Lwiimbo lwa Solomoni 8
8
1Ma, nooli munyinandumi wangu, wakanyonsegwa abaama,
nokunga ndakujana mumugwagwa wamunzi, ndakumyonta kaatakwe autuyeeyela.
2Nindakuletelela kwesu ooko nkundakazyalilwa,
ooko nkubakandilaya nkekupa waini mukali, cakunywa cizwa kumicelo kuti unywe.
3Ijanza lyakwe lyacimwensi ndendilitulisya ulindikumbete ajanza lyakwe lyalulyo.
4Amundisyomezye nobakaintu bamu Jelusalemu kuti tamukoonyonganya zyaluyando lwesu.
Lwiimbo lwacisambomwe
Bakaintu
5Nguni ooyu uuza buza uuzwida munkanda uukumbetene amuyandwi wakwe?
Mukaintu
Ndakakubusya kuzwa munsi amoolenji, ooko nkookamitilwa akuzyalilwa.
6Utayandi uumbi kunze lyandime. Utakumbati uumbi kunze lyandime.
Luyando ndukali mbuli lufu. Buzuba mbukali mbuli lufu lwini,
bulavutuka mbuli mabanga-banga aamulilo, bulakutenta mbuli mulilo mukali.
7Taakwe maanzi naavula buti akonzya kuuzima,
taakwe noliba zambangulwe likonzya kuuzima.
Kuti umwi wasola kuula luyando ulasampuka buyo.
Banyinandumi bamukaintu
8Tujisi mucizi wesu uucibbubbuzya nkolo, ino tukacite buti buzuba mbwayooselwa?
9Naali bwaanda nitwamukwabilila amaanda malamfu aansiliva aakusompelela,
naali citendele nitwamupinga ampinzyo zyamukamba.
Mukaintu
10Ndili bwaanda, nkolo zyangu ziliimvwi mbuli maanda malamfu.
Muyandwi wangu ulizi kuti ndimaninide mulinguwe.
Mwaalumi
11Solomoni wakalijisi muunda wansaansa mubusena butegwa Baalihamoni.
Wakalekela balimi kuti buubambe, balo bakali kubbadela masyekeli aansiliva aali cuulu kumweelwe wamicelo.
12Solomoni aboole atambule mali aali cuulu
balimi abalo baabane mali aali myaanda yobilo.
Ndijisi muunda wansaansa uundigeme.
13Andimvwe jwi lyako omuyandwi wangu, beenzuma balindila kuti bakuswiilile nokanana.
Mukaintu
14Boola kulindime omuyandwi wangu, mbuli njeleele,
mbuli mwanaa nsya atala aazilundu zimenede tununkilizyo.
Currently Selected:
Lwiimbo lwa Solomoni 8: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
