ईशायाह 12
12
बिधाते शूकर करना लै गिह
1ज़ेभै ईंयां धैल़ै एछणैं, लोगा बोल़णीं एही गिह,
“बिधाता, हुंह करा तेरअ शूकर! ताह ती मुल्है रोश्शै आई दी,
पर ऐबै हुअ तेरअ रोश्श फांभअ, तंऐं दैनअ मुल्है हैअ।
2परमेशर, मुंह बच़ाऊंणै आल़अ आसा तूह,
मुंह रहणअ तेरै आसरै अर मुंह निं तेखअ किछ़ै डअर आथी।
मुल्है ज़ोर-ज़ाहण दैणैं आल़अ आसा तूह बिधाता ई,
तूह ई आसा मुंह तारनै आल़अ।#भज. 118:14; लुआ. 15:2
3ज़िहअ ज़ाईरू पाणीं झुटी मणछो शाह हरअ फिरा,
तेही ई हआ परमेशरे परज़ा खुश ज़ांऊं सह तिन्नां बच़ाऊआ।”
4तैहा धैल़ी बोल़णीं तम्हां एही गिह,
“बिधातो शूकर करा, तेऊ सेटा करा अरज़!
सोभी देशा का खोज़ा कि तेऊ किहै महान काम किऐ!
तिन्नां का खोज़ा कि सह किहअ महान आसा!#भज. 105:1,2
5बिधाता ज़ुंण महान काम किऐ, तेते गांठा गिह,
सारी पृथूई लोल़ी अह खबर सोभी का शुण्हुंई।
6सियोन बस्सै दै सोभ लोग बोला ऐहा गिहा,
इज़राईलो पबित्र परमेशर आसा महान,
सह रहा इधी तम्हां संघै।”
Currently Selected:
ईशायाह 12: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
