Lwiimbo lwa Solomoni 2
2
Mukaintu
1Ndikaluba-luba kaku Syaloni, mpana zyamumakkuti.
Mwaalumi
2Mbuli kaluba-luba akati kamamvwa,
mbwabede muyandwi wangu akati kabakaintunyina.
Mukaintu
3Mbuli maapulo akati kacisaka mbwabede muyandwi wangu akati kabakubusi.
Ndilabotelwa kukkala munsi lyacimvule cakwe amicelo yakwe ilandinonena.
4Wandinjizya muŋanda yakwe yapobwe,
ndembela yakali atala yangu nduyando.
5Ndiyumye-yumye azibunge zyansaansa,
ndikatulusye amicelo yamaapulo,
nkaambo luyando lwandijaya.
6Ulindigwabikide ajanza lyakwe lyalumwensi,
ulindikumbete ajanza lyakwe lyalulyo.
7Amundisyomezye, nobakaintu bamu Jelusalemu,
amukonkezye muzina lyanjeleele alyansya,
kuti tamukooyoonyonganya luyando lwesu.
Lwiimbo lwabili
Mukaintu
8Swiilila omuyandwi wangu!
Bona ngooyu wasika uzabutantalika azilundu.
Uzabusotooka tulundu.
9Muyandwi wangu uli mbuli nsya,
uli mbuli mwanaa njeleele mweenze.
Bona nguulya uliimvwi kusule abwaanda bwesu.
Ulalanga ampulungwido, ulasondela acipulo.
10Muyandwi wangu wakandaambila kuti,
Mwaalumi
“Nyamuka, omuyandwi wangu,
oocebeka wangu, atweendeende.
11Langa mupeyo wamana, mvula yamana yainka,
12munyika kwazwa maluba-luba ciindi cakwiimba casika,
tomvwide kulila kwanziba munyika yesu!
13Mikuyu yatalika kuzyala.
Kununkilila kwamisaansa iifulula kwalimvwisya.
Nyamuka omuyandwi wangu ooebeka wangu,
atweendeende.”
14Nziba yangu iyubide muŋanzi zyamwaala,
musisikide munselelo lyazilundu,
andikubone kubusyu, andimvwe jwi lyako,
nkaambo jwi lyako ndibotu busyu bwako buleebeka.
15Amutujatile bamwaaba,
ntuunga bamwaaba tunyonyoona misaansa,
misaansa yesu iifulula.
Mukaintu
16Muyandwi wangu nguwangu, ambebo ndiwakwe,
17weembelela mumaluba-luba.
Kusikila kubucedo mudima wamwaika nopilukila omuyandwi wangu,
kumunzi wako mbuli nsya, mbuli mwanaa njeleele mweenze muzilundu.
Currently Selected:
Lwiimbo lwa Solomoni 2: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
