भज़न 1
1
पैहलअ भाग
(भज़न 1:1—41:13)
1परमेशर दैआ तिन्नां मणछा लै बर्गत
ज़ुंण कदुष्ट मणछे सलाह निं मंदअ,
नां पापी मणछा ज़िहअ काम करदअ
अर नां तिन्नें टोली दी साझ़ू हंदअ
ज़ुंण परमेशरो मखौल करा।
2इना सोभी गल्ला छ़ाडी रहा तिंयां
बिधातो बधान मनणा लै मगन
अर तिन्नां हआ धैल़-राच तेते ई बारै धैन अर सोठ पल़ी दी।
3तिंयां मणछ आसा इहै हरै बूटा ज़िहै
ज़ुंण सदा बहूंदी गाडे बाढै आसा लागै दै,
ज़ेथ सिज़नै ठीक बगती फल़ लागा
अर पाच रहा तिन्नां बूटे हरै ई हरै।
तिंयां मणछ ज़िहअ बी करे, तेथ हआ तिंयां सफल।#जेर. 17:8 4पर कदुष्ट मणछ निं इहै हंदै!
तिंयां आसा इहै भुखलै ज़िहै, ज़ेता बागरी करै पोर्ही पूणा।
5तैही निं कदुष्ट मणछा का राज़ै धर्मींए दालता दी ज़बाब हणअ,
तेऊ काढणैं पापी मणछ आपणैं धर्मीं मणछे टोली का दूर।
6किल्हैकि धर्मीं मणछे हेर-सभाल़ अर फाज़त करा बिधाता आप्पै,
पर कदुष्ट मणछ डेऊणैं तैहा बाता ज़ेथ बरैबादी हआ।#भज. 68:2; 73:27; 92:9
Currently Selected:
भज़न 1: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
