Lwiimbo lwa Solomoni 7
7
Mwaalumi
1Ma! Namiindibotu oolemekeka,
oobulungene myeendo mbuli
tuwenge twakapangwa abasibuuya.
2Ikkombo lilikkede,
waini taukumanini.
Ida lyako lilisasabede ujisi tulisakatizyo twamaluba.
3Inkolo zyako ziliimvwi mbuli twana twamaanga twanjeleele, mbuli twansya tobilo.
4Insingo yako ilinongomene akubulungana mbuli ŋanda ndamfu.
Meso aako alasiya mbuli maziba aamunzi wa Hesyiboni,
kumbali amulyango wa Batilabimu.
Impemo yako ileebeka mbuli ŋanda ndamfu yaku Lebanoni, iilangide ku Damasikasi.
5Mutwe wako ulinongomene mbuli cilundu ca Kaameli,
masusu aako aaosedwe taaliboteli. Mabotu mbuli masani aandeketela acisombo. Bubotu bwawo inga butumpusya mwami.
6Akaka toliboteli omuyandwi wangu! Ulandibotezya kapati.
7Ciimo cako cilaliloka mbuli kankomone,
nkolo zyako zili mbuli mankomone.
8Kankomone aaka ndakatanta nkacele mankomone.
Kulindime nkolo zyako zili mbuli cisankama camusaansa, muuya wako uli mbuli bweema bwa olenji.
9Milomo yako mibotu mbuli waini uunona.
Mukaintu
Muyandwi wangu anywe waini ukunkile mumulomo ameso aakwe.
10Ndiwakwe muyandwi wangu awalo ulindisukeme.
11Boola ooyandwa, tweendeende kumyuunda, tukalale muminzi.
12Tuyoofuma kweeba misaansa, tukabone naa yasyuuka,
naa maluba akafulula, tukabone naa mapomegileneti alifulwide.
Ooko njookutondezya luyando lwangu.
13Misamu yakulibamba iinunkilila, amicelo yoonse iinona iili kumulyango wesu.
Omuyandwi wangu ndakakubambila zyoonse zyasunu azyakaindi.
Currently Selected:
Lwiimbo lwa Solomoni 7: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
