होशे 14
14
पश्चाताप ओर प्रतिज्ञा रा सन्देश
1ओ इस्राएलो रे लोको, आपणे परमेशर यहोवे गे वापस आई जाओ, कऊँकि तुसे आपणे पापो रिया बजा ते ठोकर खाई राखी। 2तो एबे गल्ला सीखी की ओर यहोवे रिया तरफा खे फिरी की, तेसखे बोल, “सारे पाप माफ कर, दया करी की आसा खे मानी लो, तेबे आसा बलिया खे बल़द नि पर तन्यवादो री बलि चढ़ाणी।”#14:2 इब्रा. 13:15 3अश्शूर आसा खे नि बचाई सकदा, ना ई आसा रे लड़ाईया रे कोड़े। आसा फेर आपणी बणाई री मूर्तिया ते कदी नि बोलणा, “तुसे म्हारे देवता ए” ना, सिर्फ तुसा देई अनाथा खे दया मिलोई। 4यहोवा बोलोआ, “मां तिना रे पटकणे री आदत दूर करनी, मां तिना साथे प्यार करना, कऊँकि मेरा रोष तिना पाँदा ते उतरी गा रा।”
5आऊँ इस्राएलो खे पाल़े जेड़ा बणना, जो बणो रे डाल़ा डाल़िया खे जीवन देयोई। से सोसणो रे फूलो जेड़ा फलणा-फूलणा। लबानोनो रे देवदारो रे डाल़ा जेड़े तेस मजबूत ऊई जाणा। 6इस्राएल जातिया री पाँगटिया दूरो-दूरो तक फैली जाणिया, से जैतूनो रे डाल़ो जेड़ा बांका बणना, लबानोनो जेड़ी तेसरी खुशबू फैलणी। 7मां आपणे लोका खे बचाणे रिया तँईं छांए देणी। तिना एड़िया फसला लगाणियां जिना तिना खे खूब नज्ज देणा। सेयो सफल ऊणे, जेड़े कोई बेल जो बऊत सारे अंगूर देयोई। सेयो लबानोनो रे शराबो जेड़े प्रसिद्ध ऊणे। 8तेबे एप्रैमो रे लोका बोलणा, “एबे मूर्तिया साथे मेरा ओर क्या काम ए?” मां ई तेरिया प्रार्थना रा ज्वाब ताखे देणा ए, आऊँ ई तेरी देखपाल़ करूँआ। आऊँ सदाबार केली रे डाल़ो जेड़ा ए; ताखे मांते ई फल मिलणा।
अन्तिम सला
9जो अक्लमंद ओ, तेस ई यो गल्ला समजणियां, ये गल्ला केसी चलाक आदमिए खे जाणनी चाईए। कऊँकि यहोवे री बाटा सीदिया ए ओर तर्मी तिना पाँदे चलदे रणे, पर पापी तिना पाँदे ठोकर खाई की रूड़ने।
Currently Selected:
होशे 14: BGH
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
