Lwiimbo lwa Solomoni 6
6
Bakaintu
1O mukaintu ooebeka, ino waya kuli muyandwi wako?
Walanzya kuli kuti tukugwasye kumuyandaula?
Mukaintu
2Muyandwi wangu waya kumuunda wakwe, kumibundu yatununkilizyo,
weembela butanga bwakwe mumuunda wakwe.
3Muyandwi wangu nguwangu ambebo ndiwakwe. Weembela butanga mumaluba-luba.
Lwiimbo lwasanu
Mwaalumi
4Omuyandwi wangu, ino toli boteli!
Uli mbuli munzi wa Jelusalemu,
ulayandika mbuli munzi mupati wa Tiiza.
Ulayoosya mbuli basilumamba bajisi ndembela.
5Langa kumbi wandijazya meso.
Masusu aako alalileka mbuli butanga bwampongo ziselemuka zilundu zya Giliyadi.
6Meno aako alatuba buu mbuli butanga bwambelele bwazwa aakusanzigwa, kunyina ameno aakakuka.
7Masaya aako alivundumene mbuli mapomegileneti.
8Kulakonzya kuba bami bakaintu bali makumi aali cisambomwe abamwanakasuwa bali makumi aali lusele,
abasimbi banakalindu batabaliki!
9Pele ndiyanda omwe buyo alimwi uleebeka mbuli ciziba.
Walo alikke nguubainda uli alikke muli banyina.
Bakaintu boonse bamubona balamulumbaizya,
bami bakaintu abamwanakasuwa balamutembaula.
10Nguni ooyu ulangika mbuli mumuni wakubucedo?
Mubotu ulamweka mbuli zuba, ulatuba mbuli mwezi, mbuli nyenyezi mujulu.
11Ndakainka mumuunda wamaalumondi kuyoobona zisyango mukkuti,
kuyoobona delema lyamisaansa amaluba-luba amapomegileneti.
12Ndakakankama akaambo ka luyando mbuli sinkalaki mbwakankamina zyankondo.
Bakaintu
13Piluka, piluka omusimbi waku Syulamu! Piluka, piluka katucikweebela.
Mukaintu
Ino muyandila nzi kweebela musimbi waku Syulamu kazyana akati kankamu zyobilo zilangilila?
Currently Selected:
Lwiimbo lwa Solomoni 6: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
