भज़न 103
103
बिधाते महान झ़ूरी
राज़ै दाबेदो भज़न
1ए मेरै मन्नां, बिधातो शूकर कर!
मुंह करनी तत्त-दिला का बिधाते पबित्र नाओंए ज़ै-ज़ैकार।
2ए मेरै मन्नां, बिधातो शूकर कर!
ऐहा गल्ला निं बिस्सरी आथी कि सह किहअ झणैल़ू आसा।
3तेऊ ई, मेरै सारै पाप माफ किऐ,
अर तेऊ किअ हुंह सोभी बमारी का नरोगअ।
4बिधाता बच़ाऊअ हुंह मरनै का,
तेऊए झींण अर झ़ूरी रहा मुल्है मेरै मुंडै मुगटा ज़ेही।
5सह करा धैल़ मुल्है ज़िऊंणां लै मेरी गरज़ पूरी,
ताकि मुंह मुक्षरलै#103:5 मुक्षरलैअह पंछ़ी आसा एऊए ज़ोरा लै मशूर ज़िहै भिई तराण एछे।
6बिधाता करा रैनै-गरीबो नसाफ,
सह दैआ तिन्नां लै तिन्नों हक।
7तेऊ खोज़ी मोसा का आपणीं दिले गल्ला कि तेऊ किज़ै करनअ,
संघा रहैऊऐ तेऊ इज़राईली मणछा का आपणैं महान काम।
8बिधाता आसा झ़ूरनै आल़अ अर झणैल़ू,
तेऊ निं धखी का रोश्शै एछदी अर तेऊए झ़ूरी आसा अटल़।
9सह निं सदा दोश लांदअ अर
नां सदा दै रुश्शी रहंदअ।
10तेऊ निं हाम्हां संघै म्हारै पाप-दोशे साबै बभार किअ अर
नां तेऊ हाम्हां लै तेते सज़ा दैनी ज़ुंण हाम्हां ज़रूर भेटणीं ती।
11ज़िहअ सरग पृथूई प्रैंदै उछ़टअ आसा,
तिहअ झ़ूरा सह तिन्नां लै ज़ुंण तेऊओ अदर करा।
12ज़िहअ दूर पुर्बा का पछ़म आसा,
तिहै दूर किऐ हाम्हां का तेऊ म्हारै पाप।
13ज़िहअ बाब आपणैं शोहरू लै झणैल़ू हअ,
तिहअ झणैल़ू आसा बिधाता तिन्नां लै ज़ुंण तेऊओ अदर करा।
14सह ज़ाणा आप्पै कि हाम्हैं तेऊ किज़ूए तैणीं आसा बणाऐं दै,
सह निं ऐहा गल्ला बिस्सरदअ कि मणछ आसा माट्टी ई।
15मणछे ज़िन्दगी आसा घाहा ज़ेही,
हाम्हैं मणछ फूला बणें फूला ज़िहै,
16बागरी करै जाआ तिंयां धरनीं अल़ी अर
तेखअ निं तिंयां भिई शुझदै।
17पर ज़ुंण बिधाते डरा हेठै रहा, तिन्नां लै झ़ूरा बिधाता जुगै-जुगै तैणीं,
तेऊए बर्गत रहा तिन्नें आद-लुआदा लै बी पोस्ती दर पोस्ती हंदी लागी।
18मतलब ज़ुंण तेऊए करारा लै शुचै रहा अर
ज़ुंण तेऊए हुकम मना अर तेते साबै आपणीं ज़िन्दगी ज़िऊआ।
19बिधाते राज़गाद्दी आसा स्वर्गै अर
सह आसा सोभी प्रैंदै राज़अ।
20ओ बलबान स्वर्ग दूतो,
ज़ुंण तेऊए हुकम मना अर
हर गल्ला शूणां, तम्हैं करा तेऊ बिधाते ज़ै-ज़ैकार!
21स्वर्गे सारी सैना#103:21 स्वर्गे सारी सैना स्वर्ग दूत, तम्हैं बिधाते च़ाकरी करनै आल़ै, ज़ुंण
ज़ुंण तेऊए मरज़ी दी च़ला, तम्हैं करा तेऊ बिधाते ज़ै-ज़ैकार!
22संसारै ज़ेतरै बी ज़ीब, ज़हा प्रैंदै बिधाता राज़ करा,
सोभै करा तेऊ बिधाते ज़ै-ज़ैकार।
ए मेरै मन्नां, बिधातो शूकर कर।
Currently Selected:
भज़न 103: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
