भज़न 23
23
असली फुआल
राज़ै दाबेदो भज़न
1हे बिधाता, तूह आसा मेरअ फुआल,
तूह करा मेरी हर गरज़ पूरी।
2तूह च़राऊआ मुंह हरै घाहे घैहणीं दी,
तूह निंयां मुंह ज़ाईरू पाणींए छ़ोआ नेल़ अर
3तूह दैआ मेरअ शाह हरअ फरेऊई।
तूह नढैऊआ मुंह धर्मीं बाता
ज़िहअ सह बोला तिहअ ई।
4ज़ै हुंह नटिप्प न्हैरै बाती बी हांढे,
हुंह निं तेथ बी डरदअ किल्हैकि
तूह बिधाता हआ मुंह संघा।
तेरी कुंगल़ी चुंडीए शोठी#23:4 कुंगल़ी चुंडीए शोठी डागै चैणैं छ़ेल़्हणै, बाता हांढणे अर डाल़ी बुटी खिंच़णें शोठी करा मेरी फाज़त।
5मेरै दुशमणा नदरी दैआ तूह मुल्है खाणां लै भोज़,
तूह करा मेरअ अदर इहअ कि
हुंह आसा तेरअ सोभी का खास प्राहुंणअ,
अर मेरी बाटी दैआ तूह टिरा बहूंदी बर्गत भरी।#लूक. 7:46
6अह गल्ल आसा पाक्की कि तूह झ़ूरा मुल्है अर ताह करनी मुल्है सदा झींण,
हे बिधाता, मुंह बस्सणअ तेरै घअरै सदा-सदा लै।
Currently Selected:
भज़न 23: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
