुफे गोत्रा लै 12,000 मोहरा
अर बिन्यामीने गोत्रा लै 12,000 मणछा लै मोहरा।
खास्सै मणछ
9तेखअ शुझुअ मुखा इहअ कि हर देश, हर ज़ाती, हर खिंबा का लोग अर हर भाषा का आसा एतरै खास्सै मणछ, ज़हा कुंण गणी निं सकदअ, तिंयां आसा शेतै झिकल़ै बान्हीं अर आपणैं हाथै खज़ूरे शाण्हटी ढाकी राज़गाद्दी अर मिम्मूं आजू खल़्हुऐ दै। 10तिंयां आसा लागै दै ज़ोरै-ज़ोरै इहअ बोल्दै,#प्रका. 19:1; भज. 3:8
“उद्धारा दैआ म्हारअ परमेशर ज़ुंण राज़गाद्दी दी आसा बेठअ द।
अर मिम्मूं तिन्नों करा ज़ै-ज़ैकार।”
11सारै स्वर्ग दूत तै राज़गाद्दी, सैणैं अर तिन्नां च़ऊ प्राणीं फेर खल़्हुऐ दै। तेखअ टेक्कअ तिन्नें राज़गाद्दी सम्हनै उटै पल़ी परमेशरा सेटा माथअ। एवमस्तू। 12तिन्नैं बोली एही गिह,
“म्हारै परमेशरे स्तोती, प्रतप्प,
ज्ञैन, शूकर, अदर
अर शगती लोल़ी
जुगै-जुगै बणी रही। एवमस्तू।”
13एता लै पुछ़अ मुखा सैणैं मांझ़ै एकी इहअ, “ताखा थोघ बी आसा कि ईंयां शेतै झिकल़ै बान्हैं दै कुंण आसा अर किधा का आसा आऐ दै?”
14मंऐं दैनअ तेऊ लै ज़बाब, “हे मालक, ताखा ई हणअ एतो थोघ।”
तेऊ बोलअ मुल्है इहअ, “ईंयां आसा तिंयां, ज़ुंण घोर खरी का आसा राज्ज़ी-राम्बल़ै निखल़ी आऐ दै, इनै किऐ आपणैं-आपणैं झिकल़ै मिम्मूंए लोहू करै धोई शेतै।#प्रका. 22:14
15“तैही आसा ईंयां परमेशरे राज़गाद्दी पबित्र ज़ैगा सम्हनै खल़ै, संघा करा परमेशरे घअरै धैल़ी-राची ईंयां च़ाकरी।
“ज़ुंण राज़गाद्दी दी आसा बेठअ द, तेऊ करनी तिन्नें फाज़त।#प्रका. 22:3; भज. 134:1-2
16“तिंयां निं कधि तेखअ भुखै-नचिशै हणैं, अर नां तिन्नां लै धुप्पअ अर नां तिन्नां लै कोई गरमीं दी जाम्ह पल़णअ।
17“किल्हैकि मिम्मूं ज़ुंण राज़गाद्दी मांझ़ै आसा, तेऊ करनी तिन्नें हेर-सभाल़,
“‘तेऊ करनै तिंयां सदा लै ज़िन्दगी दैणैं आल़ी पाणींए सोबल़ा सेटा लै निंईं।’
“परमेशरा टुशणैं तिन्नें आछिए आशू सदा लै।”#भज. 23:1,2; ईशा. 25:8
Currently Selected:
प्रकाशन 7: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
