Intembauzyo 98
98
Lwiimbo
1Amwiimbile Mwami Leza lwiimbo lupya, nkaambo wacita zintu zigambya.
Janza lyakwe lyalulyo akuboko kwakwe zyamuzundya.
2Mwami Leza waambilizya zyalufutuko lwakwe, wayubununa bululami bwakwe kubantu boonse.
3Wayeeya zyaluyando lwakwe lutazungaani akusyomeka kwakwe ku Baisilayeli,
magolelo oonse aanyika alibonena lufutuko lwa Leza wesu.
4Amupozomoke cakutangala ku Mwami Leza nobamunyika yoonse,
amoongolole akukondwa mumutembaule.
5Amutembaule Mwami Leza munyimbo, amumwiimbile akantimbwa.
6Amulizye myeembo, mupozomoke kumbele lya Mwami Leza uulela.
7Aluvuume lwizi azyoonse zili mulindulo, nyika abantu boonse bakkede mulinjiyo.
8Mayuwe akampwaike, zilundu ziimbe antoomwe cakutangala
9kumbele lya Mwami Leza. Nkaambo ulaboola kuzoobeteka bamunyika,
uyoobeteka bamunyika mubululami, kubeteka bantu cakutasalulula.
Currently Selected:
Intembauzyo 98: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
