भज़न 127
127
घअरै बर्गत दैआ सिधअ बिधाता ई
राज़ै सुलैमाने बाता हांढा लै गिह
1ज़ै घअरा बणाणां लै बिधाते ज़ाज़त निं होए,
तै आसा घअर च़िणनअ बृथा।
नगरीए फाज़त ज़ै बिधाता नां करै,
तै आसा पहरीओ पहरअ करनअ बी बृथा!
2दोत्ती-दोत्थी उझ़ुई,
आधा राची तैणीं मैन्थ करनी बी आसा बृथा!
किल्हैकि ज़हा लै बिधाता झ़ूरा,
तिंयां सुत्ता राज्ज़ी-मौज़ी निंजा।
3असली बर्गत हआ लान्हैं सुन्हैं हणैं,
तिंयां हआ बिधाता हाम्हां लै
आप्पू बाखा दैनी दी भैंट।
4खारकी पलका खास्सै शोहरू-माठै हआ
शूरबीरा का खास्सै कतीरा ज़िहै
5सोभी का खुशी हआ तेऊ मर्धा लै ज़सरी किर्ली इना इहै कतीरा करै भरी हआ,
तेऊए दुशमण निं तेऊ झ़गल़ै लै फेरा-फेर गोट दैई बी
नसाफ करने ज़ैगा पांच़ी लै हारी सकदै।
Currently Selected:
भज़न 127: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
