इब्रानियों 3

मूसा मांनदारी दा दास मसीह मांनदार दा पुत्र

1एस आसतै ए पवित्र प्राओ, तोस जेड़े सोर्ग दी बुलाट दे पागी ओ, ओस प्रेरित ते महायाजक यीशु उपर जिसी अस अंगीकार करनयां न, त्यान दियो। 2ओ अपने चुननें आले आसतै मानदार हा, जियां मूसा बी परमेसर दे सारे कर च हा। 3किके यीशु मूसा थमां इनां बद मैमा दे काबल समझा गीया ऐ, जियां के कर गी बनाने आला कर कोलां बद आदर दे योग ऐ। 4किके अर एक कर दा कोई नां कोई बनाने आला ओंदा ऐ, लेकन जेस ने सारा केछ बनाया ओ परमेसर ऐ। 5मूसा तां परमेसर दे सारे कर च मानदार सेवक आला लेखा रिया, के जेड़ीयां गल्लां ओनें आलियां हां, उन्दी गुआई दिती। 6लेकन मसीह पुत्तर आला लेखा परमेसर दे कर दा आक्दार ऐ; ते ओसदा कर अस एै, जेकर अस इम्त कन्ने ते अपनी आस दे कमंड उपर खीरी तकर मजबूती कन्ने टिके रौचै।

गैर विश्वास लेई चतावनी

7एस आसतै जियां पवित्र आत्मा थमां आखदा ऐ,

“जेकर तोस अज्ज परमेसर दी बाज सुनो,

8तां अपने मन गी कठोर नेई करो,

जियां के गुस्सा चढ़ाने दे बेलै

ते परिख्या दे देन इस्राएलियें संसान जगै च कित्ता हा।

9जिथें थुआड़े पिता दादें मिकी चाली साल जाचियै परखया

ते चली साल तकर मेरे चमत्कार कम दिखे।

10एस कारन आऊँ ओस बेलै दे लोकें कन्ने क्रोधें च रिया,

ते आखया, ईदे मन मेशा पटकदे रौंदे न,

ते इनें मनां करी दिता जे मैं उनेंगी करने आसतै आखया।

11ओस बेलै मैं गुस्सै च आईयै कसम खादी, ओ मेरे बसां दी जगै च नेई आई सकगन।”

12ए साथी प्राओ ते पैनो, चकने रवो, के थुआड़े बेच ऐसे बुरे ते अवश्वासी मन आले नेई ओंन, जेड़े तुसेंगी जिंदे परमेसर थमां दूर लेई जांन। 13बरना जेस देन तकर अज्ज दा देन आखया जन्दा ऐ, तोस अर देन एक दुए गी औसला दिन्दे रवो, ऐसा नेई उवै, के थुआड़े बिचा कोई जन पाप दे तोखे च आईयै कठोर ओई जा। 14किके अस मसीह दे पागीदार बनें दे न, जेकर अस अपने पैलैं आले विश्वास उपर खीरी तकर औसले कन्ने टिके दे रौचै।

15जियां पवित्र शास्त्र च आखया जन्दा ऐ, “जेकर तोस अज्ज ओसदी बानी सुनो, तां अपने मनें गी कठोर नेई करो, जियां गुस्सा चढ़ाने दे बेलै कित्ता हा।”

16पला ओ कोन लोक न जीनें परमेसर दी बाज सुनीयै बी उसी गुस्सा चढ़ाया? के उनै सबनी नेई, जेड़े मूसै थमां मिस्र देश बिचा निकले हे? 17ते ओ चाली साल तकर उनै लोकें कन्ने गुस्सै च रिया? के उन्दे कन्ने नेई, जिनैं पाप कित्ता, ते उन्दिआं लाशां जंगल च पेदीयां रेयां? 18ते ओसने कोदे कन्ने कसम खादी, के तोस मेरे अराम दी जगै च दाखल नेई ओई सकगे? के सेर्फ उन्देगै कन्ने नेई जिनैं परमेसर दा उक्म नेई मनया? 19एस आसतै अस दिखनयां न, के ओ अवश्वास दे कारन दाखल नेई ओई सक्के।

Currently Selected:

इब्रानियों 3: DOG

Highlight

Copy

Compare