2 इतिहास 22
22
यहूदी मुल्खै अहाजया राज़अ
(2 राज़ै 8:25-29; 9:21-28)
1अरब देशै ज़ुंण जेहोरामे शोहरू कैद किऐ तै, तिंयां पाऐ बादा का तिन्नैं सोभ मारी। जेहोरामो सोभी का कान्हअ शोहरू अहाजया त एक्कै ज़िऊंदअ बच़अ द अर सह बणाअं यहूदा मुल्खो राज़अ। 2-3अहाजया त तधू बाई सालो ज़धू सह राज़अ बणअ। तेऊ किअ एरुशलेम नगरी का यहूदा मुल्खे इज़राईली प्रैंदै एकी ई साला राज़। तेऊए ईजा नाअं त अताल्या अर सह थिई इज़राईले राज़ै ओमरीए पोची। तेसे सलाह करै किअ तेऊ पाप। अहाजया बी किअ अहाबे खिंबा ई ज़िहअ पाप। 4आपणैं बाबा मरनै बाद बणाऐं तेऊ अहाब राज़े भाई-बंधा मांझ़ै आपणैं बज़ीर, तिन्नें सलाह करै किऐ तेऊ बिधाता लै पाप ज़ेता बिधाता नांईं च़ाहंदअ त कि सह करे! 5तिन्नैं ई दैनी तेऊ लै सलाह संघा ज़ुल़अ उतरा बाखा इज़राईले राज़ै अहाबे शोहरू जोरामा संघै गलाद मुल्खै रामोत अराम देशे राज़ै हज़ाएला संघै जुधा लै। तेऊ जुधा दी हुअ जोराम खास्सअ ज़खमी। 6अहाबो शोहरू राज़अ जोराम आअ फिरी कि जज्रेल पुजी सह तिन्नां ज़खमो लाज़ करे ज़ुंण तेऊ अरामी हज़ाएला संघै जुध करदी पल़ै तै। यहूदो राज़अ जेहोरामो शोहरू अजर्याह डेऊअ तिधी तेऊ झेठू।
7बिधाता दैनअ इहअ हणैं कि यहूदो राज़अ अहाजया उतरा बाखा इज़राईले राज़ै जोरामे साथा डेओए कि सह बरैबाद होए। ज़ांऊं अहाजया जज्रेल नगरी आअ, तेऊ अर जोरामा निं समझ़ ई निस्सी ती पल़ी कि निमशीओ पोचअ ज़ैऊ तिन्नां सेटा लै किज़ू कामैं आअ अर तिंयां निखल़ै तेऊ सेटा लै मिलदै! बिधाता त ज़ैऊ छ़ांटअ द कि सह अहाब राज़ैओ सारअ खिंब खतम करे! 8ज़ैऊ त अहाब राज़े खिंबा लै तिहअ ई करदअ निखल़अ द कि बाता भेटै तेऊ यहूदी सैणैं अर अहाजया राज़े भाणज़ू ज़ुंण अहाजया राज़े च़ाकरी करा तै, ज़ैऊ पाऐ तिंयां तिधी मारी। 9तेखअ छ़ाडै तेऊ आपणैं आदमी अहाजया लोल़ै। तिन्नां भेटअ अहाजया कि सह आसा सामरी नगरी लुक्कअ द। तिन्नैं आणअ सह ज़ैऊ सेटा लै अर ज़ैऊ पाअ अहाजया राज़अ मारी। तिन्नैं डाहअ अहाजया मरी करै इज़ती संघै इहअ बोली दाबी कि अह आसा राज़ै जहोशापातो पोचअ। जहोशापातै आसा तत्त-दिला का बिधाते च़ाकरी किई दी।
राज़ै अहाजये खिंबो निं इहअ कुंण बच़अ ई आथी ज़ुंण यहूदा मुल्खै राज़ करी सके।
यहूदे राणीं अताल्या
(2 राज़ै 11:1-3)
10राज़ै अहाजये ईज अताल्या भाल़अ कि तेसो शोहरू हेरअ मारी, तैहा किअ हुकम कि राज़ परिबारे तिन्नां सोभी पाआ मारी ज़ुण राज़ै बणी यहूदा मुल्खे राज़ै बणी सका। तैहा किअ बी तिहअ ई। 11तिन्नां मांझ़ै छ़ुटअ सिधअ अहाजयो शोहरू जोआश। सह बी हेरअ त होरी संघै मारी पाई पर सह बच़ाऊअ तेऊ शोहरूए बुबी जेहशेबा#22:11 जेहशेबा जेहोशेबात। सह थिई राज़ै जेहोरामे शोहरी अहाजये काकी बैहण। तेसो बैह त जहोयादा नाओंए प्रोहता संघै हुअ द। तैहा निंयं अहाजयो सह शोहरू होरी टिक्कै का दूर संघा डाहअ तेऊ धाचणै आल़ी दाई संघी झिकल़ै डाहणें कठैरी बिधाते भबनै एकी कमरू च़ोरी अर इहअ करै बच़अ सह अताल्या का ज़िऊंदअ। 12सह डाहअ जेशेबा छ़हा साला तैणीं बिधाते भबनै च़ोरी संघा रही तिधी लुक्की करै तेऊ धाचदी लागी। यहूदा ती अताल्या राणीं राज़ करदी लागी दी।
Currently Selected:
2 इतिहास 22: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
